ਆਬੇ ਜਾਪਾਨ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਰਹਿਣ ਵਾਲੇ ਪੀ.ਐੱਮ. ਬਣੇ

ਟੋਕੀਓ (ਭਾਸ਼ਾ): ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜ਼ੋ ਆਬੇ ਦੇਸ਼ ਵਿਚ ਸਭ ਤੋਂ ਲੰਬੇ ਸਮੇਂ ਤੱਕ ਸੱਤਾ ਵਿਚ ਰਹਿਣ ਵਾਲੇ ਪੀ.ਐੱਮ. ਬਣ ਗਏ ਹਨ। ਇਹ ਇਕ ਨੇਤਾ ਲਈ ਸ਼ਾਨਦਾਰ ਉਪਲਬਧੀ ਹੈ, ਜਿਸ ਨੇ ਇਕ ਵਾਰ ਅਪਮਾਨ, ਆਰਿਥਕ ਚਿੰਤਾਵਾਂ ਅਤੇ ਚੁਣਾਵੀ ਕਾਨੂੰਨਾਂ ਦੀ ਉਲੰਘਣਾ ਕਰਨ ਦੇ ਦੋਸ਼ਾਂ ਵਿਚ ਸੱਤਾ ਛੱਡ ਦਿੱਤੀ ਸੀ। ਆਪਣੀ ਕੂਟਨੀਤੀ ਲਈ 65 ਸਾਲਾ ਆਬੇ ਨੂੰਵਧੇਰੇ ਪਸੰਦ ਕੀਤਾ ਜਾਂਦਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਨਾਲ ਉਨ੍ਹਾਂ ਦੇ ਤਣਾਅਪੂਰਨ ਸੰਬੰਧਾਂ ਕਾਰਨ ਵਪਾਰ ਦੇ ਝਗੜੇ ਵਿਚ ਸਭ ਤੋਂ ਖਰਾਬ ਸਥਿਤੀ ਪੈਦਾ ਹੋਣ ਤੋਂ ਬਚ ਗਈ। ਭਾਵੇਂਕਿ ਇਕ ਖੇਤਰੀ ਸੀਮਾ 'ਤੇ ਰੂਸ ਦੇ ਨਾਲ ਬਹੁਤ ਘੱਟ ਤਰੱਕੀ ਹੋਈ ਹੈ ਅਤੇ ਦੱਖਣੀ ਕੋਰੀਆ ਦੇ ਨਾਲ ਸਬੰਧ ਠੰਡੇ ਹਨ।

ਕਦੇ ਵਿਰੋਧੀ ਧਿਰ ਦੇ ਆਗੂ ਅਕੀਸਾ ਨਾਗਾਸ਼ਿਮਾ ਨੇ ਕਿਹਾ ਸੀ ਕਿ ਹੁਣ ਟਰੰਪ ਦੇ ਨਾਲ ਕੋਈ ਹੋਰ ਗਲੋਬਲ ਇੰਨੇ ਚੰਗੇ ਤਰੀਕੇ ਨਾਲ ਮਿਲ ਕੇ ਨਹੀਂ ਚੱਲ ਸਕਦਾ। ਆਬੇ ਨੇ ਸਾਲ 2007 ਵਿਚ ਸੱਤਾ ਛੱਡਣ ਤੋਂ ਪਹਿਲਾਂ ਇਕ ਸਾਲ ਤੱਕ ਚਿੰਤਾ ਭਰਪੂਰ ਸਮਾਂ ਗੁਜਾਰਿਆ ਸੀ। ਇਸ ਦੇ ਬਾਅਦ ਹੀ ਉਨ੍ਹਾਂ ਨੇ ਦਸੰਬਰ 2012 ਵਿਚ ਜਾਪਾਨ ਦੇ ਯੁੱਧ ਦੇ ਬਾਅਦ ਦੀ ਸ਼ਾਂਤੀਵਾਦੀ ਨੀਤੀ ਵਿਚ ਸੋਧ ਕਰਨ ਦਾ ਉਦੇਸ਼ ਰਖੱਦਿਆਂ ਇਕ ਮਜ਼ਬੂਤ ਫੌਜ ਬਣਾਉਣ ਅਤੇ ਇਕ ਸੁਧਰੀ ਹੋਈ ਅਰਥਵਿਵਸਥਾ ਦੇਣ ਦਾ ਵਾਅਦਾ ਕਰਦਿਆਂ ਸੱਤਾ ਵਿਚ ਵਾਪਸੀ ਕੀਤੀ ਸੀ। 

ਆਬੇ ਨੇ ਇਕ ਦਹਾਕੇ ਤੋਂ ਵੀ ਪਹਿਲਾਂ ਤਾਰੋ ਕਟਸੁਰਾ ਵੱਲੋਂ ਬਣਾਏ ਗਏ ਰਿਕਾਰਡ ਨੂੰ ਤੋੜ ਦਿੱਤਾ ਸੀ। ਆਬੇ ਹੁਣ ਤੱਕ 2887 ਦਿਨ ਤੱਕ ਪ੍ਰਧਾਨ ਮੰਤਰੀ ਰਹਿ ਚੁੱਕੇ ਹਨ। ਆਬੇ ਨੇ ਸੱਤਾ ਵਿਚ ਵਾਪਸੀ ਦੇ ਬਾਅਦ ਆਪਣੇ ਸੱਤਾਧਾਰੀ ਗਠਜੋੜ ਦੀ 6 ਵਾਰ ਰਾਸ਼ਟਰੀ ਚੋਣਾਂ ਵਿਚ ਅਗਵਾਈ ਕੀਤੀ ਅਤੇ ਜਿੱਤੇ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਉਹ ਡੀ.ਜੇ.ਪੀ. ਦੀ ਸਰਕਾਰ ਨਾਲੋਂ ਬਿਹਤਰ ਹਨ। ਜ਼ਿਕਰਯੋਗ ਹੈ ਕਿ ਇਕ ਕੈਬਨਿਟ ਫੇਰਬਦਲ ਦੇ ਬਾਅਦ ਆਬੇ ਦੇ ਕਰੀਬੀ ਦੋ ਮੰਤਰੀਆਂ ਨੂੰ ਚੋਣ ਮੁਹਿੰਮ ਕਾਨੂੰਨ ਦੀ ਉਲੰਘਣਾ ਦੇ ਦੋਸ਼ਾਂ ਕਾਰਨ ਅਸਤੀਫਾ ਦੇਣਾ ਪਿਆ।