ਪੱਛਮੀ ਦੇਸ਼ਾਂ ਦੇ ਡਾਕਟਰਾਂ ਮੁਤਾਬਕ ਲਿਯੂ ਕਰ ਸਕਦੇ ਹਨ ਯਾਤਰਾ

ਸ਼ੰਘਾਈ— ਚੀਨ ਦੇ ਨੋਬੇਲ ਪੁਰਸਕਾਰ ਜੇਤੂ ਲਿਯੂ ਸ਼ਿਯਾਅੋਬੋ ਦੀ ਸਿਹਤ ਦੀ ਜਾਂਚ ਕਰਨ ਵਾਲੇ ਅਮਰੀਕੀ ਅਤੇ ਜਰਮਨ ਚਿਕਿਤਸਾ ਮਾਹਰਾਂ ਨੇ ਚੀਨੀ ਡਾਕਟਰਾਂ ਦੇ ਦਾਅਵੇ ਦੇ ਉਲਟ ਐਤਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦੀ ਸਿਹਤ ਕੈਂਸਰ ਦੇ ਇਲਾਜ ਲਈ ਵਿਦੇਸ਼ ਲੈ ਜਾਣ ਦੇ ਲਿਹਾਜ ਨਾਲ ਠੀਕ ਹੈ। ਚੀਨ ਦੇ ਸਭ ਤੋਂ ਪ੍ਰਸਿੱਧ ਲੋਕਤੰਤਰੀ ਵਕੀਲ ਕੋਲ ਗਏ ਵਿਦੇਸ਼ੀ ਡਾਕਟਰਾਂ ਦੇ ਬਿਆਨ ਨਾਲ ਚੀਨ ਉੱਤੇ ਲਿਯੂ ਦੇ ਵਿਦੇਸ਼ ਵਿਚ ਇਲਾਜ ਲਈ ਮਨਜ਼ੂਰੀ ਦੇਣ ਦਾ ਅੰਤਰ ਰਾਸ਼ਟਰੀ ਦਬਾਅ ਵੱਧ ਸਕਦਾ ਹੈ। ਇਲਾਜ ਲਈ ਹਾਲ ਹੀ ਵਿਚ ਉਨ੍ਹਾਂ ਨੂੰ ਮੈਡੀਕਲ ਪੈਰੋਲ ਉੱਤੇ ਰਿਹਾਅ ਕੀਤਾ ਗਿਆ ਸੀ। ਲਿਯੂ ਜਿਗਰ ਕੈਂਸਰ ਦੇ ਅਖੀਰੀ ਪੜਾਅ ਨਾਲ ਜੂਝ ਰਹੇ ਹਨ ਅਤੇ ਉੱਤਰੀ-ਪੂਰਵੀ ਸ਼ਹਿਰ ਸ਼ੇਨਯਾਂਗ ਦੇ 'ਫਰਸਟ ਹੋਸਪੀਟਲ ਆਫ ਚਾਈਨਾ ਮੈਡੀਕਲ ਯੂਨੀਵਰਸਿਟੀ' ਵਿਚ ਭਰਤੀ ਹਨ। 
ਹਸਪਤਾਲ ਨੇ ਸ਼ਨੀਵਾਰ ਨੂੰ ਕਿਹਾ ਸੀ ਕਿ ਵਿਗੜਦੀ ਹਾਲਤ ਕਾਰਨ ਲਿਯੂ ਲਈ ਯਾਤਰਾ ਕਰਨਾ ''ਸੁਰੱਖਿਅਤ ਨਹੀਂ'' ਹੈ। ਪਰ ਲਿਯੂ ਨਾਲ ਮਿਲੇ ਟੇਕਸਾਸ ਯੂਨੀਵਰਸਿਟੀ ਦੇ ਐੱਮ. ਡੀ. ਏਂਡਰਸਨ, ਕੈਂਸਰ ਸੈਂਟਰ ਦੇ ਕੈਂਸਰ ਰੋਗ ਮਾਹਰ ਜੋਸੇਫ ਹਰਮਨ ਅਤੇ ਜਰਮਨੀ ਦੇ ਹੈਡਲਬਰਗ ਯੂਨੀਵਰਸਿਟੀ ਦੇ ਡਾਕਟਰ ਮਾਰਕਸ ਬਕਲਰ ਨੇ ਕੁਝ ਹੋਰ ਹੀ ਕਿਹਾ। ਉਨ੍ਹਾਂ ਨੇ ਇਕ ਸੰਯੁਕਤ ਬਿਆਨ ਵਿਚ ਕਿਹਾ,'' ਹਾਲਾਂਕਿ ਕਿਸੇ ਵੀ ਮਰੀਜ਼ ਨੂੰ ਇਕ ਜਗ੍ਹਾ ਤੋਂ ਦੂਜੀ ਜਗ੍ਹਾ ਲੈ ਜਾਣ ਵਿਚ ਥੋੜ੍ਹਾ ਖਤਰਾ ਰਹਿੰਦਾ ਹੀ ਹੈ। ਦੋਹਾਂ ਡਾਕਟਰਾਂ ਦਾ ਮੰਨਣਾ ਹੈ ਕਿ ਲਿਯੂ ਨੂੰ ਚਿਕਿਤਸਕ ਦੇਖਭਾਲ ਅਤੇ ਮਦਦ ਨਾਲ ਸੁਰੱਖਿਅਤ ਤਰੀਕੇ ਨਾਲ ਬਾਹਰ ਲੈ ਜਾਇਆ ਜਾ ਸਕਦਾ ਹੈ।'' ਡਾਕਟਰਾਂ ਨੇ ਕਿਹਾ,'' ਪਰ ਲਿਯੂ ਨੂੰ ਇਲਾਜ ਲਈ ਜਲਦੀ ਤੋਂ ਜਲਦੀ ਬਾਹਰ ਲੈ ਜਾਣਾ ਹੋਵੇਗਾ।'' ਦੋਹਾਂ ਦੇ ਬਿਆਨ ਵਿਚ ਕਿਹਾ ਗਿਆ ਕਿ ਉਨ੍ਹਾਂ ਦੇ ਸੰਬੰਧਿਤ ਅਦਾਰੇ ਲਿਯੂ ਦਾ ਇਲਾਜ ਕਰਨ ਲਈ ਤਿਆਰ ਹਨ। ਕਾਰਜਕਰਤਾ ਨਾਲ ਵਿਹਾਰ ਨੂੰ ਲੈ ਕੇ ਚੀਨ ਮਾਨਵ ਅਧਿਕਾਰ ਸਮੂਹਾਂ ਦੇ ਨਿਸ਼ਾਨੇ ਉੱਤੇ ਹੈ। 61 ਸਾਲਾ ਕਾਰਜਕਰਤਾ ਲਿਯੂ ਅਤੇ ਉਨ੍ਹਾਂ ਦਾ ਪਰਿਵਾਰ ਚਾਹੁੰਦਾ ਹੈ ਕਿ ਵਿਦੇਸ਼ ਵਿਚ ਇਲਾਜ ਕਰਾਉਣ ਲਈ ਉਨ੍ਹਾਂ ਨੂੰ ਮਨਜ਼ੂਰੀ ਦਿੱਤੀ ਜਾਵੇ।