ਭਾਰਤ ''ਚ ਮੁੜ ਪੈਰ ਪਸਾਰਨ ਦੀ ਤਿਆਰੀ ''ਚ Renault ! ਨਵੀਂ Duster ਤੋਂ ਚੁੱਕਿਆ ਪਰਦਾ, ਸਿਰਫ਼ 21 ਹਜ਼ਾਰ ''ਚ...

ਗੈਜੇਟ ਡੈਸਕ- ਰੈਨੋ ਇੰਡੀਆ ਨੇ ਦੇਸ਼ 'ਚ ਆਪਣੀ ਪ੍ਰਸਿੱਧ ਮਿਡ-ਸਾਈਜ਼ SUV, ਨਵੀਂ ਜਨਰੇਸ਼ਨ ਰੈਨੋ ਡਸਟਰ (Renault Duster) ਨੂੰ ਅਧਿਕਾਰਤ ਤੌਰ 'ਤੇ ਪੇਸ਼ ਕਰ ਦਿੱਤਾ ਹੈ। ਹਾਲਾਂਕਿ ਕੰਪਨੀ ਨੇ ਅਜੇ ਇਸ ਦੀਆਂ ਕੀਮਤਾਂ ਦਾ ਐਲਾਨ ਨਹੀਂ ਕੀਤਾ ਹੈ, ਪਰ ਇਹ ਜਾਣਕਾਰੀ ਦਿੱਤੀ ਗਈ ਹੈ ਕਿ ਕੀਮਤਾਂ ਦਾ ਖੁਲਾਸਾ ਮਾਰਚ 'ਚ ਕੀਤਾ ਜਾਵੇਗਾ।

ਬੁਕਿੰਗ ਅਤੇ ਡਿਲੀਵਰੀ ਦੇ ਵੇਰਵੇ 

ਗਾਹਕ 21,000 ਰੁਪਏ 'ਚ 'ਆਰ ਪਾਸ' (R Pass) ਖਰੀਦ ਕੇ ਨਵੀਂ ਰੈਨੋ ਡਸਟਰ ਨੂੰ ਪ੍ਰੀ-ਬੁੱਕ ਕਰ ਸਕਦੇ ਹਨ। ਆਰ ਪਾਸ ਧਾਰਕਾਂ ਨੂੰ ਵਿਸ਼ੇਸ਼ ਸ਼ੁਰੂਆਤੀ ਕੀਮਤ, ਪਹਿਲ ਦੇ ਆਧਾਰ 'ਤੇ ਡਿਲੀਵਰੀ, ਮੁਫ਼ਤ 'ਗੈਂਗ ਆਫ ਡਸਟਰਜ਼' ਮਰਚੈਂਡਾਈਜ਼ ਅਤੇ ਨਵੀਂ ਡਸਟਰ ਨੂੰ ਬਣਦੇ ਹੋਏ ਦੇਖਣ ਦਾ ਮੌਕਾ ਮਿਲੇਗਾ। ਗਾਹਕਾਂ ਨੂੰ ਇਸ ਦੀ ਡਿਲੀਵਰੀ ਅਪ੍ਰੈਲ 2026 ਤੋਂ ਮਿਲਣੀ ਸ਼ੁਰੂ ਹੋਵੇਗੀ।

ਭਾਰਤੀ ਬਾਜ਼ਾਰ ਲਈ ਖ਼ਾਸ ਤਿਆਰੀ 

ਇਹ ਨਵੀਂ ਡਸਟਰ ਰੈਨੋ ਗਰੁੱਪ ਦੇ 'ਇੰਟਰਨੈਸ਼ਨਲ ਗੇਮ ਪਲਾਨ 2027' ਤਹਿਤ ਪੇਸ਼ ਕੀਤਾ ਗਿਆ ਪਹਿਲਾ ਉਤਪਾਦ ਹੈ। ਇਸ ਮਾਡਲ ਦੇ 90 ਫੀਸਦੀ ਹਿੱਸੇ ਖ਼ਾਸ ਤੌਰ 'ਤੇ ਭਾਰਤੀ ਲੋੜਾਂ ਨੂੰ ਧਿਆਨ 'ਚ ਰੱਖ ਕੇ ਡਿਜ਼ਾਈਨ ਕੀਤੇ ਗਏ ਹਨ। ਚੇਨਈ 'ਚ ਸਥਿਤ ਰੈਨੋ ਦਾ ਕੇਂਦਰ ਡਿਜ਼ਾਈਨ, ਇੰਜੀਨੀਅਰਿੰਗ ਅਤੇ ਨਿਰਮਾਣ ਦੇ ਪੱਖੋਂ ਵਿਸ਼ਵ ਪੱਧਰ 'ਤੇ ਇਕ ਸ਼ਕਤੀਸ਼ਾਲੀ ਹੱਬ ਵਜੋਂ ਉੱਭਰਿਆ ਹੈ।

ਦਮਦਾਰ ਇੰਜਣ ਅਤੇ ਹਾਈਬ੍ਰਿਡ ਤਕਨਾਲੋਜੀ 

ਨਵੀਂ ਡਸਟਰ ਨਵੇਂ 'ਰੈਨੋ ਗਰੁੱਪ ਮਾਡਿਊਲਰ ਪਲੇਟਫਾਰਮ' (RGMP) 'ਤੇ ਅਧਾਰਤ ਹੈ, ਜਿਸ ਨੂੰ 5-ਸਟਾਰ ਸੇਫਟੀ ਸਟੈਂਡਰਡਸ ਲਈ ਟੈਸਟ ਕੀਤਾ ਗਿਆ ਹੈ। ਇਸ ਵਿੱਚ ਕਈ ਇੰਜਣ ਵਿਕਲਪ ਮਿਲਣਗੇ:

• Turbo TCe 160 ਪੈਟਰੋਲ ਇੰਜਣ।
• Turbo TCe 100 ਪੈਟਰੋਲ ਇੰਜਣ।

ਸਟ੍ਰੌਂਗ ਹਾਈਬ੍ਰਿਡ ਈ-ਟੈਕ 160 (Strong Hybrid E-Tech 160): ਭਾਰਤ 'ਚ ਪਹਿਲੀ ਵਾਰ ਪੇਸ਼ ਕੀਤੇ ਗਏ ਇਸ ਹਾਈਬ੍ਰਿਡ ਸਿਸਟਮ 'ਚ 1.8-ਲੀਟਰ ਇੰਜਣ ਅਤੇ 1.4 kWh ਦੀ ਬੈਟਰੀ ਹੈ, ਜੋ ਸ਼ਹਿਰ ਦੀਆਂ ਸਥਿਤੀਆਂ 'ਚ 80 ਫੀਸਦੀ ਤੱਕ ਇਲੈਕਟ੍ਰਿਕ ਡਰਾਈਵਿੰਗ ਪ੍ਰਦਾਨ ਕਰੇਗੀ।

ਹਾਈ-ਟੈਕ ਫੀਚਰਸ ਅਤੇ ਸੁਰੱਖਿਆ

ਡਿਜ਼ਾਈਨ: ਕੰਪਨੀ ਨੇ ਹਿਮਾਲਿਆ ਦੇ ਲੈਂਡਸਕੇਪ ਤੋਂ ਪ੍ਰੇਰਿਤ ਇੱਕ ਨਵਾਂ ਰੰਗ 'ਮਾਊਂਟੇਨ ਜੇਡ ਗ੍ਰੀਨ' (Mountain Jade Green) ਪੇਸ਼ ਕੀਤਾ ਹੈ।

ਇੰਟੀਰੀਅਰ: ਇਸ ਵਿੱਚ ਪਹਿਲੀ ਵਾਰ ਭਾਰਤ ਦੀ ਕਿਸੇ ਮਾਸ-ਮਾਰਕੀਟ ਕਾਰ ਵਿੱਚ Google built-in ਦੇ ਨਾਲ ਓਪਨਆਰ ਲਿੰਕ (openR link) ਮਲਟੀਮੀਡੀਆ ਸਿਸਟਮ ਦਿੱਤਾ ਗਿਆ ਹੈ, ਜਿਸ ਵਿੱਚ ਗੂਗਲ ਮੈਪਸ ਅਤੇ ਵਾਇਸ ਅਸਿਸਟੈਂਸ ਵਰਗੀਆਂ ਸਹੂਲਤਾਂ ਸ਼ਾਮਲ ਹਨ।

ਸੁਰੱਖਿਆ: ਕਾਰ 'ਚ ADAS (ਐਡਵਾਂਸਡ ਡਰਾਈਵਰ ਅਸਿਸਟੈਂਸ ਸਿਸਟਮ), ਮਲਟੀ-ਸੈਂਸ ਡਰਾਈਵ ਮੋਡਸ ਅਤੇ 60 ਤੋਂ ਵੱਧ ਕਨੈਕਟਡ ਫੀਚਰਸ ਮਿਲਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e