ਸਿਮ ਕਾਰਡ ''ਚ ਕਿਉਂ ਹੁੰਦਾ ਹੈ ਇਹ ''ਕੱਟ''? 99 ਫੀਸਦੀ ਲੋਕ ਨਹੀਂ ਜਾਣਦੇ ਇਸ ਪਿੱਛੇ ਦਾ ਦਿਲਚਸਪ ਕਾਰਨ!

ਗੈਜੇਟ ਡੈਸਕ- ਅੱਜ ਦੇ ਦੌਰ 'ਚ ਮੋਬਾਈਲ ਫ਼ੋਨ ਸਾਡੀ ਜ਼ਿੰਦਗੀ ਦਾ ਇਕ ਅਹਿਮ ਹਿੱਸਾ ਬਣ ਚੁੱਕਾ ਹੈ। ਕਾਲ ਕਰਨੀ ਹੋਵੇ, ਇੰਟਰਨੈੱਟ ਚਲਾਉਣਾ ਹੋਵੇ ਜਾਂ ਆਨਲਾਈਨ ਪੇਮੈਂਟ ਕਰਨੀ ਹੋਵੇ, ਇਹ ਸਾਰੇ ਕੰਮ ਸਿਮ ਕਾਰਡ ਤੋਂ ਬਿਨਾਂ ਅਧੂਰੇ ਹਨ। ਤੁਸੀਂ ਅਕਸਰ ਦੇਖਿਆ ਹੋਵੇਗਾ ਕਿ ਚਾਹੇ ਸਿਮ ਕਿਸੇ ਵੀ ਕੰਪਨੀ ਦਾ ਹੋਵੇ, ਉਸ ਦਾ ਇਕ ਕੋਨਾ ਕੱਟਿਆ ਹੋਇਆ ਹੁੰਦਾ ਹੈ। ਇਹ ਦੇਖਣ 'ਚ ਮਾਮੂਲੀ ਲੱਗ ਸਕਦਾ ਹੈ, ਪਰ ਇਸ ਦੇ ਪਿੱਛੇ ਇਕ ਬਹੁਤ ਹੀ ਮਹੱਤਵਪੂਰਨ ਤਕਨੀਕੀ ਕਾਰਨ ਲੁਕਿਆ ਹੋਇਆ ਹੈ।

ਸਿਮ ਕਾਰਡ ਦਾ ਇਤਿਹਾਸ ਅਤੇ ਬਦਲਦਾ ਰੂਪ 

1990 ਦੇ ਦਹਾਕੇ 'ਚ ਜਦੋਂ ਮੋਬਾਈਲ ਫ਼ੋਨ ਨਵੇਂ ਆਏ ਸਨ, ਉਦੋਂ ਸਿਮ ਕਾਰਡ ਕ੍ਰੈਡਿਟ ਕਾਰਡ ਦੇ ਆਕਾਰ ਜਿੰਨੇ ਵੱਡੇ ਹੁੰਦੇ ਸਨ। ਸਮੇਂ ਦੇ ਨਾਲ ਜਿਵੇਂ-ਜਿਵੇਂ ਫ਼ੋਨ ਛੋਟੇ ਹੁੰਦੇ ਗਏ, ਸਿਮ ਕਾਰਡ ਵੀ ਛੋਟੇ ਹੁੰਦੇ ਚਲੇ ਗਏ। ਪਹਿਲਾਂ ਮਿੰਨੀ ਸਿਮ ਆਇਆ, ਫਿਰ ਮਾਈਕ੍ਰੋ ਅਤੇ ਹੁਣ ਨੈਨੋ ਸਿਮ ਦਾ ਚਲਣ ਹੈ। ਆਕਾਰ ਬਦਲਣ ਦੇ ਬਾਵਜੂਦ, ਸਿਮ ਕਾਰਡ ਦਾ ਕੱਟਿਆ ਹੋਇਆ ਕੋਨਾ ਹਮੇਸ਼ਾ ਬਰਕਰਾਰ ਰਿਹਾ ਹੈ।

ਕੱਟਿਆ ਹੋਇਆ ਕੋਨਾ ਕਿਉਂ ਹੈ ਜ਼ਰੂਰੀ? 

ਸਿਮ ਕਾਰਡ ਦੇ ਵਿਚਕਾਰ ਇਕ ਪੀਲੇ ਰੰਗ ਦੀ ਚਿੱਪ ਲੱਗੀ ਹੁੰਦੀ ਹੈ, ਜੋ ਫ਼ੋਨ ਨੂੰ ਨੈੱਟਵਰਕ ਨਾਲ ਜੋੜਦੀ ਹੈ। ਇਸ ਚਿੱਪ ਦਾ ਫ਼ੋਨ 'ਚ ਸਹੀ ਦਿਸ਼ਾ 'ਚ ਫਿਕਸ ਹੋਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਜੇਕਰ ਸਿਮ ਕਾਰਡ ਉਲਟੀ ਦਿਸ਼ਾ 'ਚ ਲਗਾ ਦਿੱਤਾ ਜਾਵੇ, ਤਾਂ ਚਿੱਪ ਸਹੀ ਤਰ੍ਹਾਂ ਸੈੱਟ ਨਹੀਂ ਹੁੰਦੀ, ਜਿਸ ਨਾਲ ਫ਼ੋਨ, ਸਿਮ ਅਤੇ ਸਿਮ ਸਲਾਟ ਦੇ ਖਰਾਬ ਹੋਣ ਦਾ ਡਰ ਰਹਿੰਦਾ ਹੈ। ਕੱਟਿਆ ਹੋਇਆ ਕੋਨਾ ਯੂਜ਼ਰ ਨੂੰ ਇਹ ਦੱਸਦਾ ਹੈ ਕਿ ਸਿਮ ਫ਼ੋਨ 'ਚ ਕਿਵੇਂ ਲੱਗੇਗਾ, ਤਾਂ ਜੋ ਕੋਈ ਵੀ ਵਿਅਕਤੀ ਗਲਤ ਤਰੀਕੇ ਨਾਲ ਸਿਮ ਨਾ ਪਾ ਸਕੇ।

ਕੰਪਨੀਆਂ ਨੂੰ ਵੀ ਹੁੰਦਾ ਹੈ ਫਾਇਦਾ 

ਸਿਮ ਕਾਰਡ ਦੇ ਇਸ ਖਾਸ ਡਿਜ਼ਾਈਨ ਦੇ ਕਾਰਨ ਹੀ ਮੋਬਾਈਲ ਬਣਾਉਣ ਵਾਲੀਆਂ ਕੰਪਨੀਆਂ ਨੂੰ ਵੀ ਫਾਇਦਾ ਹੁੰਦਾ ਹੈ। ਕੰਪਨੀਆਂ ਨੇ ਫ਼ੋਨ ਦੇ ਅੰਦਰ ਸਿਮ ਟ੍ਰੇ ਦੀ ਜਗ੍ਹਾ ਸਿਮ ਦੇ ਡਿਜ਼ਾਈਨ ਮੁਤਾਬਕ ਹੀ ਤਿਆਰ ਕੀਤੀ ਹੁੰਦੀ ਹੈ, ਜਿਸ ਨਾਲ ਫ਼ੋਨ ਅਸੈਂਬਲ ਕਰਦੇ ਸਮੇਂ ਗਲਤੀ ਦੀ ਗੁੰਜਾਇਸ਼ ਨਹੀਂ ਰਹਿੰਦੀ।

e-SIM ਨਾਲ ਬਦਲ ਰਹੀ ਤਕਨਾਲੋਜੀ 

ਹੁਣ ਨਵੀਂ ਤਕਨਾਲੋਜੀ ਦੇ ਨਾਲ ਇਹ ਰੁਝਾਨ ਤੇਜ਼ੀ ਨਾਲ ਬਦਲ ਰਿਹਾ ਹੈ। ਕਈ ਸਮਾਰਟਫ਼ੋਨਾਂ 'ਚ ਹੁਣ e-SIM ਦਾ ਫੀਚਰ ਮਿਲ ਰਿਹਾ ਹੈ, ਜਿਸ 'ਚ ਫਿਜ਼ੀਕਲ ਸਿਮ ਕਾਰਡ ਪਾਉਣ ਦੀ ਜ਼ਰੂਰਤ ਹੀ ਨਹੀਂ ਪੈਂਦੀ ਅਤੇ ਸਭ ਕੁਝ ਡਿਜੀਟਲ ਤਰੀਕੇ ਨਾਲ ਐਕਟੀਵੇਟ ਹੋ ਜਾਂਦਾ ਹੈ। ਆਉਣ ਵਾਲੇ ਸਮੇਂ 'ਚ ਫਿਜ਼ੀਕਲ ਸਿਮ ਕਾਰਡਾਂ ਦੀ ਵਰਤੋਂ ਘੱਟ ਸਕਦੀ ਹੈ ਅਤੇ ਹੋ ਸਕਦਾ ਹੈ ਕਿ ਭਵਿੱਖ 'ਚ ਇਹ ਕੱਟਿਆ ਹੋਇਆ ਡਿਜ਼ਾਈਨ ਦੇਖਣ ਨੂੰ ਨਾ ਮਿਲੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e