ਕੀ ਗਰਮੀਆਂ ''ਚ ਬਲੈਕ ਟੀ ਪੀਣਾ ਸਿਹਤ ਲਈ ਹੈ ਲਾਹੇਵੰਦ

ਗੈਜੇਟ ਡੈਸਕ - ਜਦੋਂ ਗਰਮੀਆਂ ਦੀ ਗਰਮੀ ਚਰਮ ਸੀਮਾ 'ਤੇ ਹੋਵੇ ਤਾਂ ਜ਼ਿਆਦਾਤਰ ਲੋਕ ਠੰਢੀਆਂ ਪੀਣਾਂ ਨੂੰ ਤਰਜੀਹ ਦਿੰਦੇ ਹਨ ਪਰ ਅਜਿਹੇ ਸਮੇਂ ਵਿਚ ਵੀ ਬਲੈਕ ਟੀ ਵਰਗੀ ਗਰਮ ਪੀਣੀ ਸਿਹਤ ਲਈ ਲਾਭਕਾਰੀ ਹੋ ਸਕਦੀ ਹੈ। ਬਲੈਕ ਟੀ ਨਾ ਸਿਰਫ਼ ਇਕ ਕੁਦਰਤੀ ਉਰਜਾ ਵਧਾਉਣ ਵਾਲੀ ਪੀਣ ਹੈ ਸਗੋਂ ਇਹ ਸਰੀਰ ਨੂੰ ਡਿਟੌਕਸ ਕਰਨ, ਮੈਟਾਬੋਲਿਜ਼ਮ ਵਧਾਉਣ ਅਤੇ ਮਨ ਨੂੰ ਚੁਸਤ ਬਣਾਈ ਰੱਖਣ ਵਿਚ ਵੀ ਸਹਾਇਕ ਹੈ। ਆਓ ਇਸ ਲੇਖ ਰਾਹੀਂ ਅਸੀਂ ਜਾਣਦੇ ਹਾਂ ਕਿ ਗਰਮੀਆਂ ਵਿਚ ਬਲੈਕ ਟੀ ਪੀਣ ਦੇ ਕੀ ਹਨ ਫਾਇਦੇ ਅਤੇ ਕੀ ਲਾਜ਼ਮੀ ਸਾਵਧਾਨੀਆਂ ਰੱਖਣੀਆਂ ਚਾਹੀਦੀਆਂ ਹਨ। 

ਐਂਟੀਓਕਸੀਡੈਂਟ ਨਾਲ ਭਰਪੂਰ
- ਬਲੈਕ ਟੀ ਵਿਚ ਫਲੇਵਨੌਇਡ ਹੁੰਦੇ ਹਨ ਜੋ ਸਰੀਰ ਤੋਂ ਟਾਕਸਿਨ ਦੂਰ ਕਰਦੇ ਹਨ ਅਤੇ ਰੋਗ-ਪਰਤਿਰੋਧਕ ਤਾਕਤ ਵਧਾਉਂਦੇ ਹਨ।

ਮੈਂਟਲ ਅਲਰਟਨੈੱਸ ਨੂੰ ਵਧਾਵੇ
- ਇਹ ਇਕ ਕੁਦਰਤੀ ਐਨਰਜੀ ਬੂਸਟਰ ਵਜੋਂ ਕੰਮ ਕਰਦੀ ਹੈ ਅਤੇ ਕੈਫੀਨ ਮਾਤਰਾ ਹੋਣ ਕਰਕੇ ਇਹ ਥਕਾਵਟ ਘਟਾਉਂਦੀ ਹੈ।

ਹਾਈਡਰੇਸ਼ਨ 'ਚ ਮਦਦਗਾਰ
- ਜੇ ਬਲੈਕ ਟੀ ਨੂੰ ਠੰਢਾ ਕਰਕੇ ਪੀਤਾ ਜਾਵੇ ਜਾਂ ਥੋੜ੍ਹਾ ਨਿੰਬੂ ਮਿਲਾ ਕੇ ਆਈਸਡ ਟੀ ਬਣਾਈ ਜਾਵੇ, ਤਾਂ ਇਹ ਸਰੀਰ ਨੂੰ ਹਾਈਡਰੇਟ ਵੀ ਰੱਖਦੀ ਹੈ।

ਸਰੀਰ ਦੀ ਤਪਸ਼ ਘਟਾਵੇ
- ਇਹ ਪਸੀਨਾ ਰਾਹੀਂ ਆਉਣ ਵਾਲੀ ਸਰੀਰ ਦੀ ਤਪਸ਼ ਘਟਾਉਣ ਵਿਚ ਮਦਦ ਕਰਦੀ ਹੈ।

ਮੋਟਾਪਾ ਘਟਾਉਣ 'ਚ ਸਹਾਇਕ
- ਖਾਲੀ ਪੇਟ ਬਲੈਕ ਟੀ ਪੀਣ ਨਾਲ ਮੈਟਾਬੋਲਿਜ਼ਮ ਵਧਦਾ ਹੈ, ਜੋ ਚਰਬੀ ਘਟਾਉਣ ਵਿਚ ਮਦਦ ਕਰ ਸਕਦਾ ਹੈ।

ਸਾਵਧਾਨੀਆਂ :-
- ਬਹੁਤ ਜ਼ਿਆਦਾ ਕੈਫੀਨ ਲੈਣ ਨਾਲ ਡਿਹਾਈਡਰੇਸ਼ਨ, ਘਬਰਾਹਟ ਜਾਂ ਨੀਂਦ ਦੀ ਸਮੱਸਿਆ ਹੋ ਸਕਦੀ ਹੈ।
- ਖਾਲੀ ਪੇਟ ਨਾ ਪੀਓ ਜੇ ਤੁਹਾਨੂੰ ਐਸਿਡਟੀ ਜਾਂ ਗੈਸ ਦੀ ਸਮੱਸਿਆ ਹੈ।
- ਗਰਮੀ ਵਿਚ ਪਸੀਨਾ ਆਉਣ ਕਰਕੇ ਪਾਣੀ ਦੀ ਕਮੀ ਹੋ ਸਕਦੀ ਹੈ, ਇਸ ਲਈ ਨਾਲ-ਨਾਲ ਪਾਣੀ ਵੀ ਪੀਂਦੇ ਰਹੋ।