ਵੱਡਾ ਝਟਕਾ! 4 ਮਹੀਨਿਆਂ ''ਚ ਦੂਜੀ ਵਾਰ ਮਹਿੰਗੀ ਹੋਈ ਧਾਕੜ SUV
Saturday, Apr 18, 2026 - 08:33 PM (IST)
ਆਟੋ ਡੈਸਕ- ਤੁਸੀਂ ਇਸ ਸਾਲ ਜੇਕਰ ਨਵੀਂ SUV ਖਰੀਦਣ ਦੀ ਯੋਜਨਾ ਬਣਾ ਰਹੇ ਸੀ, ਤਾਂ ਤੁਹਾਡੀ ਜੇਬ 'ਤੇ ਬੋਝ ਵਧਣ ਵਾਲਾ ਹੈ। ਪ੍ਰਸਿੱਧ ਆਟੋਮੋਬਾਈਲ ਕੰਪਨੀ ਸਿਟਰੋਏਨ ਨੇ ਆਪਣੀ Basalt X SUV ਕੂਪੇ ਦੀਆਂ ਕੀਮਤਾਂ ਵਿੱਚ 35,000 ਰੁਪਏ ਤੋਂ ਲੈ ਕੇ 40,000 ਰੁਪਏ ਤੱਕ ਦਾ ਵਾਧਾ ਕਰ ਦਿੱਤਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਸਾਲ 2026 ਵਿੱਚ ਕੰਪਨੀ ਵੱਲੋਂ ਕੀਮਤਾਂ ਵਿੱਚ ਕੀਤਾ ਗਿਆ ਇਹ ਦੂਜਾ ਵਾਧਾ ਹੈ, ਇਸ ਤੋਂ ਪਹਿਲਾਂ ਜਨਵਰੀ ਵਿੱਚ ਵੀ ਕੀਮਤਾਂ ਵਧਾਈਆਂ ਗਈਆਂ ਸਨ।
ਕੰਪਨੀ ਵੱਲੋਂ ਜਾਰੀ ਕੀਤੀ ਗਈ ਨਵੀਂ ਪ੍ਰਾਈਸ ਲਿਸਟ ਅਨੁਸਾਰ, ਇਸ SUV ਦੇ ਵੱਖ-ਵੱਖ ਮਾਡਲਾਂ ਦੀਆਂ ਕੀਮਤਾਂ ਹੁਣ ਪਹਿਲਾਂ ਨਾਲੋਂ ਕਾਫ਼ੀ ਵਧ ਗਈਆਂ ਹਨ:
ਸ਼ੁਰੂਆਤੀ ਵੇਰੀਐਂਟ: Basalt X ਦੇ ਸ਼ੁਰੂਆਤੀ 'You' ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ ਹੁਣ 8.55 ਲੱਖ ਰੁਪਏ ਹੋ ਗਈ ਹੈ, ਜੋ ਪਹਿਲਾਂ 8.15 ਲੱਖ ਰੁਪਏ ਸੀ।
ਪਲੱਸ ਵੇਰੀਐਂਟ: 'Plus' 1.2-ਲੀਟਰ ਪੈਟਰੋਲ ਮੈਨੂਅਲ ਟ੍ਰਿਮ ਦੀ ਕੀਮਤ ਵਿੱਚ 37,000 ਰੁਪਏ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਇਹ ਹੁਣ 9.99 ਲੱਖ ਰੁਪਏ ਦੀ ਹੋ ਗਈ ਹੈ।
ਟਰਬੋ ਅਤੇ ਆਟੋਮੈਟਿਕ ਵੇਰੀਐਂਟ: ਪਲੱਸ ਟਰਬੋ-ਪੈਟਰੋਲ ਮੈਨੂਅਲ ਦੀ ਕੀਮਤ ਹੁਣ 11.42 ਲੱਖ ਰੁਪਏ ਹੈ, ਜਦਕਿ ਆਟੋਮੈਟਿਕ ਵਰਜ਼ਨ ਦੀਆਂ ਕੀਮਤਾਂ ਵਿੱਚ ਸਿੱਧਾ 40,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ।
ਹਾਲਾਂਕਿ ਕੰਪਨੀ ਨੇ ਕੀਮਤਾਂ ਵਧਾਉਣ ਦਾ ਕੋਈ ਖਾਸ ਕਾਰਨ ਸਪੱਸ਼ਟ ਨਹੀਂ ਕੀਤਾ ਹੈ ਪਰ ਮੰਨਿਆ ਜਾ ਰਿਹਾ ਹੈ ਕਿ ਵਧਦੀ ਲਾਗਤ ਅਤੇ ਮਹਿੰਗਾਈ ਕਾਰਨ ਇਹ ਕਦਮ ਚੁੱਕਿਆ ਗਿਆ ਹੈ। ਨਵੀਆਂ ਕੀਮਤਾਂ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਈਆਂ ਹਨ।
ਸਿਟਰੋਏਨ ਬੇਸਾਲਟ ਐਕਸ ਵਿੱਚ ਦੋ 1.2-ਲੀਟਰ ਪੈਟਰੋਲ ਇੰਜਣ ਵਿਕਲਪ ਮਿਲਦੇ ਹਨ- ਇੱਕ 80 BHP ਵਾਲਾ ਨੈਚੁਰਲੀ ਐਸਪੀਰੇਟਿਡ ਅਤੇ ਦੂਜਾ 108.5 BHP ਵਾਲਾ ਟਰਬੋਚਾਰਜਡ ਵਰਜਨ। ਭਾਰਤੀ ਬਾਜ਼ਾਰ ਵਿੱਚ ਇਸ ਕਾਰ ਦਾ ਸਿੱਧਾ ਮੁਕਾਬਲਾ ਟਾਟਾ ਕਰਵੀ, ਹੁੰਡਈ ਕ੍ਰੇਟਾ, ਮਾਰੂਤੀ ਸੁਜ਼ੂਕੀ ਗ੍ਰੈਂਡ ਵਿਟਾਰਾ ਅਤੇ ਕਿਆ ਸੇਲਟੋਸ ਵਰਗੀਆਂ ਮਜ਼ਬੂਤ SUVs ਨਾਲ ਹੈ।
