ਆਸਟ੍ਰੇਲੀਆ 'ਚ 62 ਸਾਲਾ ਔਰਤ ਬਣੇਗੀ ਮਾਂ! ਮ੍ਰਿਤਕ ਪਤੀ ਦੇ Sperm ਕੱਢਣ ਦੀ ਮਿਲੀ ਇਜਾਜ਼ਤ

ਸਿਡਨੀ: ਆਸਟ੍ਰੇਲੀਆ ਦੀ ਸੁਪਰੀਮ ਕੋਰਟ ਨੇ ਇਕ ਔਰਤ ਨੂੰ ਆਪਣੇ ਮ੍ਰਿਤਕ ਪਤੀ ਦੇ ਸ਼ੁਕਰਾਣੂ ਪ੍ਰਾਪਤ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਹਾਲਾਂਕਿ 62 ਸਾਲਾ ਪਤਨੀ ਦੀ ਪਟੀਸ਼ਨ 'ਤੇ ਸੁਣਵਾਈ ਦੌਰਾਨ ਦੇਸ਼ ਦੀ ਸਭ ਤੋਂ ਵੱਡੀ ਅਦਾਲਤ ਨੇ ਸਪੱਸ਼ਟ ਕੀਤਾ ਕਿ ਫਿਲਹਾਲ ਸ਼ੁਕਰਾਣੂ ਦੀ ਵਰਤੋਂ ਨਹੀਂ ਕੀਤੀ ਜਾ ਸਕਦੀ। ਅਦਾਲਤ ਨੇ ਕਿਹਾ ਕਿ ਪੱਛਮੀ ਆਸਟ੍ਰੇਲੀਆ ਵਿਚ ਮਰਦ ਦੀ ਮੌਤ ਤੋਂ ਬਾਅਦ ਬੱਚਾ ਪੈਦਾ ਕਰਨ ਲਈ ਮ੍ਰਿਤਕ ਦੇ ਸ਼ੁਕਰਾਣੂ ਦੀ ਵਰਤੋਂ ਕਰਨਾ ਗੈਰ-ਕਾਨੂੰਨੀ ਹੈ। ਅਜਿਹਾ ਕਰਨ ਲਈ ਔਰਤ ਨੂੰ ਨਵੀਂ ਪਟੀਸ਼ਨ ਦਾਇਰ ਕਰਨੀ ਪਵੇਗੀ। ਅਦਾਲਤ ਦੇ ਹੁਕਮਾਂ ਤੋਂ ਬਾਅਦ ਹੀ ਔਰਤ ਗਰਭਅਵਸਥਾ ਲਈ ਆਪਣੇ ਪਤੀ ਦੇ ਸ਼ੁਕਰਾਣੂ ਦੀ ਵਰਤੋਂ ਕਰ ਸਕੇਗੀ। ਪੱਛਮੀ ਆਸਟ੍ਰੇਲੀਆ ਦੇ ਕਾਨੂੰਨਾਂ ਤਹਿਤ ਔਰਤ ਨੂੰ ਡਾਕਟਰੀ ਸਾਧਨਾਂ ਰਾਹੀਂ ਮਾਂ ਬਣਨ ਲਈ ਇੰਤਜ਼ਾਰ ਕਰਨਾ ਪਵੇਗਾ। ਫਿਲਹਾਲ ਉਹ ਆਪਣੇ ਪਤੀ ਦੇ ਬੱਚੇ ਦੀ ਮਾਂ ਨਹੀਂ ਬਣ ਸਕੇਗੀ।

ਅਦਾਲਤ ਪਹੁੰਚੀ ਔਰਤ

ਪੱਛਮੀ ਆਸਟ੍ਰੇਲੀਆ ਦੀ ਸੁਪਰੀਮ ਕੋਰਟ ਨੇ ਇੱਕ ਅਜੀਬ ਮਾਮਲੇ ਵਿੱਚ ਸੁਣਵਾਈੇ ਦੇ ਬਾਅਦ ਫੈ਼ਸਲਾ ਸੁਣਾਇਆ ਕਿ 62 ਸਾਲਾ ਪਤਨੀ ਨੂੰ ਪਤੀ ਦੀ ਮੌਤ ਦੇ ਬਾਵਜੂਦ ਵੀ ਸ਼ੁਕਰਾਣੂ ਦਿੱਤੇ ਜਾ ਸਕਦੇ ਹਨ। ਰਿਪੋਰਟਾਂ ਮੁਤਾਬਕ 61 ਸਾਲਾ ਮ੍ਰਿਤਕ ਦੀ ਲਾਸ਼ ਨੂੰ ਚਾਰਲਸ ਗੇਅਰਡਨਰ ਹਸਪਤਾਲ ਲਿਜਾਇਆ ਗਿਆ। ਇਸ ਤੋਂ ਬਾਅਦ ਪਤਨੀ ਨੇ ਸਪਰਮ ਲੈਣ ਲਈ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ। ਹਸਪਤਾਲ ਵੱਲੋਂ ਸ਼ੁਕਰਾਣੂ ਕੱਢਣ ਲਈ ਉਚਿਤ ਪ੍ਰਬੰਧ ਨਾ ਕੀਤੇ ਜਾਣ ਕਾਰਨ ਔਰਤ ਨੂੰ ਅਦਾਲਤ ਦਾ ਰੁਖ਼ ਕਰਨਾ ਪਿਆ। ਰਿਪੋਰਟਾਂ ਮੁਤਾਬਕ ਇਸ ਮਾਮਲੇ ਵਿੱਚ ਅਦਾਲਤ ਨੇ ਦਲੀਲ ਦਿੱਤੀ ਕਿ ਕੋਈ ਵੀ ਸਬੰਧਤ ਅਧਿਕਾਰੀ ਹਾਜ਼ਰ ਨਹੀਂ ਸੀ। ਔਰਤ ਨੂੰ ਖਾਸ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਕਿਉਂਕਿ ਉਸ ਦੇ ਦੋਵੇਂ ਬੱਚੇ ਮਰ ਚੁੱਕੇ ਹਨ।

62 ਸਾਲ ਦੀ ਉਮਰ 'ਚ ਮਾਂ ਬਣਨਾ ਚੁਣੌਤੀਪੂਰਨ 

ਕਾਨੂੰਨੀ ਕਾਰਨਾਂ ਕਰਕੇ ਜੋੜੇ ਦੇ ਨਾਂ ਜਨਤਕ ਨਹੀਂ ਕੀਤੇ ਗਏ ਹਨ। ਔਰਤ ਨੇ ਅਦਾਲਤ ਨੂੰ ਦੱਸਿਆ ਕਿ ਉਸ ਦੇ ਪਤੀ ਦੀ ਮੌਤ ਤੋਂ ਪਹਿਲਾਂ ਉਨ੍ਹਾਂ ਵਿਚਕਾਰ ਇਕ ਹੋਰ ਬੱਚਾ ਪੈਦਾ ਕਰਨ ਬਾਰੇ ਗੱਲਬਾਤ ਹੋਈ ਸੀ। ਵੱਖ-ਵੱਖ ਹਾਦਸਿਆਂ ਵਿੱਚ ਆਪਣੇ ਦੋਵੇਂ ਬੱਚੇ ਗੁਆ ਚੁੱਕੀ ਇਸ 62 ਸਾਲਾ ਔਰਤ ਨੇ ਆਪਣੇ ਪਤੀ ਦੇ ਸ਼ੁਕਰਾਣੂ ਲੈਣ ਲਈ ਲੰਬੀ ਕਾਨੂੰਨੀ ਲੜਾਈ ਲੜੀ। ਰਿਪੋਰਟਾਂ ਅਨੁਸਾਰ ਉਸਦੀ ਮੌਤ ਦੇ ਬਾਵਜੂਦ 61 ਸਾਲਾ ਪਤੀ ਦੇ ਸ਼ੁਕਰਾਣੂ ਅਜੇ ਵੀ ਗਰਭ ਅਵਸਥਾ ਲਈ ਵਰਤੇ ਜਾਣ ਦੇ ਯੋਗ ਹਨ। ਹਾਲਾਂਕਿ ਡਾਕਟਰ ਨੇ ਔਰਤ ਨੂੰ ਸਲਾਹ ਦਿੱਤੀ ਕਿ ਉਹ ਬੁਢਾਪੇ ਕਾਰਨ ਗਰਭਵਤੀ ਨਹੀਂ ਹੋ ਸਕਦੀ। ਹਾਲਾਂਕਿ ਜਦੋਂ ਸ਼ੁਕਰਾਣੂ ਦੀ ਜਾਂਚ ਕੀਤੀ ਗਈ, ਤਾਂ ਇਹ ਵਰਤੋਂ ਲਈ ਢੁਕਵਾਂ ਪਾਇਆ ਗਿਆ।

ਸੋਚਿਆ ਸੀ ਸਰੋਗੇਸੀ ਬਾਰੇ

ਬੱਚਾ ਪੈਦਾ ਕਰਨ ਦੀ ਇੱਛਾ ਬਾਰੇ ਜਾਣਨ ਤੋਂ ਬਾਅਦ ਔਰਤ ਦੇ 20 ਸਾਲਾ ਰਿਸ਼ਤੇਦਾਰ ਨੇ ਆਈ.ਵੀ.ਐਫ ਪ੍ਰਕਿਰਿਆ ਰਾਹੀਂ ਸਰੋਗੇਸੀ ਦਾ ਪ੍ਰਸਤਾਵ ਰੱਖਿਆ। ਹਾਲਾਂਕਿ ਕਾਨੂੰਨੀ ਵਿਵਸਥਾਵਾਂ ਸਮੇਤ ਕਈ ਰੁਕਾਵਟਾਂ ਕਾਰਨ ਇਹ ਹੱਲ ਵੀ ਕੰਮ ਨਹੀਂ ਕਰ ਸਕਿਆ। ਜੋੜੇ ਨੇ ਮਹਿਸੂਸ ਕੀਤਾ ਕਿ IVF ਦੁਆਰਾ ਬੱਚੇ ਦੇ ਜਨਮ ਤੱਕ ਉਨ੍ਹਾਂ ਨੂੰ ਇੱਕ ਨਿਸ਼ਚਿਤ ਸਮੇਂ ਲਈ ਕਿਸੇ ਹੋਰ ਦੇਸ਼ ਵਿੱਚ ਰਹਿਣਾ ਪਵੇਗਾ। ਕੋਰੋਨਾ ਮਹਾਮਾਰੀ, ਸੱਸ ਦੀ ਮੌਤ ਅਤੇ ਹੋਰ ਜ਼ਰੂਰੀ ਕੰਮਾਂ ਕਾਰਨ ਜੋੜਾ ਦੂਜੇ ਦੇਸ਼ ਜਾਣ ਵਿਚ ਅਸਫਲ ਰਿਹਾ। ਆਖਰਕਾਰ ਪਤੀ ਦੀ ਵੀ ਮੌਤ ਹੋ ਗਈ ਅਤੇ ਔਰਤ ਨੇ ਸ਼ੁਕਰਾਣੂ ਪ੍ਰਾਪਤ ਕਰਨ ਲਈ ਪੱਛਮੀ ਆਸਟ੍ਰੇਲੀਆ ਦੀ ਸੁਪਰੀਮ ਕੋਰਟ ਤੱਕ ਪਹੁੰਚ ਕੀਤੀ।

ਪੜ੍ਹੋ ਇਹ ਅਹਿਮ ਖ਼ਬਰ-ਹੈਰਾਨੀਜਨਕ! ਬੱਚੇ ਨੇ ਕਲਾਸਮੇਟ ਨੂੰ ਤੋਹਫ਼ੇ 'ਚ ਦਿੱਤਾ '20 ਤੋਲੇ ਸੋਨਾ', ਸਦਮੇ 'ਚ ਮਾਪੇ

ਸੁਪਰੀਮ ਕੋਰਟ ਦੀ ਮਹਿਲਾ ਜਸਟਿਸ ਨੇ ਲਾਈ ਫਟਕਾਰ 

ਮਹਿਲਾ ਜੱਜ ਫਿਓਨਾ ਸੇਵਾਰਡ ਨੇ 62 ਸਾਲਾ ਔਰਤ ਦੀ ਪਟੀਸ਼ਨ 'ਤੇ ਆਪਣਾ ਫ਼ੈਸਲਾ ਸੁਣਾਇਆ। ਅਦਾਲਤ ਨੇ ਸਪੱਸ਼ਟ ਕੀਤਾ ਕਿ ਹੁਕਮ ਪਤੀ ਦੇ ਸ਼ੁਕਰਾਣੂ ਪ੍ਰਾਪਤ ਕਰਨ ਤੱਕ ਹੀ ਸੀਮਤ ਹਨ। ਫਿਲਹਾਲ ਔਰਤ ਆਪਣੇ ਪਤੀ ਦੇ ਸ਼ੁਕਰਾਣੂ ਦੀ ਵਰਤੋਂ ਨਹੀਂ ਕਰ ਸਕੇਗੀ। ਇਸਦੇ ਲਈ ਇੱਕ ਵੱਖਰਾ ਆਦੇਸ਼ ਜ਼ਰੂਰੀ ਹੋਵੇਗਾ, ਕਿਉਂਕਿ ਵਰਤਮਾਨ ਵਿੱਚ ਪੱਛਮੀ ਆਸਟ੍ਰੇਲੀਆ ਵਿੱਚ ਕਿਸੇ ਵੀ ਕਾਨੂੰਨ ਦੇ ਤਹਿਤ ਮਰਨ ਉਪਰੰਤ ਗਰਭਧਾਰਣ ਦੀ ਆਗਿਆ ਨਹੀਂ ਹੈ। ਜਸਟਿਸ ਸੇਵਾਰਡ ਨੇ ਆਪਣੇ ਫ਼ੈਸਲੇ 'ਚ ਹਸਪਤਾਲ ਨੂੰ ਵੀ ਫਟਕਾਰ ਲਗਾਈ। ਅਦਾਲਤ ਨੇ ਕਿਹਾ ਕਿ ਜੇਕਰ ਹਸਪਤਾਲ ਨੇ ਮਨੁੱਖੀ ਪਹੁੰਚ ਅਪਣਾਈ ਹੁੰਦੀ ਅਤੇ ਸਮਾਂ ਦਿੱਤਾ ਹੁੰਦਾ ਤਾਂ ਦਰਦਨਾਕ ਹਾਲਾਤ ਨਾਲ ਜੂਝ ਰਹੀ ਔਰਤ ਕੋਲ ਬਿਹਤਰ ਵਿਕਲਪ ਹੁੰਦੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।