ਬ੍ਰਿਟਿਸ਼ PM ਰਿਸ਼ੀ ਸੁਨਕ ਨੇ ਮੰਗੀ ਮਾਫੀ, ਕਿਹਾ- ਕੋਵਿਡ ਕਾਰਨ ਲੋਕਾਂ ਦੀ ਮੌਤ ''ਤੇ ''ਗਹਿਰਾ ਦੁਖ''

ਲੰਡਨ. ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਸੋਮਵਾਰ ਨੂੰ ਉਨ੍ਹਾਂ ਪਰਿਵਾਰਾਂ ਤੋਂ ਮੁਆਫੀ ਮੰਗੀ ਜਿਨ੍ਹਾਂ ਨੇ ਕੋਵਿਡ -19 ਮਹਾਂਮਾਰੀ ਵਿੱਚ ਆਪਣੇ ਅਜ਼ੀਜ਼ਾਂ ਨੂੰ ਗੁਆ ਦਿੱਤਾ ਹੈ। ਇਸ ਦੇ ਨਾਲ ਹੀ ਇਸ ਹਫਤੇ ਸ਼ੁਰੂ ਹੋਈ ਜਨਤਕ ਪੁੱਛਗਿੱਛ 'ਚ ਉਸ ਨੇ ਆਪਣੀ ਤਰਫੋਂ ਸਬੂਤ ਪੇਸ਼ ਕੀਤੇ। ਇਸ ਨੂੰ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਦੇਸ਼ ਨਿਕਾਲਾ ਦੇਣ ਦੀ ਰਵਾਂਡਾ ਨੀਤੀ 'ਤੇ ਸੰਸਦ ਦੀ ਵੋਟਿੰਗ ਵਿਚ ਸੰਭਾਵਿਤ ਬਗਾਵਤ ਨੂੰ ਰੋਕਣ ਦੀ ਕੋਸ਼ਿਸ਼ ਵਜੋਂ ਵੀ ਦੇਖਿਆ ਜਾ ਰਿਹਾ ਹੈ। ਬ੍ਰਿਟਿਸ਼ ਭਾਰਤੀ ਨੇਤਾ ਨੇ ਕਿਹਾ ਕਿ ਉਹ ਜਾਨਾਂ ਦੇ ਗਵਾਉਣ 'ਤੇ "ਗਹਿਰਾ ਦੁਖ" ਹੈ।

ਰਿਸ਼ੀ ਸੁਨਕ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਕੋਵਿਡ ਜਾਂਚ ਨੂੰ “ਉਸਾਰੂ ਸਪੱਸ਼ਟਤਾ” ਦੀ ਭਾਵਨਾ ਨਾਲ ਆਪਣੇ ਸਬੂਤ ਦੇਣਾ ਚਾਹੁੰਦੇ ਸਨ ਤਾਂ ਜੋ 2020-21 ਵਿੱਚ ਚਾਂਸਲਰ ਹੋਣ ਦੇ ਸਮੇਂ ਤੋਂ ਸਬਕ ਸਿੱਖੇ ਜਾ ਸਕਣ। ਕਈ ਬਿੰਦੂਆਂ 'ਤੇ ਉਨ੍ਹਾਂ ਨੇ ਉਸ ਸਮੇਂ ਪ੍ਰਧਾਨ ਮੰਤਰੀ ਵਜੋਂ ਬੋਰਿਸ ਜੌਹਨਸਨ ਦੇ ਫ਼ੈਸਲੇ ਲੈਣ ਦੇ ਦਬਾਅ ਦਾ ਵੀ ਬਚਾਅ ਕੀਤਾ ਅਤੇ ਕਿਹਾ ਕਿ ਪਹਿਲੇ ਕੋਵਿਡ ਲਾਕਡਾਊਨ ਦੀ ਮਿਆਦ ਦੇ ਸਿਖਰ ਦੌਰਾਨ ਉਹ ਆਪਣੀ ਪਤਨੀ ਅਕਸ਼ਤਾ ਮੂਰਤੀ ਤੋਂ ਵੀ ਵਧ ਆਪਣੇ ਸਾਬਕਾ 'ਬੌਸ' ਨੂੰ ਮਿਲੇ ਸਨ।

ਇਹ ਵੀ ਪੜ੍ਹੋ- ਪਾਕਿ ਕ੍ਰਿਕਟਰ ਅਸਦ ਨੇ ਸਾਰੇ ਸਵੂਰਪਾਂ ਨੂੰ ਕਿਹਾ ਅਲਵਿਦਾ, ਚੋਣਕਾਰ ਬਣਨਾ ਤੈਅ
ਕੋਰੋਨਾ ਮਹਾਮਾਰੀ ਦੀ ਦੂਜੀ ਲਹਿਰ ਦੇ ਪ੍ਰਭਾਵ 'ਤੇ ਹੋਈ ਸੀ ਆਲੋਚਨਾ
ਰਿਸ਼ੀ ਸੁਨਕ ਨੇ 'ਈਟ ਆਉਟ ਟੂ ਹੈਲਪ ਆਉਟ' ਸਕੀਮ ਦਾ ਵੀ ਜ਼ੋਰਦਾਰ ਬਚਾਅ ਕੀਤਾ ਜੋ ਉਸਨੇ ਬ੍ਰਿਟੇਨ ਦੇ ਪ੍ਰਾਹੁਣਚਾਰੀ ਉਦਯੋਗ ਨੂੰ ਹੁਲਾਰਾ ਦੇਣ ਲਈ ਅਗਸਤ 2020 ਵਿੱਚ ਸ਼ੁਰੂ ਕੀਤੀ ਸੀ। ਉਸ ਸਮੇਂ ਕੋਰੋਨਾ ਵਾਇਰਸ ਮਹਾਮਾਰੀ ਦੀ ਦੂਜੀ ਲਹਿਰ ਸੀ ਅਤੇ ਇਸ ਦੇ ਕਥਿਤ ਪ੍ਰਭਾਵ ਲਈ ਉਸ ਦੀ ਆਲੋਚਨਾ ਹੋਈ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।