ਗੈਜੇਟ ਡੈਸਕ - ਵ੍ਹਟਸਐਪ ਅੱਜਕੱਲ੍ਹ ਸਿਰਫ਼ ਚੈਟਿੰਗ ਅਤੇ ਕਾਲਿੰਗ ਤੱਕ ਹੀ ਸੀਮਤ ਨਹੀਂ ਰਹਿ ਗਿਆ ਹੈ, ਸਗੋਂ ਸਮੇਂ ਦੇ ਨਾਲ ਇਸ 'ਚ ਕਈ ਅਜਿਹੇ ਫੀਚਰਸ ਜੁੜ ਚੁੱਕੇ ਹਨ ਜੋ ਰੋਜ਼ਾਨਾ ਦੇ ਕੰਮਾਂ ਨੂੰ ਬਹੁਤ ਆਸਾਨ ਬਣਾ ਦਿੰਦੇ ਹਨ। ਅਜਿਹਾ ਹੀ ਇਕ ਸ਼ਾਨਦਾਰ ਫੀਚਰ ਹੈ 'ਸਕ੍ਰੀਨ ਸ਼ੇਅਰਿੰਗ', ਜਿਸ ਰਾਹੀਂ ਤੁਸੀਂ ਵੀਡੀਓ ਕਾਲ ਦੇ ਦੌਰਾਨ ਆਪਣੇ ਮੋਬਾਈਲ ਦੀ ਪੂਰੀ ਸਕ੍ਰੀਨ ਸਾਹਮਣੇ ਵਾਲੇ ਵਿਅਕਤੀ ਨੂੰ ਦਿਖਾ ਸਕਦੇ ਹੋ।

ਕੀ ਹੈ ਵ੍ਹਟਸਐਪ ਸਕ੍ਰੀਨ ਸ਼ੇਅਰ ਫੀਚਰ?

ਇਹ ਫੀਚਰ ਤੁਹਾਨੂੰ ਵੀਡੀਓ ਕਾਲ ਦੌਰਾਨ ਆਪਣੇ ਫ਼ੋਨ ਦੀ ਸਕ੍ਰੀਨ ਲਾਈਵ ਸਾਂਝੀ ਕਰਨ ਦੀ ਇਜਾਜ਼ਤ ਦਿੰਦਾ ਹੈ। ਇਸਦਾ ਮਤਲਬ ਹੈ ਕਿ ਕਾਲ ਦੇ ਦੌਰਾਨ ਤੁਸੀਂ ਆਪਣੇ ਫ਼ੋਨ 'ਤੇ ਜੋ ਵੀ ਐਪ ਖੋਲ੍ਹੋਗੇ ਜਾਂ ਜੋ ਵੀ ਕੰਮ ਕਰੋਗੇ, ਉਹ ਦੂਜੇ ਵਿਅਕਤੀ ਨੂੰ ਸਾਫ਼ ਦਿਖਾਈ ਦੇਵੇਗਾ। ਇਹ ਫੀਚਰ ਪੇਸ਼ੇਵਰ ਕੰਮਾਂ, ਆਨਲਾਈਨ ਕਲਾਸਾਂ ਜਾਂ ਕਿਸੇ ਨੂੰ ਤਕਨੀਕੀ ਮਦਦ ਦੇਣ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।

ਕਿਵੇਂ ਕਰੀਏ ਸਕ੍ਰੀਨ ਸ਼ੇਅਰ?

ਜੇਕਰ ਤੁਸੀਂ ਇਸ ਫੀਚਰ ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ, ਤਾਂ ਇਨ੍ਹਾਂ ਸਟੈੱਪਸ ਦੀ ਪਾਲਣਾ ਕਰੋ:

- ਸਭ ਤੋਂ ਪਹਿਲਾਂ ਵ੍ਹਟਸਐਪ ਖੋਲ੍ਹੋ ਅਤੇ ਉਸ ਵਿਅਕਤੀ ਨੂੰ ਵੀਡੀਓ ਕਾਲ ਕਰੋ ਜਿਸ ਨਾਲ ਤੁਸੀਂ ਸਕ੍ਰੀਨ ਸ਼ੇਅਰ ਕਰਨਾ ਚਾਹੁੰਦੇ ਹੋ।
- ਜਦੋਂ ਸਾਹਮਣੇ ਵਾਲਾ ਵਿਅਕਤੀ ਕਾਲ ਚੁੱਕ ਲਵੇਗਾ, ਤਾਂ ਤੁਹਾਨੂੰ ਕਾਲ ਸਕ੍ਰੀਨ 'ਤੇ ਇਕ 'Screen Share' ਆਈਕਨ ਦਿਖਾਈ ਦੇਵੇਗਾ।
- ਇਸ ਆਈਕਨ 'ਤੇ ਟੈਪ ਕਰਨ ਤੋਂ ਬਾਅਦ, ਫ਼ੋਨ ਕੁਝ ਜ਼ਰੂਰੀ ਪਰਮਿਸ਼ਨਾਂ (Permissions) ਮੰਗੇਗਾ।
- ਪਰਮਿਸ਼ਨ ਦਿੰਦੇ ਹੀ ਤੁਹਾਡੀ ਮੋਬਾਈਲ ਸਕ੍ਰੀਨ ਸਾਹਮਣੇ ਵਾਲੇ ਨੂੰ ਦਿਖਾਈ ਦੇਣੀ ਸ਼ੁਰੂ ਹੋ ਜਾਵੇਗੀ।

ਕਿਨ੍ਹਾਂ ਲੋਕਾਂ ਲਈ ਹੈ ਸਭ ਤੋਂ ਵੱਧ ਫਾਇਦੇਮੰਦ?

ਸਰੋਤਾਂ ਅਨੁਸਾਰ, ਇਹ ਫੀਚਰ ਕਈ ਸਥਿਤੀਆਂ 'ਚ ਮਦਦਗਾਰ ਸਾਬਤ ਹੁੰਦਾ ਹੈ:

ਆਨਲਾਈਨ ਪੜ੍ਹਾਈ ਅਤੇ ਪ੍ਰੈਜ਼ੈਂਟੇਸ਼ਨ
- ਜੇਕਰ ਤੁਸੀਂ ਕਿਸੇ ਨੂੰ ਕੁਝ ਪੜ੍ਹਾਉਣਾ ਹੈ ਜਾਂ ਪ੍ਰੈਜ਼ੈਂਟੇਸ਼ਨ ਦਿਖਾਉਣੀ ਹੈ, ਤਾਂ ਇਹ ਬੇਹੱਦ ਕੰਮ ਆਉਂਦਾ ਹੈ।

ਤਕਨੀਕੀ ਮਦਦ
- ਜੇਕਰ ਤੁਹਾਡੇ ਪਰਿਵਾਰ ਦੇ ਕਿਸੇ ਮੈਂਬਰ ਜਾਂ ਬਜ਼ੁਰਗ ਮਾਤਾ-ਪਿਤਾ ਨੂੰ ਫ਼ੋਨ ਦੀ ਕੋਈ ਸੈਟਿੰਗ ਸਮਝਣ 'ਚ ਮੁਸ਼ਕਲ ਆ ਰਹੀ ਹੈ, ਤਾਂ ਤੁਸੀਂ ਦੂਰ ਬੈਠੇ ਹੀ ਉਨ੍ਹਾਂ ਨੂੰ ਸਕ੍ਰੀਨ ਰਾਹੀਂ ਸਭ ਕੁਝ ਸਮਝਾ ਸਕਦੇ ਹੋ।

ਐਪ ਟਿਊਟੋਰੀਅਲ
- ਕਿਸੇ ਨੂੰ ਕਿਸੇ ਨਵੀਂ ਐਪ ਦੀ ਵਰਤੋਂ ਸਿਖਾਉਣ ਲਈ ਵੀ ਇਹ ਇਕ ਵਧੀਆ ਜ਼ਰੀਆ ਹੈ,।