ਜਹਾਜ਼ ਹਾਦਸੇ ''ਚ ਸੰਗੀਤਕਾਰ ਔਰੇਲੀਓ ਮਾਰਟੀਨੇਜ਼ ਸੁਆਜ਼ੋ ਸਮੇਤ 12 ਲੋਕਾਂ ਦੀ ਮੌਤ

ਤੇਗੁਸੀਗਲਪਾ, ਹੋਂਡੁਰਾਸ (ਏਪੀ)- ਹੋਂਡੁਰਾਸ ਦੇ ਤੱਟ 'ਤੇ ਇੱਕ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਮਾਰੇ ਗਏ 12 ਲੋਕਾਂ ਵਿੱਚ ਪ੍ਰਸਿੱਧ ਸੰਗੀਤਕਾਰ ਔਰੇਲੀਓ ਮਾਰਟੀਨੇਜ਼ ਸੁਆਜ਼ੋ ਸ਼ਾਮਲ ਸਨ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਲਾਂਸਾ ਏਅਰਲਾਈਨਜ਼ ਦਾ ਜਹਾਜ਼ ਸੋਮਵਾਰ ਰਾਤ ਨੂੰ ਰੋਆਟਨ ਟਾਪੂ ਤੋਂ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਸਮੁੰਦਰ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ਵਿੱਚ 17 ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਉਨ੍ਹਾਂ ਵਿੱਚੋਂ ਪੰਜ ਨੂੰ ਬਚਾ ਲਿਆ ਗਿਆ ਅਤੇ ਸਾਰਿਆਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। 

ਪੜ੍ਹੋ ਇਹ ਅਹਿਮ ਖ਼ਬਰ-'ਵਾਅਦਾ ਕੀਤਾ, ਵਾਅਦਾ ਨਿਭਾਇਆ', ਸੁਨੀਤਾ ਦੀ ਵਾਪਸੀ 'ਤੇ ਬੋਲੇ Trump

ਪੁਲਸ ਨੇ ਦੱਸਿਆ ਕਿ ਜਹਾਜ਼ ਪੂਰੀ ਉਚਾਈ ਤੱਕ ਨਹੀਂ ਉੱਡ ਸਕਿਆ ਅਤੇ ਸਮੁੰਦਰ ਵਿੱਚ ਡਿੱਗ ਗਿਆ। ਕੁਝ ਲੋਕਾਂ ਨੂੰ ਸਥਾਨਕ ਮਛੇਰਿਆਂ ਨੇ ਬਚਾਇਆ। ਹੋਂਡੂਰਨ ਸਿਵਲ ਏਅਰੋਨਾਟਿਕਸ ਏਜੰਸੀ ਨੇ ਕਿਹਾ ਕਿ ਹਾਦਸੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਮਾਰਟੀਨੇਜ਼ ਸੁਆਜ਼ੋ ਕੋਲ ਅਮਰੀਕੀ ਨਾਗਰਿਕਤਾ ਵੀ ਸੀ। ਉਸਦੀ ਕਰੀਬੀ ਦੋਸਤ, ਫਰਾਂਸੀਸੀ ਨਾਗਰਿਕ ਹੇਲੇਨ ਓਡਾਈਲ ਗੁਇਵਾਰਚ, ਬਚੇ ਹੋਏ ਲੋਕਾਂ ਵਿੱਚੋਂ ਇੱਕ ਹੈ।  ਸੰਗੀਤਕਾਰ ਦੇ ਨਜ਼ਦੀਕੀ ਰਿਸ਼ਤੇਦਾਰ, ਐਂਜਲ ਅਪਾਰੀਸੀਓ ਫਰਨਾਂਡੇਜ਼ ਮਾਰਟੀਨੇਜ਼ ਨੇ ਕਿਹਾ, "ਉਹ (ਸੁਆਜ਼ੋ) ਪਰਿਵਾਰ ਦਾ ਇੱਕ ਮਜ਼ਬੂਤ ​​ਥੰਮ੍ਹ ਸੀ।" ਇਸ ਹਾਦਸੇ ਨਾਲ ਪਰਿਵਾਰ ਬਹੁਤ ਦੁਖੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।