‘ਘਰੋਂ ਨਾ ਨਿਕਲਣ’ ਦਾ ਸੰਦੇਸ਼ ਦੇ ਕੇ ਘਿਰੇ ਜਾਪਾਨੀ ਪ੍ਰਧਾਨ ਮੰਤਰੀ ਸ਼ਿੰਜੋ ਆਬੇ

ਟੋਕੀਓ - ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਆਬੇ ਦੇ ‘ਘਰ ਦੇ ਅੰਦਰ ਹੀ ਰਹੋ’ ਦੇ ਐਤਵਾਰ ਦੇ ਸੰਦੇਸ਼ ’ਤੇ ਸੋਸ਼ਲ ਨੈੱਟਵਰਕ ’ਤੇ ਗੁੱਸੇ ਨਾਲ ਭਰੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਜਾ ਰਹੀਆਂ ਹਨ। ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਉਨ੍ਹਾਂ ਨੂੰ ਅਜਿਹੇ ਲੋਕਾਂ ਪ੍ਰਤੀ ਅਸੰਵੇਦਨਸ਼ੀਲ ਦੱਸਿਆ ਹੈ ਜੋ ਸਰਕਾਰ ਦੇ ਸਮਾਜਿਕ ਦੂਰੀ ਸਬੰਧਾਂ ਕਦਮਾਂ ਦੇ ਚਲਦੇ ਘਰ ਨਹੀਂ ਰਹਿ ਸਕਦੇ ਅਤੇ ਉਨ੍ਹਾਂ ਨੂੰ ਇਸ ਦੇ ਬਦਲੇ ਕੋਈ ਮੁਆਵਜ਼ਾ ਵੀ ਨਹੀਂ ਦਿੱਤਾ ਜਾ ਰਿਹਾ ਹੈ। ਜਾਪਾਨ ਨੇ ਕੁਝ ਟਵੀਟ ’ਚ ਕਿਹਾ ਗਿਆ ਕਿ ਉਹ ਕਿਸੇ ‘ਰਈਸ ਵਿਅਕਤੀ’ ਵਾਂਗ ਪੇਸ਼ ਆ ਰਹੇ ਹਨ ਅਤੇ ਕੁਝ ਹੋਰ ਨੇ ਕਿਹਾ ਕਿ ਉਹ ਖੁਦ ਨੂੰ ਕੀ ਸਮਝਦੇ ਹਨ। ਇਕ ਮਿੰਟ ਦੇ ਇਕ ਵੀਡੀਓ ’ਚ ਆਬੇ ਘਰ ’ਚ ਬੈਠੇ , ਬਿਨਾਂ ਕਿਸੇ ਭਾਵਨਾ ਦੇ ਆਪਣੇ ਪਾਲਤੂ ਕੁੱਤੇ ਨੂੰ ਪਿਆਰ ਕਰਦੇ ਹੋਏ, ਕਿਤਾਬ ਪੜ੍ਹਦੇ ਹੋਏ, ਕੱਪ ਤੋਂ ਚੁਸਕੀ ਲੈਂਦੇ ਹੋਏ ਅਤੇ ਰਿਮੋਟ ਕੰਟਰੋਲ ਦਾ ਬਟਨ ਦਬਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।

友達と会えない。飲み会もできない。
ただ、皆さんのこうした行動によって、多くの命が確実に救われています。そして、今この瞬間も、過酷を極める現場で奮闘して下さっている、医療従事者の皆さんの負担の軽減につながります。お一人お一人のご協力に、心より感謝申し上げます。 pic.twitter.com/VEq1P7EvnL

— 安倍晋三 (@AbeShinzo) April 12, 2020

ਆਬੇ ਨੇ ਟੋਕੀਓ ਅਤੇ ਛੇ ਹੋਰ ਸੂਬਿਆਂ ’ਚ ਪਿਛਲੇ ਮੰਗਲਵਾਰ ਨੂੰ ਐਮਰਜੈਂਸੀ ਸਥਿਤੀ ਐਲਾਨ ਕਰ ਦਿੱਤੀ ਸੀ ਅਤੇ ਲੋਕਾਂ ਨੂੰ ਘਰ ਰਹਿਣ ਅਤੇ ਇਕ-ਦੂਜੇ ਨਾਲ ਮਿਲਣ-ਜੁਲਣ ’ਚ 80 ਫੀਸਦੀ ਤੱਕ ਕਮੀ ਲਿਆਉਣ ਨੂੰ ਕਿਹਾ ਸੀ। ਉਧਰ ਕਈ ਜਾਪਾਨੀ ਕੰਪਨੀਆਂ ਨੇ ਇਸ ’ਤੇ ਧੀਮੀ ਪ੍ਰਤੀਕਿਰਿਆ ਦਿੱਤੀ ਅਤੇ ਕਈ ਲੋਕਾਂ ਨੂੰ ਐਲਾਨ ਤੋਂ ਬਾਅਦ ਵੀ ਆਉਂਦੇ-ਜਾਂਦੇ ਦੇਖਿਆ ਗਿਆ। ਐਤਵਾਰ ਤੱਕ ਜਾਪਾਨ ’ਚ ਇਨਫੈਕਸ਼ਨ ਦੇ 7255 ਮਾਮਲੇ ਸਨ ਜਦੋਂ ਕਿ ਇਸ ਸਾਲ ਦੀ ਸ਼ੁਰੂਆਤ ’ਚ ਅਲੱਗ ਖੜ੍ਹੇ ਕੀਤੇ ਗਏ ਲਗਜ਼ਰੀ ਜਹਾਜ਼ ਤੋਂ 712 ਹੋਰ ਮਾਮਲੇ ਵੀ ਸਾਹਮਣੇ ਆਏ ਸਨ।