Kia ਲਿਆ ਰਹੀ ਹੈ ਆਪਣੀ ਸਭ ਤੋਂ ਸਸਤੀ ਇਲੈਕਟ੍ਰਿਕ SUV! ਜਾਣੋ ਕਦੋਂ ਹੋਵੇਗੀ ਲਾਂਚ ਤੇ ਕੀ ਹੋਵੇਗੀ ਕੀਮਤ

ਗੈਜੇਟ ਡੈਸਕ : ਭਾਰਤੀ ਆਟੋ ਬਾਜ਼ਾਰ ਵਿੱਚ ਇਲੈਕਟ੍ਰਿਕ ਵਾਹਨਾਂ (EV) ਦੀ ਵਧਦੀ ਮੰਗ ਨੂੰ ਦੇਖਦੇ ਹੋਏ ਕਿਆ ਮੋਟਰਜ਼ ਆਪਣਾ ਨਵਾਂ ਦਾਅ ਖੇਡਣ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਜੁਲਾਈ 2026 ਵਿੱਚ ਆਪਣੀ ਨਵੀਂ ਅਤੇ ਸਭ ਤੋਂ ਸਸਤੀ ਇਲੈਕਟ੍ਰਿਕ ਕਾਰ Kia Syros EV ਨੂੰ ਲਾਂਚ ਕਰ ਸਕਦੀ ਹੈ। ਇਹ ਭਾਰਤ ਵਿੱਚ ਕੰਪਨੀ ਦੀ ਚੌਥੀ ਇਲੈਕਟ੍ਰਿਕ ਕਾਰ ਹੋਵੇਗੀ।

ਕੀਮਤ ਅਤੇ ਮੁਕਾਬਲਾ
 ਰਿਪੋਰਟਾਂ ਅਨੁਸਾਰ Kia Syros EV ਦੀ ਐਕਸ-ਸ਼ੋਰੂਮ ਕੀਮਤ 15 ਲੱਖ ਤੋਂ 20 ਲੱਖ ਰੁਪਏ ਦੇ ਵਿਚਕਾਰ ਰਹਿਣ ਦੀ ਉਮੀਦ ਹੈ। ਇਸ ਕੀਮਤ ਦੇ ਨਾਲ ਇਹ ਕਾਰ ਬਾਜ਼ਾਰ ਵਿੱਚ ਪਹਿਲਾਂ ਤੋਂ ਮੌਜੂਦ MG Windsor EV, Tata Nexon EV ਅਤੇ Mahindra XUV 3XO EV ਵਰਗੀਆਂ ਦਿੱਗਜ ਗੱਡੀਆਂ ਨੂੰ ਸਿੱਧੀ ਟੱਕਰ ਦੇਵੇਗੀ।

ਸ਼ਾਨਦਾਰ ਫੀਚਰਸ ਅਤੇ ਡਿਜ਼ਾਈਨ 
ਇਸ SUV ਦਾ ਡਿਜ਼ਾਈਨ ਕਾਫੀ ਹੱਦ ਤੱਕ ਇਸਦੇ ਪੈਟਰੋਲ/ਡੀਜ਼ਲ ਮਾਡਲ ਵਰਗਾ ਹੋਵੇਗਾ, ਜਿਸ ਵਿੱਚ ਬਾਕਸੀ ਸ਼ੇਪ ਅਤੇ ਪ੍ਰੀਮੀਅਮ ਲੁੱਕ ਦਿੱਤੀ ਗਈ ਹੈ। ਇਸ ਵਿੱਚ ਵਰਟੀਕਲ LED ਹੈੱਡਲੈਂਪਸ, L-ਸ਼ੇਪ LED DRLs ਅਤੇ 17-ਇੰਚ ਦੇ ਅਲੌਏ ਵ੍ਹੀਲਜ਼ ਮਿਲਣਗੇ। ਸੁਰੱਖਿਆ ਲਈ ਇਸ ਵਿੱਚ ADAS (ਐਡਵਾਂਸਡ ਡਰਾਈਵਰ ਅਸਿਸਟੈਂਸ ਸਿਸਟਮ) ਦਾ ਰਡਾਰ ਸੈਂਸਰ ਵੀ ਲਗਾਇਆ ਜਾ ਸਕਦਾ ਹੈ।

ਕਾਰ ਬਣੇਗੀ ਪਾਵਰ ਬੈਂਕ (V2L ਫੀਚਰ)
 ਇਸ ਕਾਰ ਦੀ ਸਭ ਤੋਂ ਵੱਡੀ ਖੂਬੀ ਇਸ ਵਿੱਚ ਮਿਲਣ ਵਾਲਾ V2L (Vehicle-to-Load) ਫੀਚਰ ਹੋ ਸਕਦਾ ਹੈ। ਇਸ ਦੀ ਮਦਦ ਨਾਲ ਯੂਜ਼ਰਸ ਆਪਣੀ ਕਾਰ ਦੀ ਬੈਟਰੀ ਰਾਹੀਂ ਲੈਪਟਾਪ ਜਾਂ ਹੋਰ ਛੋਟੇ ਘਰੇਲੂ ਬਿਜਲੀ ਉਪਕਰਣ ਚਲਾ ਸਕਣਗੇ। ਇਸ ਤੋਂ ਇਲਾਵਾ ਕੈਬਿਨ ਵਿੱਚ ਪੈਨੋਰਮਿਕ ਸਨਰੂਫ, ਵੈਂਟੀਲੇਟਿਡ ਸੀਟਾਂ ਅਤੇ ਵਾਇਰਲੈੱਸ ਫੋਨ ਚਾਰਜਰ ਵਰਗੇ ਆਧੁਨਿਕ ਫੀਚਰਸ ਵੀ ਮਿਲਣ ਦੀ ਸੰਭਾਵਨਾ ਹੈ।

ਬੈਟਰੀ ਅਤੇ ਰੇਂਜ 
ਮਾਹਿਰਾਂ ਅਨੁਸਾਰ ਇਸ ਕਾਰ ਵਿੱਚ 42kWh ਜਾਂ 49kWh ਦੇ ਬੈਟਰੀ ਪੈਕ ਦਿੱਤੇ ਜਾ ਸਕਦੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਕ ਵਾਰ ਫੁੱਲ ਚਾਰਜ ਹੋਣ 'ਤੇ ਇਹ ਕਾਰ 350 ਤੋਂ 369 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕੇਗੀ, ਜੋ ਰੋਜ਼ਾਨਾ ਵਰਤੋਂ ਲਈ ਬਹੁਤ ਵਧੀਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e