ਹੁਣ ਫ਼ੋਨ ''ਚੋਂ ਸਿਮ ਕੱਢਦੇ ਹੀ ਬੰਦ ਹੋ ਜਾਵੇਗਾ WhatsApp ! ਭਾਰਤ ਸਰਕਾਰ ਲਿਆ ਰਹੀ ਹੈ ਨਵਾਂ ਨਿਯਮ

ਗੈਜੇਟ ਡੈਸਕ : ਭਾਰਤ 'ਚ ਵ੍ਹਟਸਐਪ ਦੀ ਵਰਤੋਂ ਕਰਨ ਵਾਲੇ ਕਰੋੜਾਂ ਯੂਜ਼ਰਸ ਲਈ ਇੱਕ ਵੱਡੀ ਖ਼ਬਰ ਹੈ। ਹੁਣ ਜੇਕਰ ਤੁਸੀਂ ਆਪਣੇ ਫ਼ੋਨ ਵਿੱਚੋਂ ਸਿਮ ਕਾਰਡ ਬਾਹਰ ਕੱਢ ਲੈਂਦੇ ਹੋ, ਤਾਂ ਤੁਹਾਡਾ ਵ੍ਹਟਸਐਪ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਕੇਂਦਰ ਸਰਕਾਰ ਦੇ ਦੂਰਸੰਚਾਰ ਵਿਭਾਗ (DoT) ਦੇ ਨਿਰਦੇਸ਼ਾਂ 'ਤੇ ਵ੍ਹਟਸਐਪ 'ਸਿਮ ਬਾਈਡਿੰਗ' ਨਾਮ ਦੇ ਇੱਕ ਨਵੇਂ ਨਿਯਮ 'ਤੇ ਕੰਮ ਕਰ ਰਿਹਾ ਹੈ, ਜਿਸ ਦਾ ਮਕਸਦ ਸਾਈਬਰ ਠੱਗੀ ਨੂੰ ਰੋਕਣਾ ਹੈ।

ਕੀ ਹੈ ਸਿਮ ਬਾਈਡਿੰਗ ਨਿਯਮ? 
ਸਿਮ ਬਾਈਡਿੰਗ ਇੱਕ ਅਜਿਹੀ ਸਰਵਿਸ ਹੈ, ਜਿਸ ਤਹਿਤ ਕੋਈ ਵੀ ਮੈਸੇਜਿੰਗ ਐਪ ਸਿਰਫ਼ ਉਸੇ ਸਿਮ ਕਾਰਡ ਨਾਲ ਕੰਮ ਕਰੇਗੀ, ਜਿਸ ਨੰਬਰ ਨਾਲ ਉਹ ਰਜਿਸਟਰਡ ਹੈ। ਜਿਵੇਂ ਹੀ ਸਮਾਰਟਫ਼ੋਨ ਤੋਂ ਸਿਮ ਕੱਢੀ ਜਾਂ ਬਦਲੀ ਜਾਵੇਗੀ, ਵ੍ਹਟਸਐਪ ਤੁਰੰਤ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਦੱਸ ਦੇਈਏ ਕਿ ਯੂਪੀਆਈ (UPI) ਐਪਸ 'ਚ ਇਹ ਸਹੂਲਤ ਪਹਿਲਾਂ ਹੀ ਮੌਜੂਦ ਹੈ। ਵਰਤਮਾਨ ਵਿੱਚ, ਯੂਜ਼ਰਸ ਇੱਕ ਵਾਰ 6-ਅੰਕਾਂ ਵਾਲੇ ਵੈਰੀਫਿਕੇਸ਼ਨ ਕੋਡ ਰਾਹੀਂ ਲੌਗਇਨ ਕਰਨ ਤੋਂ ਬਾਅਦ ਵ੍ਹਟਸਐਪ ਦੀ ਵਰਤੋਂ ਕਰ ਸਕਦੇ ਹਨ ਅਤੇ ਸਿਸਟਮ ਇਹ ਚੈੱਕ ਨਹੀਂ ਕਰਦਾ ਕਿ ਸਿਮ ਫ਼ੋਨ ਵਿੱਚ ਐਕਟਿਵ ਹੈ ਜਾਂ ਨਹੀਂ। ਪਰ ਨਵੇਂ ਨਿਯਮ ਦੇ ਤਹਿਤ, ਵਟਸਐਪ ਬੈਕਗ੍ਰਾਊਂਡ ਵਿੱਚ ਲਗਾਤਾਰ ਜਾਂਚ ਕਰੇਗਾ ਕਿ ਰਜਿਸਟਰਡ ਸਿਮ ਉਸੇ ਡਿਵਾਈਸ ਵਿੱਚ ਮੌਜੂਦ ਹੈ।

📝 WhatsApp beta for Android 2.26.8.6: what's new?

WhatsApp is working on a feature that aligns the app with India's mandatory SIM linkage rule, and it will be available in a future update!https://t.co/BRfqBnsOxJ pic.twitter.com/Ia2ZrF8HPZ

— WABetaInfo (@WABetaInfo) February 24, 2026

ਸਰਕਾਰ ਦਾ ਮਕਸਦ ਭਾਰਤ ਸਰਕਾਰ ਅਨੁਸਾਰ, ਇਸ ਕਦਮ ਨਾਲ ਡਿਸਕਨੈਕਟ ਹੋ ਚੁੱਕੇ ਨੰਬਰਾਂ ਜਾਂ ਦੁਬਾਰਾ ਵੇਚੇ ਗਏ ਨੰਬਰਾਂ ਦੇ ਗਲਤ ਇਸਤੇਮਾਲ ਨੂੰ ਰੋਕਣ ਵਿੱਚ ਮਦਦ ਮਿਲੇਗੀ। ਇਹ ਸਾਈਬਰ ਅਪਰਾਧੀਆਂ ਅਤੇ 'ਡਿਜੀਟਲ ਅਰੈਸਟ' ਵਰਗੇ ਸਕੈਮਾਂ 'ਤੇ ਲਗਾਮ ਲਗਾਉਣ ਲਈ ਚੁੱਕਿਆ ਗਿਆ ਇੱਕ ਅਹਿਮ ਕਦਮ ਹੈ।

ਕਦੋਂ ਹੋਵੇਗਾ ਲਾਗੂ?
 ਜਾਣਕਾਰੀ ਅਨੁਸਾਰ, ਵ੍ਹਟਸਐਪ ਨੇ ਇਸ 'ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ ਅਤੇ ਇਸ ਦੀ ਟੈਸਟਿੰਗ ਐਂਡਰਾਇਡ ਦੇ ਲੇਟੈਸਟ ਬੀਟਾ ਅਪਡੇਟ (Android 2.26.8.6) ਵਿੱਚ ਦੇਖੀ ਗਈ ਹੈ। ਜਲਦੀ ਹੀ ਇਸ ਨਿਯਮ ਨੂੰ ਸਾਰੇ ਭਾਰਤੀ ਯੂਜ਼ਰਸ ਲਈ ਲਾਜ਼ਮੀ ਕਰ ਦਿੱਤਾ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e