WhatsApp ਦਾ ਵੱਡਾ ਧਮਾਕਾ! ਹੁਣ ਮੈਸੇਜ ਪੜ੍ਹਦੇ ਹੀ ਸ਼ੁਰੂ ਹੋ ਜਾਵੇਗਾ ''ਕਾਊਂਟਡਾਊਨ'', ਲਾਂਚ ਹੋਇਆ ਨਵਾਂ ਫੀਚਰ

ਗੈਜੇਟ ਡੈਸਕ : ਵਟਸਐਪ (WhatsApp) ਆਪਣੇ ਯੂਜ਼ਰਸ ਦੇ ਅਨੁਭਵ ਅਤੇ ਪ੍ਰਾਈਵੇਸੀ ਨੂੰ ਬਿਹਤਰ ਬਣਾਉਣ ਲਈ ਲਗਾਤਾਰ ਨਵੇਂ ਫੀਚਰਸ ਪੇਸ਼ ਕਰਦਾ ਰਹਿੰਦਾ ਹੈ। ਹੁਣ ਕੰਪਨੀ ਇੱਕ ਅਜਿਹੇ ਫੀਚਰ 'ਤੇ ਕੰਮ ਕਰ ਰਹੀ ਹੈ ਜਿਸ ਨਾਲ ਮੈਸੇਜ ਪੜ੍ਹਨ ਤੋਂ ਕੁਝ ਹੀ ਮਿੰਟਾਂ ਬਾਅਦ ਉਹ ਆਪਣੇ ਆਪ ਡਿਲੀਟ ਹੋ ਜਾਵੇਗਾ। ਇਸ ਨਵੇਂ ਫੀਚਰ ਦਾ ਨਾਮ 'After Reading' ਰੱਖਿਆ ਗਿਆ ਹੈ।

15 ਮਿੰਟਾਂ ਵਿੱਚ ਮੈਸੇਜ ਹੋਵੇਗਾ ਗਾਇਬ
 ਵਟਸਐਪ ਦੇ ਵਿਕਾਸ 'ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ WABetaInfo ਦੇ ਮੁਤਾਬਕ, ਇਹ ਫੀਚਰ ਐਂਡਰਾਇਡ ਬੀਟਾ ਵਰਜ਼ਨ ਵਿੱਚ ਦੇਖਿਆ ਗਿਆ ਹੈ। ਇਸ ਫੀਚਰ ਦੇ ਸਰਗਰਮ ਹੋਣ 'ਤੇ, ਜਿਵੇਂ ਹੀ ਮੈਸੇਜ ਪ੍ਰਾਪਤ ਕਰਨ ਵਾਲਾ ਵਿਅਕਤੀ ਮੈਸੇਜ ਨੂੰ ਖੋਲ੍ਹੇਗਾ, 15 ਮਿੰਟਾਂ ਦਾ ਸਮਾਂ (timer) ਸ਼ੁਰੂ ਹੋ ਜਾਵੇਗਾ। ਸਮਾਂ ਖਤਮ ਹੁੰਦੇ ਹੀ ਮੈਸੇਜ ਭੇਜਣ ਵਾਲੇ ਅਤੇ ਪ੍ਰਾਪਤ ਕਰਨ ਵਾਲੇ ਦੋਵਾਂ ਦੀ ਚੈਟ ਹਿਸਟਰੀ ਵਿੱਚੋਂ ਗਾਇਬ ਹੋ ਜਾਵੇਗਾ। ਜੇਕਰ ਮੈਸੇਜ ਨੂੰ ਖੋਲ੍ਹਿਆ ਨਹੀਂ ਜਾਂਦਾ, ਤਾਂ ਇਹ 24 ਘੰਟਿਆਂ ਤੱਕ ਮੌਜੂਦ ਰਹੇਗਾ ਅਤੇ ਫਿਰ ਆਪਣੇ ਆਪ ਡਿਲੀਟ ਹੋ ਜਾਵੇਗਾ।

ਗੁਪਤ ਜਾਣਕਾਰੀ ਸਾਂਝੀ ਕਰਨ ਲਈ ਹੋਵੇਗਾ ਸੁਰੱਖਿਅਤ
 ਇਹ ਨਵਾਂ ਵਿਕਲਪ ਉਨ੍ਹਾਂ ਯੂਜ਼ਰਸ ਲਈ ਬਹੁਤ ਮਦਦਗਾਰ ਸਾਬਤ ਹੋਵੇਗਾ ਜੋ ਅਕਸਰ OTP, ਪਾਸਵਰਡ, ਬੈਂਕ ਵੇਰਵੇ ਜਾਂ ਕੋਈ ਨਿੱਜੀ ਪਤਾ ਸਾਂਝਾ ਕਰਦੇ ਹਨ। ਇਸ ਨਾਲ ਚੈਟ ਹਿਸਟਰੀ ਵਿੱਚ ਨਿੱਜੀ ਜਾਣਕਾਰੀ ਦੇ ਰਹਿ ਜਾਣ ਦਾ ਖਤਰਾ ਘੱਟ ਜਾਵੇਗਾ।

ਬਿਨਾਂ 'ਬਲੂ ਟਿਕ' ਦੇ ਵੀ ਕਰੇਗਾ ਕੰਮ 
ਰਿਪੋਰਟ ਅਨੁਸਾਰ, ਇਹ 'After Reading' ਫੀਚਰ ਉਦੋਂ ਵੀ ਕੰਮ ਕਰੇਗਾ ਜਦੋਂ ਯੂਜ਼ਰ ਨੇ ਪ੍ਰਾਈਵੇਸੀ ਸੈਟਿੰਗਜ਼ ਵਿੱਚ 'Read Receipt' (ਬਲੂ ਟਿਕ) ਨੂੰ ਬੰਦ ਕੀਤਾ ਹੋਵੇਗਾ। ਵਰਤਮਾਨ ਵਿੱਚ ਵਟਸਐਪ 'Disappearing Messages' ਲਈ 24 ਘੰਟੇ, 7 ਦਿਨ ਅਤੇ 90 ਦਿਨਾਂ ਦਾ ਵਿਕਲਪ ਦਿੰਦਾ ਹੈ, ਪਰ ਇਹ ਨਵਾਂ ਫੀਚਰ ਸਿਰਫ਼ 15 ਮਿੰਟਾਂ ਵਿੱਚ ਮੈਸੇਜ ਡਿਲੀਟ ਕਰਨ ਦੀ ਸਹੂਲਤ ਦੇਵੇਗਾ। ਫਿਲਹਾਲ ਇਹ ਫੀਚਰ ਡਿਵੈਲਪਮੈਂਟ ਦੇ ਪੜਾਅ ਵਿੱਚ ਹੈ ਅਤੇ ਜਲਦੀ ਹੀ ਆਮ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e