ਫਿੱਟਕਰੀ ਦਾ ਪਾਣੀ ਸਿਹਤ ਲਈ ਹੁੰਦਾ ਹੈ ਫ਼ਾਇਦੇਮੰਦ, ਜਾਣੋ ਸੇਵਨ ਕਰਨ ਦਾ ਸਹੀ ਤਰੀਕਾ

ਹੈਲਥ ਡੈਸਕ- ਫਿੱਟਕਰੀ (Alum) ਸਿਰਫ਼ ਚਮੜੀ ਲਈ ਹੀ ਨਹੀਂ, ਸਗੋਂ ਤੁਹਾਡੀ ਸਿਹਤ ਲਈ ਵੀ ਕਾਫੀ ਲਾਭਕਾਰੀ ਸਾਬਿਤ ਹੋ ਸਕਦੀ ਹੈ। ਜੇਕਰ ਤੁਹਾਨੂੰ ਵੀ ਪੇਟ ਦੀ ਗੜਬੜ, ਬਲੱਡ ਪ੍ਰੈਸ਼ਰ ਜਾਂ ਗਲੇ ਦੀ ਸਮੱਸਿਆ ਜਿਵੇਂ ਕਿ ਖ਼ਰਾਸ਼ ਜਾਂ ਸੋਜ ਹੁੰਦੀ ਰਹਿੰਦੀ ਹੈ ਤਾਂ ਰੋਜ਼ਾਨਾ ਕੋਸੇ ਪਾਣੀ 'ਚ ਚੁਟਕੀ ਭਰ ਫਿੱਟਕਰੀ ਮਿਲਾ ਕੇ ਪੀਣਾ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ।

ਚਲੋ ਜਾਣਦੇ ਹਾਂ ਕਿ ਫਿੱਟਕਰੀ ਵਾਲਾ ਪਾਣੀ ਤੁਹਾਡੀ ਸਿਹਤ ਨੂੰ ਕਿਵੇਂ ਕਰ ਸਕਦਾ ਹੈ ਮਜ਼ਬੂਤ:

ਗੱਟ ਹੈਲਥ ਲਈ ਲਾਭਕਾਰੀ

ਫਿੱਟਕਰੀ ਦੇ ਪਾਣੀ 'ਚ ਪਾਏ ਜਾਂਦੇ ਪੌਸ਼ਟਿਕ ਤੱਤ ਗੱਟ (ਅੰਤੜੀਆਂ) ਦੀ ਸਿਹਤ ਲਈ ਬਹੁਤ ਹੀ ਲਾਭਦਾਇਕ ਮੰਨੇ ਜਾਂਦੇ ਹਨ। ਇਹ ਪੇਟ ਦੀਆਂ ਸਮੱਸਿਆਵਾਂ ਜਿਵੇਂ ਕਿ ਕਬਜ਼, ਗੈਸ ਅਤੇ ਅਪਚ ਨੂੰ ਦੂਰ ਕਰਨ 'ਚ ਸਹਾਇਤਾ ਕਰ ਸਕਦੇ ਹਨ ਪਰ ਇਹ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਫਿੱਟਕਰੀ ਦਾ ਪਾਣੀ ਸਹੀ ਮਾਤਰਾ 'ਚ ਅਤੇ ਸਹੀ ਢੰਗ ਨਾਲ ਹੀ ਵਰਤਿਆ ਜਾਵੇ।

ਬਲੱਡ ਪ੍ਰੈਸ਼ਰ ਨੂੰ ਕਰੇ ਕਾਬੂ

ਜੇਕਰ ਤੁਸੀਂ ਹਾਈ ਬਲੱਡ ਪ੍ਰੈਸ਼ਰ ਨਾਲ ਪਰੇਸ਼ਾਨ ਹੋ, ਤਾਂ ਫਿੱਟਕਰੀ ਵਾਲਾ ਪਾਣੀ ਤੁਹਾਡੀ ਮਦਦ ਕਰ ਸਕਦਾ ਹੈ। ਇਸ 'ਚ ਮੌਜੂਦ ਪੋਟੈਸ਼ੀਅਮ ਦਿਲ ਦੀ ਸਿਹਤ ਲਈ ਲਾਭਕਾਰੀ ਮੰਨੀ ਜਾਂਦੀ ਹੈ। ਇਹ ਦਿਲ ਦੀਆਂ ਬੀਮਾਰੀਆਂ ਦੇ ਖ਼ਤਰੇ ਨੂੰ ਘਟਾ ਸਕਦੀ ਹੈ। ਇਨ੍ਹਾਂ ਤੱਤਾਂ ਕਾਰਨ ਇਹ ਪੈਰਾਂ ਦੀ ਸੋਜ ਦੂਰ ਕਰਨ 'ਚ ਵੀ ਸਹਾਇਕ ਹੋ ਸਕਦੀ ਹੈ।

ਗਲੇ ਦੀ ਖ਼ਰਾਸ਼ ਤੋਂ ਮਿਲੇ ਰਾਹਤ

ਮੌਸਮ ਦੀ ਬਦਲਾਅ ਦੇ ਨਾਲ ਆਉਂਦੀ ਗਲੇ ਦੀ ਖ਼ਰਾਸ਼ ਜਾਂ ਸੋਜ ਤੋਂ ਰਾਹਤ ਲਈ ਵੀ ਫਿੱਟਕਰੀ ਵਾਲੇ ਪਾਣੀ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਫਿੱਟਕਰੀ 'ਚ ਮੌਜੂਦ ਐਂਟੀ-ਇੰਫਲਾਮੇਟਰੀ ਅਤੇ ਐਂਟੀ-ਬੈਕਟੀਰੀਅਲ ਗੁਣ ਗਲੇ ਦੀ ਇਨਫੈਕਸ਼ਨ ਜਾਂ ਜਲਣ ਤੋਂ ਰਾਹਤ ਦੇ ਸਕਦੇ ਹਨ।

ਵਰਤਣ ਦਾ ਢੰਗ

• ਇਕ ਕੱਪ ਗਰਮ ਪਾਣੀ ਲਓ (ਕੋਸਾ ਹੋਵੇ)।
• ਇਸ 'ਚ ਚੁਟਕੀ ਭਰ ਫਿੱਟਕਰੀ ਮਿਲਾਓ।
• ਰੋਜ਼ ਸਵੇਰੇ ਜਾਂ ਰਾਤ ਨੂੰ ਖਾਲੀ ਪੇਟ ਪੀ ਸਕਦੇ ਹੋ।
• ਹਫ਼ਤੇ 'ਚ 2-3 ਵਾਰੀ ਤੋਂ ਵੱਧ ਨਾ ਵਰਤੋ।

ਸਾਵਧਾਨੀਆਂ

ਗਰਭਵਤੀ ਔਰਤਾਂ, ਛੋਟੇ ਬੱਚੇ ਜਾਂ ਜਿਨ੍ਹਾਂ ਨੂੰ ਕਿਡਨੀ ਦੀ ਸਮੱਸਿਆ ਹੋਵੇ, ਉਹ ਡਾਕਟਰੀ ਸਲਾਹ ਲੈ ਕੇ ਹੀ ਫਿੱਟਕਰੀ ਵਾਲਾ ਪਾਣੀ ਵਰਤਣ। ਵੱਧ ਮਾਤਰਾ 'ਚ ਫਿੱਟਕਰੀ ਪੀਣ ਨਾਲ ਸਾਈਡ ਇਫੈਕਟ ਵੀ ਹੋ ਸਕਦੇ ਹਨ।