ਨਿਊਜ਼ੀਲੈਂਡ ਸਰਕਾਰ ਨੇ ਮੰਕੀਪਾਕਸ ਦੀ ਦਵਾਈ ਜਨਤਾ ਲਈ ਕੀਤੀ ਸੁਰੱਖਿਅਤ

ਵੈਲਿੰਗਟਨ (ਵਾਰਤਾ): ਨਿਊਜ਼ੀਲੈਂਡ ਸਰਕਾਰ ਨੇ ਮੰਕੀਪਾਕਸ ਲਾਗ ਦੀ ਦਵਾਈ 'ਟੇਕੋਵਾਇਰੀਮੈਟ' ਨੂੰ ਸਟੋਰ ਕਰ ਲਿਆ ਹੈ, ਜੋ ਕਿ ਸਤੰਬਰ ਦੇ ਅਖੀਰ ਤੋਂ ਨਿਊਜ਼ੀਲੈਂਡ ਵਿੱਚ ਮੁਫਤ ਉਪਲਬਧ ਹੋਣ ਦੀ ਉਮੀਦ ਹੈ।ਐਸੋਸੀਏਟ ਆਫ ਹੈਲਥ ਮੰਤਰੀ ਆਇਸ਼ਾ ਵੇਰਾਲ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਇਸ ਤੋਂ ਇਲਾਵਾ ਹੈਲਥ ਨਿਊਜ਼ੀਲੈਂਡ ਦੇਸ਼ ਦੀ ਫਾਰਮਾਸਿਊਟੀਕਲ ਏਜੰਸੀ ਫਾਰਮਾਕ ਨਾਲ ਵੀ ਕੰਮ ਕਰ ਰਹੀ ਹੈ, ਤਾਂ ਕਿ ਇਮਵਾਨੇਕਸ ਜਾਂ ਜੈਨੀਓਸ ਦੇ ਨਾਂ ਨਾਲ ਜਾਣੇ ਜਾਂਦੇ ਚੇਚਕ ਦੇ ਟੀਕੇ ਦੀ ਸਪਲਾਈ ਨੂੰ ਸੁਰੱਖਿਅਤ ਕੀਤਾ ਜਾ ਸਕੇ, ਜੋ ਕਿ ਮੰਕੀਪਾਕਸ ਦੇ ਵਿਰੁੱਧ ਪ੍ਰਭਾਵਸ਼ਾਲੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਬਾਈਡੇਨ, ਟਰੂਡੋ ਨੂੰ ਪਛਾੜ PM ਮੋਦੀ ਇਕ ਵਾਰ ਫਿਰ ਵਿਸ਼ਵ ਨੇਤਾਵਾਂ ਦੀ ਸੂਚੀ 'ਚ ਸਿਖਰ 'ਤੇ

ਵੇਰਾਲ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਨਿਊਜ਼ੀਲੈਂਡ ਮੰਕੀਪਾਕਸ ਲਾਗ ਦੀ ਦਵਾਈ ਟੇਕੋਵਾਇਰੀਮੈਟ ਦੇ 504 ਕੋਰਸਾਂ ਨੂੰ ਸੁਰੱਖਿਅਤ ਕਰਨ ਵਿਚ ਸਫਲ ਰਿਹਾ ਹੈ, ਜੋ ਮੁਫਤ ਉਪਲਬਧ ਹੋਣਗੇ ਅਤੇ ਉਹਨਾਂ ਲੋਕਾਂ ਦੇ ਇਲਾਜ ਲਈ ਵਰਤੇ ਜਾਣਗੇ ਜੋ ਮੰਕੀਪਾਕਸ ਨਾਲ ਬੀਮਾਰ ਹੋ ਜਾਂਦੇ ਹਨ।ਉਹਨਾਂ ਨੇ ਅੱਗੇ ਕਿਹਾ ਕਿ ਹਾਲਾਂਕਿ ਨਿਊਜ਼ੀਲੈਂਡ ਵਿੱਚ ਇਸ ਸਮੇਂ ਮੰਕੀਪਾਕਸ ਦੇ ਕੋਈ ਐਕਟਿਵ ਕੇਸ ਨਹੀਂ ਹਨ, ਅਤੇ ਵਿਆਪਕ ਪ੍ਰਸਾਰਣ ਦਾ ਜੋਖਮ ਘੱਟ ਹੈ ਪਰ ਇਹ ਮਹੱਤਵਪੂਰਨ ਹੈ ਕਿ ਅਸੀਂ ਤਿਆਰ ਹਾਂ।ਉਹਨਾਂ ਨੇ ਅੱਗੇ ਦੱਸਿਆ ਕਿ ਕਈ ਵਾਰ ਵਾਇਰਸ ਵਾਲੇ ਲੋਕ ਦਰਦਨਾਕ ਜਖਮਾਂ ਦਾ ਅਨੁਭਵ ਕਰਦੇ ਹਨ ਅਤੇ ਕੁਝ ਲੋਕਾਂ ਨੂੰ ਹਸਪਤਾਲ ਪੱਧਰ ਦੀ ਦੇਖਭਾਲ ਦੀ ਲੋੜ ਹੋ ਸਕਦੀ ਹੈ। ਇਹ ਦਵਾਈ ਉਹਨਾਂ ਲੋਕਾਂ ਦੀ ਮਦਦ ਕਰੇਗੀ।

ਪੜ੍ਹੋ ਇਹ ਅਹਿਮ ਖ਼ਬਰ- ਚੀਨ ਅਤੇ ਰੂਸ ਵਿਸ਼ਵ ਵਿਵਸਥਾ ਲਈ ਬਣ ਰਹੇ ਹਨ ਖ਼ਤਰਾ : ਤਾਈਵਾਨ

ਉਸਨੇ ਕਿਹਾ ਕਿ ਸਰਕਾਰ ਟੀਕੇ ਤੱਕ ਪਹੁੰਚ ਨੂੰ ਸੁਰੱਖਿਅਤ ਕਰਨ ਲਈ ਸਖਤ ਮਿਹਨਤ ਕਰ ਰਹੀ ਹੈ ਪਰ ਇੱਥੇ ਸੀਮਤ ਵਿਸ਼ਵਵਿਆਪੀ ਸਪਲਾਈ ਹੈ ਅਤੇ ਉਨ੍ਹਾਂ ਦੇਸ਼ਾਂ ਨੂੰ ਵੰਡਣ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ ਜੋ ਪ੍ਰਕੋਪ ਦਾ ਸਾਹਮਣਾ ਕਰ ਰਹੇ ਹਨ।ਵੇਰਾਲ ਨੇ ਕਿਹਾ ਕਿ ਉਹ ਚੇਤਾਵਨੀ ਦਿੰਦੀ ਹੈ ਕਿ ਭਾਵੇਂ ਮੰਕੀਪਾਕਸ ਕੁਝ ਹੋਰ ਬਿਮਾਰੀਆਂ ਜਿਵੇਂ ਕਿ ਖਸਰਾ ਜਾਂ ਕੋਵਿਡ-19 ਜਿੰਨਾ ਛੂਤਕਾਰੀ ਨਹੀਂ ਹੈ, ਫਿਰ ਵੀ ਲੱਛਣ ਪੈਦਾ ਹੋਣ 'ਤੇ ਘਰ ਵਿਚ ਰਹਿਣਾ, ਸਵੈ-ਅਲੱਗ-ਥਲੱਗ ਰਹਿਣਾ ਅਤੇ ਸਲਾਹ ਲੈਣੀ ਜ਼ਰੂਰੀ ਹੈ।