ਸਾਰੀਆਂ ਵੋਟਾਂ ਦੀ ਹੋਵੇਗੀ ਗਿਣਤੀ, ਚਾਹੇ ਬੈਲੇਟ ਖਾਲੀ ਹੋਵੇ : ਇਲੈਕਸ਼ਨ ਕੈਨੇਡਾ

ਵੈੱਬ ਡੈਸਕ : ਕੈਨੇਡਾ ਵਿਚ ਆਮ ਚੋਣਾਂ ਨੂੰ ਲੈ ਕੇ ਸਾਰੀਆਂ ਤਿਆਰੀਆਂ ਪੂਰੀਆਂ ਹੋ ਚੁੱਕੀਆਂ ਹਨ। ਭਲਕੇ ਕੈਨੇਡਾ ਵਿਚ ਸਰਕਾਰ ਬਣਾਉਣ ਲਈ ਵੋਟਾਂ ਪੈਣਗੀਆਂ। ਇਸ ਨੂੰ ਲੈ ਕੇ ਹੁਣ ਇਲੈਕਸ਼ਨਜ਼ ਕੈਨੇਡਾ ਦੇ ਇਕ ਅਧਿਕਾਰੀ ਦਾ ਬਿਆਨ ਸਾਹਮਣ ਆਇਆ ਹੈ, ਜਿਸ ਵਿਚ ਇਹ ਭਰੋਸਾ ਦਿੱਤਾ ਗਿਆ ਹੈ ਕਿ ਹਰੇਕ ਵੋਟ ਪੱਤਰ ਦੀ ਗਿਣਤੀ ਕੀਤੀ ਜਾਵੇਗੀ।

ਸਡਬਰੀ 'ਚ ਇਲੈਕਸ਼ਨਜ਼ ਕੈਨੇਡਾ ਦੇ ਖੇਤਰੀ ਮੀਡੀਆ ਸਲਾਹਕਾਰ ਰਿਚਰਡ ਥਿਓਰੇਟ ਨੇ ਪਿਛਲੇ ਹਫ਼ਤੇ ਵੋਟਰਾਂ ਨੂੰ ਖਾਲੀ ਵੋਟਾਂ ਦੀ ਵਰਤੋਂ ਕਰਨ ਬਾਰੇ ਸਵਾਲਾਂ ਦੇ ਜਵਾਬ ਵਿੱਚ ਕਿਹਾ ਕਿ ਉਹ ਵੋਟਾਂ ਵੀ ਗਿਣੀਆਂ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ 16 ਅਪ੍ਰੈਲ ਨੂੰ 475 ਪਿਮ ਸਟਰੀਟ ਵੋਟਿੰਗ ਸਥਾਨ 'ਤੇ ਵੋਟਰਾਂ ਵੱਲੋਂ ਖਾਲੀ ਬੈਲੇਟ ਦੀ ਵਰਤੋਂ ਇਸ ਲਈ ਕੀਤੀ ਗਈ ਕਿਉਂਕਿ ਉਮੀਦਵਾਰਾਂ ਦੇ ਨਾਮ ਵਾਲੇ ਬੈਲਟ ਅਜੇ ਤੱਕ ਛਾਪੇ ਨਹੀਂ ਗਏ ਸਨ।

ਉਸ ਸਮੇਂ ਲੋਕ ਵਿਸ਼ੇਸ਼ ਬੈਲੇਟ ਦੁਆਰਾ ਵੋਟ ਪਾ ਸਕਦੇ ਸਨ। ਕਿਉਂਕਿ ਬੈਲਟ ਖਾਲੀ ਸਨ, ਵੋਟਰਾਂ ਨੂੰ ਉਮੀਦਵਾਰਾਂ ਦੇ ਨਾਵਾਂ ਦੀ ਸੂਚੀ ਪ੍ਰਦਾਨ ਕੀਤੀ ਗਈ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਬੈਲੇਟ 'ਤੇ ਉਸ ਉਮੀਦਵਾਰ ਦਾ ਨਾਮ ਲਿਖਿਆ ਜਿਸ ਨੂੰ ਉਹ ਵੋਟ ਦੇਣਾ ਚਾਹੁੰਦੇ ਸਨ। ਥਿਓਪੇਟ ਨੇ ਕਿਹਾ ਕਿ ਖਾਲੀ ਵੋਟਾਂ ਛਾਪੇ ਗਏ ਬੈਲਟਾਂ ਵਾਂਗ ਹੀ ਕੀਮਤੀ ਹਨ। ਵੋਟਾਂ ਦੀ ਗਿਣਤੀ ਨਾ ਹੋਣ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਸਾਰੇ ਬੈਲਟ ਸੋਮਵਾਰ, 28 ਅਪ੍ਰੈਲ ਨੂੰ ਹੱਥੀਂ ਗਿਣੇ ਜਾਣਗੇ।

ਉਨ੍ਹਾਂ ਨੇ ਕਿਹਾ ਕਿ ਇਲੈਕਸ਼ਨਜ਼ ਕੈਨੇਡਾ ਦੇ ਦੋ ਲੋਕ ਜਾਂਚਕਰਤਾਵਾਂ ਦੇ ਨਾਲ ਗਿਣਤੀ ਦੀ ਨਿਗਰਾਨੀ ਕਰਨਗੇ। ਉਨ੍ਹਾਂ ਨੂੰ ਕਮਰੇ ਵਿੱਚ ਹਰ ਕਿਸੇ ਨੂੰ ਬੈਲੇਟ ਦਿਖਾਉਣੇ ਪੈਣਗੇ। ਥਿਓਰੇਟ ਨੇ ਕਿਹਾ ਕਿ ਉਸਨੇ ਸਾਲਾਂ ਤੋਂ ਚੋਣ ਕਰਮਚਾਰੀ ਵਜੋਂ ਕੰਮ ਕੀਤਾ ਹੈ ਅਤੇ ਚੋਣ ਪ੍ਰਕਿਰਿਆ ਬਹੁਤ ਸਖ਼ਤ ਅਤੇ ਬਹੁਤ ਸੁਰੱਖਿਅਤ ਹੈ। ਸਾਰੇ ਅੰਕੜੇ ਜੋੜਨ ਦੀ ਲੋੜ ਹੁੰਦੀ ਹੈ। ਥਿਓਰੇਟ ਨੇ ਕਿਹਾ ਕਿ ਇਲੈਕਸ਼ਨਜ਼ ਕੈਨੇਡਾ ਜਲਦੀ ਹੀ ਇਹ ਐਲਾਨ ਕਰੇਗਾ ਕਿ ਸ਼ੁੱਕਰਵਾਰ, 18 ਅਪ੍ਰੈਲ ਤੋਂ ਸੋਮਵਾਰ, 21 ਅਪ੍ਰੈਲ ਤੱਕ ਹੋਈ ਐਡਵਾਂਸ ਵੋਟਿੰਗ ਵਿੱਚ ਕਿੰਨੇ ਲੋਕਾਂ ਨੇ ਹਿੱਸਾ ਲਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8