ਅਹਿਮ ਖ਼ਬਰ : ਕੈਨੇਡਾ ''ਚ ਹਨ 10 ਲੱਖ ਨੌਕਰੀਆਂ, ਜਾਣੋ ਪੂਰੀ ਸੂਚੀ ਜੋ ਤੁਹਾਨੂੰ ਦਿਵਾ ਸਕਦੀ ਹੈ PR

ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਜੇਕਰ ਤੁਸੀਂ ਐਕਸਪ੍ਰੈਸ ਐਂਟਰੀ ਰਾਹੀਂ ਕੈਨੇਡਾ ਦੀ ਪੀਆਰ (ਸਥਾਈ ਨਿਵਾਸ) ਲਈ ਅਪਲਾਈ ਕਰਨਾ ਚਾਹੁੰਦੇ ਹੋ, ਤਾਂ ਹੁਣ ਤੁਹਾਡੇ ਲਈ ਖੁਸ਼ਖ਼ਬਰੀ ਹੈ। ਕੈਨੇਡਾ ਵਿੱਚ 10 ਲੱਖ ਤੋਂ ਵੱਧ ਖਾਲੀ ਅਸਾਮੀਆਂ ਹਨ ਅਤੇ ਉੱਚ ਨੌਕਰੀ ਦੀ ਖਾਲੀ ਦਰ, ਘੱਟ ਬੇਰੋਜ਼ਗਾਰੀ ਦਰ ਦੇ ਨਾਲ ਸੰਯੁਕਤ ਰੂਪ ਨਾਲ ਪ੍ਰਵਾਸੀਆਂ ਲਈ ਅਹੁਦਿਆਂ ਨੂੰ ਭਰਨ ਦੇ ਮੌਕੇ ਲਿਆਉਂਦੀ ਹੈ। ਕੈਨੇਡਾ ਵਰਤਮਾਨ 2022 ਵਿੱਚ 430,000 ਤੋਂ ਵੱਧ ਦੇ ਟੀਚੇ ਦੇ ਨਾਲ ਆਪਣੇ ਜ਼ਿਆਦਾਤਰ ਸਥਾਈ ਨਿਵਾਸੀਆਂ ਨੂੰ ਸੱਦਾ ਦੇਣ ਦੀ ਯੋਜਨਾ ਬਣਾ ਰਿਹਾ ਹੈ। 

ਇੱਕ CIC ਨਿਊਜ਼ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ 2024 ਵਿੱਚ ਇਹ ਟੀਚਾ 450,000 ਤੋਂ ਵੱਧ ਹੋ ਜਾਵੇਗਾ।ਪਿਛਲੇ ਮਹੀਨੇ ਇੱਕ ਹੋਰ ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਕੁਝ ਰਾਜਾਂ ਵਿੱਚ ਨੌਕਰੀਆਂ ਦੀਆਂ ਅਸਾਮੀਆਂ ਰਿਕਾਰਡ ਉੱਚਾਈ ਤੱਕ ਪਹੁੰਚ ਗਈਆਂ ਹਨ। ਅਲਬਰਟਾ ਅਤੇ ਓਂਟਾਰੀਓ ਵਿੱਚ ਅਪ੍ਰੈਲ ਦੇ ਮਹੀਨੇ ਵਿੱਚ ਹਰੇਕ ਨੌਕਰੀ ਲਈ ਔਸਤਨ 1.1 ਬੇਰੁਜ਼ਗਾਰ ਲੋਕ ਮਾਰਚ ਵਿੱਚ 1.2 ਅਤੇ ਇੱਕ ਸਾਲ ਪਹਿਲਾਂ ਨਾਲੋਂ 2.4 ਘੱਟ ਹਨ। ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ ਵਿੱਚ ਹਰ ਖਾਲੀ ਨੌਕਰੀ ਲਈ ਲਗਭਗ ਚਾਰ ਬੇਰੁਜ਼ਗਾਰ ਲੋਕ ਸਨ।

ਜਾਣੋ ਉਹਨਾਂ ਸੈਕਟਰਾਂ ਦੀ ਇੱਕ ਸੂਚੀ, ਜਿਹਨਾਂ ਵਿੱਚ ਸਭ ਤੋਂ ਵੱਧ ਨੌਕਰੀਆਂ ਹਨ:

- ਉਸਾਰੀ ਖੇਤਰ ਵਿੱਚ ਨੌਕਰੀਆਂ ਦੀਆਂ ਅਸਾਮੀਆਂ ਦੀ ਗਿਣਤੀ ਅਪ੍ਰੈਲ ਵਿੱਚ 89,900 ਦੇ ਨਵੇਂ ਉੱਚੇ ਪੱਧਰ 'ਤੇ ਪਹੁੰਚ ਗਈ, ਜੋ ਮਾਰਚ ਤੋਂ 5.4% ਅਤੇ ਪਿਛਲੇ ਅਪ੍ਰੈਲ ਤੋਂ ਲਗਭਗ 45% ਵੱਧ ਸੀ।
-
ਪੇਸ਼ੇਵਰ, ਵਿਗਿਆਨਕ ਅਤੇ ਤਕਨੀਕੀ ਸੇਵਾਵਾਂ ਵਿੱਚ ਨੌਕਰੀਆਂ ਦੀਆਂ ਅਸਾਮੀਆਂ ਵੀ ਰਿਕਾਰਡ ਉਚਾਈਆਂ 'ਤੇ ਪਹੁੰਚ ਗਈਆਂ। ਜਿਹਨਾਂ ਵਿਚ ਆਵਾਜਾਈ ਅਤੇ ਸਟੋਰੇਜ਼; ਵਿੱਤ ਅਤੇ ਬੀਮਾ, ਮਨੋਰੰਜਨ ਅਤੇ ਰੀਅਲ ਅਸਟੇਟ ਦੇ ਖੇਤਰ ਸ਼ਾਮਲ ਹਨ।

-ਵਿਦਿਅਕ ਸੇਵਾਵਾਂ ਦੇ ਖੇਤਰ ਵਿੱਚ ਰੁਜ਼ਗਾਰ ਪਿਛਲੇ ਮਹੀਨੇ ਦੇ ਮੁਕਾਬਲੇ ਅਪ੍ਰੈਲ ਵਿੱਚ 9,700 ਵਧਿਆ, ਜੋ ਫਰਵਰੀ 2020 ਦੇ ਪ੍ਰੀ-ਕੋਵਿਡ 19 ਪੱਧਰ ਨੂੰ ਪਾਰ ਕਰ ਗਿਆ।

-ਫਰਵਰੀ ਦੇ ਬਾਅਦ ਹਾਊਸਿੰਗ ਅਤੇ ਫੂਡ ਸਰਵਿਸਿਜ਼ ਸੈਕਟਰ ਵਿੱਚ ਰੁਜ਼ਗਾਰ 10% ਤੋਂ ਵੱਧ ਵਧਿਆ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਅਹਿਮ ਖ਼ਬਰ : ਨਿਊਜ਼ੀਲੈਂਡ ਨੇ ਅੰਤਰਰਾਸ਼ਟਰੀ ਸੈਲਾਨੀਆਂ ਲਈ ਖੋਲ੍ਹੇ ਦਰਵਾਜ਼ੇ

ਕੈਨੇਡਾ ਪਰਵਾਸੀਆਂ ਨੂੰ ਸਥਾਈ ਨਿਵਾਸ ਲਈ ਅਰਜ਼ੀ ਦੇਣ ਲਈ ਇਸ ਲਈ ਦੇ ਰਿਹਾ ਸੱਦਾ 

ਕੈਨੇਡਾ ਦਾ ਲੇਬਰ ਬਜ਼ਾਰ ਇਸ ਸਾਲ ਕਾਫ਼ੀ ਸੁੰਗੜ ਗਿਆ ਹੈ ਕਿਉਂਕਿ 55 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਨੇ ਵਰਕਫੋਰਸ ਛੱਡ ਦਿੱਤਾ ਹੈ ਅਤੇ ਬਹੁਤ ਘੱਟ ਲੋਕ ਵਰਕਫੋਰਸ ਵਿੱਚ ਸ਼ਾਮਲ ਹੋਣ ਲਈ ਤਿਆਰ ਹਨ। ਦੂਜੇ ਪਾਸੇ ਦੇਸ਼ ਵਿੱਚ ਲਗਭਗ 10 ਲੱਖ ਨੌਕਰੀਆਂ ਦੀਆਂ ਅਸਾਮੀਆਂ ਹਨ, ਖਾਸ ਕਰਕੇ ਗਰਮੀਆਂ ਦੀਆਂ ਨੌਕਰੀਆਂ।CIC ਨਿਊਜ਼ ਨੇ ਹਵਾਲਾ ਦਿੱਤਾ ਕਿ ਕੈਨੇਡਾ ਵਿੱਚ 9 ਮਿਲੀਅਨ ਬੇਬੀ ਬੂਮਰ ਇਸ ਦਹਾਕੇ ਵਿੱਚ ਰਿਟਾਇਰਮੈਂਟ ਦੀ ਉਮਰ ਤੱਕ ਪਹੁੰਚਣ ਲਈ ਤਿਆਰ ਹਨ। ਇੱਕ ਤਾਜ਼ਾ ਆਰਬੀਸੀ ਸਰਵੇਖਣ ਨੇ ਸੁਝਾਅ ਦਿੱਤਾ ਹੈ ਕਿ ਇੱਕ ਤਿਹਾਈ ਕੈਨੇਡੀਅਨ ਜਲਦੀ ਰਿਟਾਇਰ ਹੋ ਰਹੇ ਹਨ ਅਤੇ 10 ਵਿੱਚੋਂ ਤਿੰਨ ਪ੍ਰੀ-ਰਿਟਾਇਰ ਮਹਾਮਾਰੀ ਕਾਰਨ ਆਪਣੀ ਰਿਟਾਇਰਮੈਂਟ ਤਾਰੀਖਾਂ ਨੂੰ ਬਦਲ ਰਹੇ ਹਨ। ਇਸ ਦੌਰਾਨ ਜਣਨ ਦਰ 2020 ਵਿੱਚ ਪ੍ਰਤੀ ਔਰਤ 1.4 ਬੱਚੇ ਦੇ ਰਿਕਾਰਡ ਹੇਠਲੇ ਪੱਧਰ 'ਤੇ ਆ ਗਈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।