ਗੈਜੇਟ ਡੈਸਕ - ਸੋਸ਼ਲ ਮੀਡੀਆ ਕੰਪਨੀ Meta ਆਪਣੇ ਪ੍ਰਸਿੱਧ ਐਪ ਇੰਸਟਾਗ੍ਰਾਮ 'ਚ ਇਕ ਵੱਡਾ ਬਦਲਾਅ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਇਕ ਨਵੇਂ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਮਾਡਲ 'Instagram Plus' 'ਤੇ ਕੰਮ ਕਰ ਰਹੀ ਹੈ, ਜੋ ਯੂਜ਼ਰਸ ਦੇ ਅਨੁਭਵ ਨੂੰ ਪੂਰੀ ਤਰ੍ਹਾਂ ਬਦਲ ਸਕਦਾ ਹੈ। ਇਸ ਪਲਾਨ 'ਚ ਕਈ ਅਜਿਹੇ ਫੀਚਰਸ ਮਿਲਣ ਦੀ ਚਰਚਾ ਹੈ ਜੋ ਫਿਲਹਾਲ ਫ੍ਰੀ ਯੂਜ਼ਰਸ ਲਈ ਉਪਲਬਧ ਨਹੀਂ ਹਨ।

ਕਿਨ੍ਹਾਂ ਦੇਸ਼ਾਂ 'ਚ ਹੋ ਰਹੀ ਹੈ ਟੈਸਟਿੰਗ?

ਮੀਡੀਆ ਰਿਪੋਰਟਾਂ ਅਨੁਸਾਰ, 'ਇੰਸਟਾਗ੍ਰਾਮ ਪਲੱਸ' ਦਾ ਟਰਾਇਲ ਫਿਲਹਾਲ ਮੈਕਸੀਕੋ, ਜਾਪਾਨ ਅਤੇ ਫਿਲੀਪੀਨਜ਼ ਵਰਗੇ ਚੁਣੇ ਹੋਏ ਦੇਸ਼ਾਂ 'ਚ ਕੀਤਾ ਜਾ ਰਿਹਾ ਹੈ। ਅਜੇ ਇਹ ਫੀਚਰ ਸੀਮਤ ਯੂਜ਼ਰਸ ਤੱਕ ਹੀ ਪਹੁੰਚਿਆ ਹੈ, ਪਰ ਆਉਣ ਵਾਲੇ ਸਮੇਂ 'ਚ ਇਸ ਨੂੰ ਭਾਰਤ ਸਮੇਤ ਹੋਰ ਦੇਸ਼ਾਂ ਵਿੱਚ ਵੀ ਲਾਂਚ ਕੀਤਾ ਜਾ ਸਕਦਾ ਹੈ।

ਕੀ-ਕੀ ਹੋਣਗੇ ਖਾਸ ਫੀਚਰਸ?

ਇਸ ਪੇਡ ਸਰਵਿਸ 'ਚ ਕਈ ਦਿਲਚਸਪ ਫੀਚਰਸ ਸ਼ਾਮਲ ਕੀਤੇ ਗਏ ਹਨ:

ਅਨੋਨਿਮਸ ਸਟੋਰੀ ਵਿਊ
- ਹੁਣ ਤੁਸੀਂ ਆਪਣੀ ਪਛਾਣ ਦੱਸੇ ਬਿਨਾਂ ਕਿਸੇ ਦੀ ਵੀ ਸਟੋਰੀ ਦੇਖ ਸਕੋਗੇ।

ਸਟੋਰੀ ਰੀ-ਵਾਚ
- ਯੂਜ਼ਰਸ ਇਹ ਦੇਖ ਸਕਣਗੇ ਕਿ ਉਨ੍ਹਾਂ ਦੀ ਸਟੋਰੀ ਨੂੰ ਕਿੰਨੀ ਵਾਰ ਦੁਬਾਰਾ ਦੇਖਿਆ ਗਿਆ ਹੈ।

ਵੱਖਰੀ ਆਡੀਅੰਸ ਲਿਸਟ
- ਸਟੋਰੀਜ਼ ਲਈ ਹੁਣ 'Close Friends' ਤੋਂ ਇਲਾਵਾ ਕਈ ਹੋਰ ਲਿਸਟਾਂ ਬਣਾਈਆਂ ਜਾ ਸਕਣਗੀਆਂ।

ਸਟੋਰੀ ਦਾ ਸਮਾਂ
- ਸਟੋਰੀ ਨੂੰ 24 ਘੰਟੇ ਤੋਂ ਵੱਧ ਸਮੇਂ ਲਈ ਵਧਾਇਆ ਜਾ ਸਕੇਗਾ।

ਸੁਪਰ ਲਾਈਕਸ
- ਯੂਜ਼ਰਸ ਨੂੰ ਐਨੀਮੇਟਡ ਰਿਐਕਸ਼ਨ ਭੇਜਣ ਦੀ ਸਹੂਲਤ ਵੀ ਮਿਲੇਗੀ।

ਸਟੋਰੀ ਹਾਈਲਾਈਟ
- ਹਫ਼ਤੇ 'ਚ ਇਕ ਵਾਰ ਆਪਣੀ ਸਟੋਰੀ ਨੂੰ ਹਾਈਲਾਈਟ ਕਰਕੇ ਸਭ ਤੋਂ ਉੱਪਰ ਦਿਖਾਉਣ ਦਾ ਵਿਕਲਪ ਮਿਲੇਗਾ।

ਕੀ ਇਹ 'Verified' ਪਲਾਨ ਵਰਗਾ ਹੈ?

ਇਹ ਸਮਝਣਾ ਜ਼ਰੂਰੀ ਹੈ ਕਿ 'Instagram Plus' ਮੈਟਾ ਦੇ ਵੈਰੀਫਾਈਡ (Meta Verified) ਪਲਾਨ ਤੋਂ ਵੱਖਰਾ ਹੈ। ਵੈਰੀਫਾਈਡ ਪਲਾਨ ਖ਼ਾਸ ਤੌਰ 'ਤੇ ਕ੍ਰਿਏਟਰਸ ਅਤੇ ਬਿਜ਼ਨੈੱਸ ਯੂਜ਼ਰਸ ਲਈ ਹੈ ਜਿਸ 'ਚ ਬਲੂ ਟਿਕ ਮਿਲਦਾ ਹੈ, ਜਦਕਿ 'ਇੰਸਟਾਗ੍ਰਾਮ ਪਲੱਸ' ਆਮ ਯੂਜ਼ਰਸ ਨੂੰ ਧਿਆਨ 'ਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। 

ਕਿੰਨੀ ਹੋ ਸਕਦੀ ਹੈ ਕੀਮਤ?

ਹਾਲਾਂਕਿ ਕੰਪਨੀ ਨੇ ਅਜੇ ਅਧਿਕਾਰਤ ਕੀਮਤ ਦਾ ਖੁਲਾਸਾ ਨਹੀਂ ਕੀਤਾ ਹੈ, ਪਰ ਰਿਪੋਰਟਾਂ ਮੁਤਾਬਕ ਵੱਖ-ਵੱਖ ਦੇਸ਼ਾਂ 'ਚ ਇਸ ਦੀ ਕੀਮਤ 100 ਤੋਂ 200 ਰੁਪਏ ਪ੍ਰਤੀ ਮਹੀਨਾ ਦੇ ਵਿਚਕਾਰ ਹੋ ਸਕਦੀ ਹੈ। ਭਾਰਤ 'ਚ ਇਸ ਦੀ ਲਾਂਚਿੰਗ ਅਤੇ ਕੀਮਤ ਬਾਰੇ ਫਿਲਹਾਲ ਸਥਿਤੀ ਸਪੱਸ਼ਟ ਨਹੀਂ ਹੈ।