ਬੀਬੀਸੀ ਦੇ ਸਾਬਕਾ ਪੱਤਰਕਾਰ ਐਂਡਰਿਊ ਨੌਰਥ ਨੂੰ ਤਾਲਿਬਾਨ ਨੇ ਕੀਤਾ ''ਅਗਵਾ''

ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਸੂਤਰਾਂ ਦੇ ਅਨੁਸਾਰ ਸਾਬਕਾ ਬੀਬੀਸੀ ਪੱਤਰਕਾਰ ਐਂਡਰਿਊ ਨੌਰਥ ਤਾਲਿਬਾਨ ਦੁਆਰਾ ਅਗਵਾ ਕੀਤੇ ਗਏ ਵਿਦੇਸ਼ੀ ਲੋਕਾਂ ਵਿੱਚ ਸ਼ਾਮਲ ਹੈ।ਅਫਗਾਨਿਸਤਾਨ ਦੇ ਸਾਬਕਾ ਉਪ ਰਾਸ਼ਟਰਪਤੀ ਅਮਰੁੱਲਾ ਸਾਲੇਹ ਦਾ ਕਹਿਣਾ ਹੈ ਕਿ ਪਿਛਲੇ ਕੁਝ ਮਹੀਨਿਆਂ ਵਿਚ ਸਮੂਹ ਵੱਲੋਂ ਚੁੱਕੇ ਗਏ 9 ਲੋਕਾਂ ਵਿਚ ਬੀਬੀਸੀ ਦੇ ਸਾਬਕਾ ਪੱਤਰਕਾਰ ਅਤੇ ਸੰਯੁਕਤ ਰਾਸ਼ਟਰ ਦੇ ਮੌਜੂਦਾ ਵਰਕਰ ਐਂਡਰਿਊ ਨੌਰਥ ਵੀ ਸ਼ਾਮਲ ਹਨ।

ਉਹਨਾਂ ਨੇ ਟਵੀਟ ਕੀਤਾ ਕਿ ਮੀਡੀਆ ਨਾ ਹੋਣ ਕਾਰਨ, ਨਾਗਰਿਕਾਂ ਦੁਆਰਾ ਕੋਈ ਰਿਪੋਟਿੰਗ ਨਾ ਹੋਣ ਅਤੇ ਇੱਕ ਦਮ ਘੁੱਟਣ ਵਾਲੇ ਮਾਹੌਲ ਕਾਰਨ ਭ੍ਰਿਸ਼ਟਾਚਾਰ, ਅਪਰਾਧ ਅਤੇ ਅੱਤਿਆਚਾਰ ਦਾ ਚੰਗੀ ਤਰ੍ਹਾਂ ਪਰਦਾਫਾਸ਼ ਨਹੀਂ ਹੋ ਰਿਹਾ ਹੈ।"ਉਦਾਹਰਣ ਵਜੋਂ ਪੱਛਮੀ ਦੇਸ਼ਾਂ ਦੇ ਨੌਂ ਨਾਗਰਿਕਾਂ ਨੂੰ ਅਗਵਾ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚ ਬੀਬੀਸੀ ਦੇ ਐਂਡਰਿਊ ਨੌਰਥ ਅਤੇ ਗੈਂਡੋਮਾਕ ਰੈਸਟੋਰੈਂਟ ਦੇ ਮਾਲਕ ਪੀਟਰ ਜੁਵੇਨਲ ਸ਼ਾਮਲ ਹਨ।ਤਾਲਿਬਾਨ ਝੂਠੇ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ- ਬਾਈਡੇਨ ਦੀ ਘਟੀ ਲੋਕਪ੍ਰਿਅਤਾ, ਕਰੀਬ 58 ਫੀਸਦੀ ਲੋਕਾਂ ਨੇ ਕੀਤਾ ਅਸਵੀਕਾਰ

ਅਫਗਾਨਿਸਤਾਨ ਦੇ ਮੀਡੀਆ ਦੁਆਰਾ ਦਾਅਵਿਆਂ ਦੀ ਪੁਸ਼ਟੀ ਕੀਤੀ ਗਈ। ਇੱਕ ਪੱਤਰਕਾਰ ਨੇ ਟਵੀਟ ਕੀਤਾ ਕਿ ਸਾਬਕਾ ਬੀਬੀਸੀ ਪੱਤਰਕਾਰ ਐਂਡਰਿਊ ਨੌਰਥ ਨੂੰ ਤਾਲਿਬਾਨ ਦੁਆਰਾ ਅਗਵਾ ਕਰ ਲਿਆ ਗਿਆ ਹੈ। ਸੂਤਰਾਂ ਨੇ AFIntlBrk ਨੂੰ ਪੁਸ਼ਟੀ ਕੀਤੀ ਕਿ ਤਾਲਿਬਾਨ ਦੁਆਰਾ ਅਗਵਾ ਕੀਤੇ ਗਏ ਵਿਦੇਸ਼ੀ ਲੋਕਾਂ ਦੀ ਗਿਣਤੀ 9 ਤੱਕ ਪਹੁੰਚ ਗਈ ਹੈ।ਤਾਲਿਬਾਨ ਨੇ ਅਜੇ ਤੱਕ ਕਥਿਤ ਅਗਵਾ ਬਾਰੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।ਆਪਣੀ ਨਿੱਜੀ ਵੈਬਸਾਈਟ 'ਤੇ ਪੋਸਟ ਕੀਤੇ ਇੱਕ ਤਾਜ਼ਾ ਨੋਟ ਵਿੱਚ ਨੌਰਥ ਨੇ ਕਈ ਅਫਗਾਨ ਪ੍ਰਾਂਤਾਂ ਦੀ ਆਪਣੀ ਯਾਤਰਾ ਅਤੇ ਤਾਲਿਬਾਨ ਨੇਤਾਵਾਂ ਨਾਲ ਮੁਲਾਕਾਤ ਦਾ ਵਰਣਨ ਕੀਤਾ।ਉਸਨੇ ਕਿਹਾ ਕਿ ਅਫਗਾਨਿਸਤਾਨ ਵਿੱਚ ਜੀਵਨ ਦੀ ਅਸਲੀਅਤ ਮੀਡੀਆ ਰਿਪੋਰਟਾਂ ਤੋਂ "ਜ਼ਿਆਦਾ ਗੁੰਝਲਦਾਰ" ਹੈ।

ਇਹ ਬਿਆਨ ਉਦੋਂ ਆਇਆ ਹੈ ਜਦੋਂ ਸੀਨੀਅਰ ਬ੍ਰਿਟਿਸ਼ ਡਿਪਲੋਮੈਟਾਂ ਨੇ ਅਫਗਾਨਿਸਤਾਨ ਵਿੱਚ "ਗੰਭੀਰ" ਮਾਨਵਤਾਵਾਦੀ ਸਥਿਤੀ 'ਤੇ ਚਰਚਾ ਕਰਨ ਲਈ ਪ੍ਰਮੁੱਖ ਤਾਲਿਬਾਨੀ ਹਸਤੀਆਂ ਨਾਲ ਮੁਲਾਕਾਤ ਕੀਤੀ।ਯੂਕੇ ਤਾਲਿਬਾਨ ਸ਼ਾਸਨ ਨੂੰ ਮਾਨਤਾ ਨਹੀਂ ਦਿੰਦਾ ਹੈ ਜੋ 2020 ਵਿੱਚ ਅਰਾਜਕ ਦ੍ਰਿਸ਼ਾਂ ਵਿਚਕਾਰ ਸੱਤਾ ਵਿੱਚ ਆਈ ਸੀ ਕਿਉਂਕਿ ਪੱਛਮੀ ਸੈਨਾ ਕਾਬੁਲ ਤੋਂ ਬਾਹਰ ਨਿਕਲ ਗਈ ਸੀ।ਸੰਯੁਕਤ ਰਾਸ਼ਟਰ ਦੇ ਵਿਸ਼ਵ ਖੁਰਾਕ ਪ੍ਰੋਗਰਾਮ ਨੇ ਚਿਤਾਵਨੀ ਦਿੱਤੀ ਹੈ ਕਿ ਅਫਗਾਨਿਸਤਾਨ ਵਿੱਚ 87 ਲੱਖ ਲੋਕ ਭੁੱਖਮਰੀ ਦੇ ਖ਼ਤਰੇ ਵਿੱਚ ਹਨ।ਯੂਕੇ ਨੇ ਪਿਛਲੇ ਸਾਲ ਕਾਬੁਲ ਤੋਂ ਆਪਣੇ ਡਿਪਲੋਮੈਟਾਂ ਨੂੰ ਵਾਪਸ ਬੁਲਾ ਲਿਆ ਸੀ ਪਰ ਅਧਿਕਾਰੀ ਵੀਰਵਾਰ ਨੂੰ ਗੱਲਬਾਤ ਲਈ ਅਫਗਾਨਿਸਤਾਨ ਪਰਤ ਗਏ।