ਇਟਲੀ 'ਚ ਹਾਲਾਤ ਗੰਭੀਰ, ਸਰਕਾਰ ਨੇ ਸੋਕੇ ਦੀ ਐਮਰਜੈਂਸੀ ਕੀਤੀ ਘੋਸ਼ਿਤ
07/05/2022 12:31:16 PM
ਰੋਮ (ਵਾਰਤਾ): ਇਟਲੀ ਸਰਕਾਰ ਨੇ ਦੇਸ਼ ਦੀ ਸਭ ਤੋਂ ਲੰਬੀ ਨਦੀ ਪੋ ਨਦੀ ਦੇ ਆਲੇ ਦੁਆਲੇ ਦੇ ਪੰਜ ਉੱਤਰੀ ਖੇਤਰਾਂ ਵਿੱਚ ਐਮਰਜੈਂਸੀ ਦੀ ਘੋਸ਼ਣਾ ਕੀਤੀ ਹੈ ਕਿਉਂਕਿ ਉਹ 70 ਸਾਲਾਂ ਵਿੱਚ ਸਭ ਤੋਂ ਭਿਆਨਕ ਸੋਕੇ ਦਾ ਸਾਹਮਣਾ ਕਰ ਰਹੇ ਹਨ।ਬੀਬੀਸੀ ਦੇ ਅਨੁਸਾਰ ਐਮਿਲਿਆ-ਰੋਮਾਗਨਾ, ਫਰੀਉਲੀ ਵੈਨੇਜ਼ੀਆ ਗਿਉਲੀਆ, ਲੋਂਬਾਰਡੀ, ਪੀਡਮੌਂਟ ਅਤੇ ਵੇਨੇਟੋ ਨੂੰ ਪਾਣੀ ਦੀ ਕਮੀ ਨਾਲ ਨਜਿੱਠਣ ਲਈ ਐਮਰਜੈਂਸੀ ਫੰਡਾਂ ਵਿੱਚ 36.5 ਮਿਲੀਅਨ ਡਾਲਰ ਦਿੱਤੇ ਜਾਣਗੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਚੀਨ ਨੇ ਕੈਨੇਡੀਅਨ ਉਦਯੋਗਪਤੀ ਵਿਰੁੱਧ ਮੁਕੱਦਮੇ 'ਚ ਸ਼ਾਮਲ ਹੋਣ ਦੀ ਨਹੀਂ ਦਿੱਤੀ ਇਜਾਜ਼ਤ : ਕੈਨੇਡਾ
ਐਗਰੀਕਲਚਰਲ ਯੂਨੀਅਨ ਕੋਲਡੀਰੇਟੀ ਨੇ ਕਿਹਾ ਕਿ ਸੋਕੇ ਨੇ ਇਟਲੀ ਦੀ 30 ਫੀਸਦੀ ਤੋਂ ਵੱਧ ਖੇਤੀ ਉਪਜ ਨੂੰ ਖਤਰਾ ਪੈਦਾ ਕਰ ਦਿੱਤਾ ਹੈ।ਅਸਾਧਾਰਨ ਗਰਮ ਮੌਸਮ ਅਤੇ ਸਰਦੀਆਂ ਅਤੇ ਬਸੰਤ ਵਿੱਚ ਘੱਟ ਬਾਰਿਸ਼ ਕਾਰਨ ਉੱਤਰੀ ਇਟਲੀ ਵਿੱਚ ਪਾਣੀ ਦੀ ਕਮੀ ਹੋ ਜਾਂਦੀ ਹੈ।ਸੋਮਵਾਰ ਨੂੰ ਸਰਕਾਰ ਨੇ ਕਿਹਾ ਕਿ ਐਮਰਜੈਂਸੀ ਦੀ ਸਥਿਤੀ ਦਾ ਉਦੇਸ਼ ਮੌਜੂਦਾ ਸਥਿਤੀ ਨੂੰ ਅਸਧਾਰਨ ਸਾਧਨਾਂ ਅਤੇ ਸ਼ਕਤੀਆਂ ਨਾਲ ਪ੍ਰਬੰਧਨ ਕਰਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਹਾਲਾਤ ਨਾ ਸੁਧਰੇ ਤਾਂ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
