ਮੋਦੀ ਨੇ ਜਾਰਡਨ ਕਿੰਗ ਨਾਲ ਕੀਤੀ ਮੁਲਾਕਾਤ, ਦੁਵੱਲੇ ਸਬੰਧਾਂ ''ਤੇ ਹੋਈ ਚਰਚਾ

ਰਿਆਦ— ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਜਾਰਡਨ ਦੇ ਕਿੰਗ ਅਬਦੁੱਲਾਹ ਬਿਨ ਅਲ-ਹੂਸੈਨ ਦੂਜੇ ਨਾਲ ਸਾਊਦੀ ਅਰਬ ਦੇ ਰਿਆਦ 'ਚ ਮੁਲਾਕਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਦੋਵਾਂ ਦੇਸ਼ਾਂ ਦੇ ਰਿਸ਼ਤਿਆਂ ਤੇ ਲੋਕਾਂ ਦੇ ਸਿੱਧੇ ਸਬੰਧਾਂ ਨੂੰ ਮਜ਼ਬੂਤ ਕਰਨ 'ਤੇ ਚਰਚਾ ਕੀਤੀ।

A good beginning to the day!

PM @narendramodi met His Majesty King Abdullah II of Jordan in Riyadh. Both leaders exchanged views on working closely together to strengthen our ties across sectors, specially in trade & investment, human resource development & people-to-people ties pic.twitter.com/Mkcrp0OiNr

— Raveesh Kumar (@MEAIndia) October 29, 2019

ਇਸ ਦੌਰਾਨ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਵੀਸ਼ ਕੁਮਾਰ ਨੇ ਟਵੀਟ ਕਰਕੇ ਕਿਹਾ ਕਿ ਦਿਨ ਦੀ ਚੰਗੀ ਸ਼ੁਰੂਆਤ ਹੋਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਾਰਡਨ ਦੇ ਕਿੰਗ ਅਬਦੁੱਲਾਹ ਦੂਜੇ ਨਾਲ ਰਿਆਦ 'ਚ ਮੁਲਾਕਾਤ ਕੀਤੀ ਹੈ। ਦੋਵਾਂ ਲੀਡਰਾਂ ਨੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ਤੇ ਸਹਿਯੋਗ ਵਧਾਉਣ 'ਤੇ ਚਰਚਾ ਕੀਤੀ, ਵਿਸ਼ੇਸ਼ ਕਰਕੇ ਵਪਾਰ ਤੇ ਨਿਵੇਸ਼, ਮਨੁੱਖੀ ਸਰੋਤਾਂ ਦੇ ਵਿਕਾਸ ਤੇ ਦੋਵਾਂ ਮੁਲਕਾਂ ਦੇ ਲੋਕਾਂ ਵਿਚਾਲੇ ਸਿੱਧੇ ਸਬੰਧਾਂ 'ਤੇ। ਪ੍ਰਧਾਨ ਮੰਤਰੀ ਮੋਦੀ ਕਿੰਗ ਸਲਮਾਨ ਬਿਨ ਅਬਦੁੱਲ ਅਜੀਜ਼ ਦੇ ਸੱਦੇ 'ਤੇ ਸਾਊਦੀ ਅਰਬ ਦੌਰੇ 'ਤੇ ਗਏ ਹੋਏ ਹਨ। ਆਪਣੇ ਇਸ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਰਿਆਦ 'ਚ ਫਿਊਚਰ ਇਨਸਵੈਸਟਮੈਂਟ ਇੰਸਟੀਚਿਊਟ ਫੋਰਮ ਦੇ ਤੀਜੇ ਸੈਸ਼ਨ ਨੂੰ ਵੀ ਸੰਬੋਧਨ ਕਰਨਗੇ।