ਇੰਜੈਕਸ਼ਨ ਲੱਗਦੇ ਹੀ ਮੈਨੂੰ ਹੂਰਾਂ ਜਿਹੀ ਨਜ਼ਰ ਆਉਣ ਲੱਗੀ ਨਰਸ : ਇਮਰਾਨ ਖਾਨ

ਇਸਲਾਮਾਬਾਦ - ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਅਤੇ ਇਸ ਵਿਚ ਜੋ ਉਨ੍ਹਾਂ ਆਖਿਆ ਹੈ ਕਿ, ਉਸ ਨੂੰ ਲੈ ਕੇ ਉਨ੍ਹਾਂ ਦੀ ਜਮ੍ਹ ਕੇ ਨਿੰਦਾ ਹੋ ਰਹੀ ਹੈ। ਟਵਿੱਟਰ 'ਤੇ ਪੱਤਰਕਾਰ ਨਾਇਲਾ ਇਨਾਯਤ ਨੇ 40 ਸਕਿੰਟ ਦੀ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਦੌਰਾਨ ਉਹ ਇਕ ਰੈਲੀ ਵਿਚ ਭਾਸ਼ਣ ਦੇ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਆਖਿਆ ਕਿ ਡਾਕਟਰ ਆਸਿਫ ਨੇ ਮੈਨੂੰ ਇਕ ਇੰਜੈਕਸ਼ਨ ਲਗਾਇਆ ਅਤੇ ਇਸ ਤੋਂ ਬਾਅਦ ਨਰਸ ਮੈਨੂੰ ਹੂਰ ਲੱਗਣ ਲੱਗੀ।

ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਯੂਜ਼ਰ ਇਮਰਾਨ ਖਾਨ ਨੂੰ ਟ੍ਰੋਲ ਕਰ ਰਹੇ ਹਨ। ਉਹ ਪੁੱਛ ਰਹੇ ਹਨ ਕਿ ਉਨ੍ਹਾਂ ਨੇ ਕਿਹਡ਼ਾ ਇੰਜੈਕਸ਼ਨ ਲਵਾਇਆ ਸੀ। ਇਸ ਵੀਡੀਓ ਨੂੰ 662 ਲੋਕਾਂ ਨੇ ਰੀ-ਟਵੀਟ ਕੀਤਾ ਹੈ ਅਤੇ ਇਸ ਨੂੰ 2 ਹਜ਼ਾਰ ਤੋਂ ਜ਼ਿਆਦਾ ਲਾਈਕ ਮਿਲ ਚੁੱਕੇ ਹਨ। ਇਸ ਵੀਡੀਓ ਨੂੰ ਨਾਈਲਾ ਦੇ ਟਵਿੱਟਰ ਹੈਂਡਲ 'ਤੇ 36 ਹਜ਼ਾਰ ਲੋਕ ਦੇਖ ਚੁੱਕੇ ਹਨ ਅਤੇ ਸੈਂਕਡ਼ੇ ਲੋਕਾਂ ਨੇ ਪ੍ਰਤੀਕਿਰਿਆ ਦਿੱਤੀ ਹੈ। ਨਾਇਲਾ ਇਨਾਯਤ ਨੇ ਕਲਿੱਪ ਦੇ ਨਾਲ ਕੈਪਸ਼ਨ ਲਿੱਖੀ ਹੈ, ਇਕ ਇੰਜੈਕਸ਼ਨ ਕਾਫੀ ਹੈ, ਜਿਸ ਤੋਂ ਬਾਅਦ ਪੀ. ਐਮ. ਨੂੰ ਨਰਸ ਹੂਰ ਦਿੱਖਣ ਲੱਗਦੀ ਹੈ।

One injection is all it takes for the PM to see nurses as hoors.. pic.twitter.com/syX4hAPxY0

— Naila Inayat नायला इनायत (@nailainayat) January 27, 2020

ਦਰਅਸਲ, ਵੀਡੀਓ ਵਿਚ ਇਮਰਾਨ ਖਾਨ ਆਪਣੀ ਸੱਟ ਦੇ ਬਾਰੇ ਵਿਚ ਗੱਲ ਕਰ ਰਹੇ ਸਨ। ਇਹ ਦੱਸ ਰਹੇ ਸਨ ਕਿ ਉਨ੍ਹਾਂ ਦੀ ਰੀਡ ਦੀਆਂ ਹੱਡੀਆਂ ਟੁੱਟ ਗਈਆਂ ਸਨ, ਜਿਸ ਕਾਰਨ ਡਾਕਟਰ ਨੇ ਉਨ੍ਹਾਂ ਨੂੰ ਇਕ ਇੰਜੈਕਸ਼ਨ ਦਿੱਤਾ। ਇਸ ਤੋਂ ਬਾਅਦ ਮੇਰੀ ਪੂਰੀ ਦੁਨੀਆ ਬਦਲ ਗਈ। ਇਮਰਾਨ ਨੇ ਆਖਿਆ ਕਿ ਮੈਨੂੰ ਤਕਲੀਫ ਹੋ ਰਹੀ ਸੀ ਕਿਉਂਕਿ ਮੇਰੀ ਰੀਡ ਦੀ ਹੱਡੀ ਟੁੱਟ ਗਈ ਹੈ। ਹੁਣ ਮੈਂ ਤਕਲੀਫ ਵਿਚ ਹਾਂ, ਤਾਂ ਇਸ ਡਾਕਟਰ ਆਸਿਫ ਨੇ ਮੈਨੂੰ ਨਹੀਂ ਪਤਾ ਕਿਹਡ਼ਾ ਇੰਜੈਕਸ਼ਨ ਲਗਾਇਆ। ਉਹ ਇੰਜੈਕਸ਼ਨ ਅਜਿਹਾ ਲਗਾਇਆ ਕਿ ਮੇਰੀ ਤਕਲੀਫ ਵੀ ਖਤਮ ਹੋ ਗਈ, ਦੁਨੀਆ ਬਦਲ ਗਈ। ਉਹ ਜਿਹਡ਼ੀ ਨਰਸ ਸੀ, ਮੈਨੂੰ ਹੂਰ ਨਜ਼ਰ ਆਉਣੀ ਸ਼ੁਰੂ ਹੋ ਗਈ ਤਾਂ ਮੈਂ ਸੋਚ ਰਿਹਾ ਹਾਂ ਕਿ ਕੁਝ ਪਰੇਸ਼ਾਨੀ ਨਹੀਂ ਹੈ ਮੈਨੂੰ।

ਨਾਇਲ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਇਕ ਹੋਰ ਯੂਜ਼ਰ ਨੇ ਇਕ ਹੋਰ ਵੀਡੀਓ ਕਲਿੱਪ ਸ਼ੇਅਰ ਕੀਤੀ, ਜਿਸ ਵਿਚ ਇਮਰਾਨ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ ਕਿ ਇੰਜੈਕਸ਼ਨ ਇੰਨਾ ਚੰਗਾ ਸੀ ਕਿ ਮੈਨੂੰ ਦਰਦ ਤੋਂ ਰਾਹਤ ਮਿਲ ਗਈ ਅਤੇ ਮੈਂ ਇਕ ਹੋਰ ਇੰਜੈਕਸ਼ਨ ਲਗਾਉਣ ਦੀ ਭੀਖ ਮੰਗੀ ਅਤੇ ਧਮਕੀ ਦਿੱਤੀ। ਇਸ ਦੇ ਕੈਪਸ਼ਨ ਵਿਚ ਯੂਜ਼ਰ ਨੇ ਲਿੱਖਿਆ, ਜ਼ਾਹਿਰ ਹੈ ਕਿ ਇਮਰਾਨ ਉਸ ਖੁਮਾਰੀ ਵਿਚ ਬਣੇ ਰਹਿਣਾ ਚਾਹੁੰਦੇ ਸਨ।