ਅਗਲੇ ਮਹੀਨੇ OnePlus ਦਾ ਇਹ Smartphone ਹੋਵੇਗਾ ਲਾਂਚ

ਗੈਜੇਟ ਡੈਸਕ - OnePlus 13T ਦੀ ਉਡੀਕ ਕਰ ਰਹੇ ਉਪਭੋਗਤਾਵਾਂ ਲਈ ਵੱਡੀ ਖ਼ਬਰ ਹੈ। ਕੰਪਨੀ ਦਾ ਇਹ ਨਵਾਂ ਫੋਨ ਅਗਲੇ ਮਹੀਨੇ ਭਾਵ ਅਪ੍ਰੈਲ ’ਚ ਆ ਸਕਦਾ ਹੈ। ਟਿਪਸਟਰ ਡਿਜੀਟਲ ਚੈਟ ਸਟੇਸ਼ਨ ਨੇ ਇਕ ਆਉਣ ਵਾਲੇ ਸੰਖੇਪ ਸਮਾਰਟਫੋਨ ਦਾ ਸੰਕੇਤ ਦਿੱਤਾ ਹੈ ਜੋ 6.3-ਇੰਚ ਡਿਸਪਲੇਅ ਅਤੇ ਇਕ ਵੱਡੀ ਬੈਟਰੀ ਦੇ ਨਾਲ ਆਵੇਗਾ। ਟਿਪਸਟਰ ਨੇ ਇਸ ਫੋਨ ਦਾ ਨਾਮ ਨਹੀਂ ਦੱਸਿਆ ਪਰ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਡਿਵਾਈਸ OnePlus 13T ਹੋ ਸਕਦਾ ਹੈ। ਲੀਕ ਦੇ ਅਨੁਸਾਰ, ਇਹ OnePlus ਫੋਨ 6200mAh ਬੈਟਰੀ ਅਤੇ 80W ਚਾਰਜਿੰਗ ਦੇ ਨਾਲ ਆ ਸਕਦਾ ਹੈ। ਟਿਪਸਟਰ ਦੀ ਲੀਕ ਹੋਈ ਰਿਪੋਰਟ ਦੇ ਅਨੁਸਾਰ, ਇਹ ਫੋਨ ਅਪ੍ਰੈਲ ’ਚ ਚੀਨ ’ਚ ਲਾਂਚ ਕੀਤਾ ਜਾ ਸਕਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - AI ਫੀਚਰਜ਼ ਨਾਲ ਲੈਸ Infinix Note 50 ਦਾ ਇਹ ਫੋਨ ਹੋਇਆ ਲਾਂਚ! ਕੀਮਤ ਜਾਣ ਤੁਸੀਂ ਹੋ ਜਾਓਗੇ ਹੈਰਾਨ

120Hz ਰਿਫਰੈਸ਼ ਰੇਟ ਵਾਲਾ ਡਿਸਪਲੇਅ ਹੋ ਸਕਦੈ ਉਪਲਬਧ
ਰਿਪੋਰਟ ਅਨੁਸਾਰ ਕੰਪਨੀ ਇਸ ਫੋਨ ’ਚ ਪ੍ਰੋਸੈਸਰ ਦੇ ਤੌਰ 'ਤੇ ਸਨੈਪਡ੍ਰੈਗਨ 8 ਏਲੀਟ ਚਿਪਸੈੱਟ ਦੇਣ ਜਾ ਰਹੀ ਹੈ। ਫੋਨ ’ਚ ਦਿੱਤੀ ਗਈ 6.3-ਇੰਚ ਦੀ LTPO AMOLED ਡਿਸਪਲੇਅ 1.5K ਰੈਜ਼ੋਲਿਊਸ਼ਨ ਵਾਲੀ ਹੋ ਸਕਦੀ ਹੈ। ਲੀਕ ਦੇ ਅਨੁਸਾਰ, ਇਹ ਡਿਸਪਲੇਅ 120Hz ਦੇ ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰ ਸਕਦਾ ਹੈ। ਬਾਇਓਮੈਟ੍ਰਿਕ ਸੁਰੱਖਿਆ ਲਈ, ਤੁਸੀਂ ਇਸ ’ਚ ਆਪਟੀਕਲ ਇਨ-ਡਿਸਪਲੇ ਫਿੰਗਰਪ੍ਰਿੰਟ ਸੈਂਸਰ ਪ੍ਰਾਪਤ ਕਰ ਸਕਦੇ ਹੋ। ਫੋਨ ਦਾ ਡਿਜ਼ਾਈਨ ਕਾਫ਼ੀ ਪ੍ਰੀਮੀਅਮ ਹੋਣ ਦੀ ਉਮੀਦ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਫੋਨ ’ਚ ਗਲਾਸ ਬੈਕ ਅਤੇ ਮੈਟਲ ਮਿਡਲ ਫਰੇਮ ਹੋਵੇਗਾ।

ਪੜ੍ਹੋ ਇਹ ਅਹਿਮ ਖ਼ਬਰ - BSNL ਯੂਜਰਾਂ ਲਈ ਵੱਡੀ ਖ਼ਬਰ! ਸ਼ੁਰੂ ਹੋਣ ਜਾ ਰਹੀ 5ਜੀ ਸਰਵਿਸ

50 ਮੈਗਾਪਿਕਸਲ ਮੇਲ ਕੈਮਰਾ ਨਾਲ ਆ ਸਕਦੈ ਇਹ ਫੋਨ
ਫੋਟੋਗ੍ਰਾਫੀ ਲਈ, ਤੁਸੀਂ ਇਸ ਫੋਨ ’ਚ LED ਫਲੈਸ਼ ਦੇ ਨਾਲ 50-ਮੈਗਾਪਿਕਸਲ ਦਾ OIS ਮੁੱਖ ਕੈਮਰਾ ਅਤੇ 2x ਆਪਟੀਕਲ ਜ਼ੂਮ ਦੇ ਨਾਲ 50-ਮੈਗਾਪਿਕਸਲ ਦਾ ਟੈਲੀਫੋਟੋ ਲੈਂਸ ਪ੍ਰਾਪਤ ਕਰ ਸਕਦੇ ਹੋ। ਫੋਨ ’ਚ 8 ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਐਂਗਲ ਕੈਮਰਾ ਵੀ ਦਿੱਤਾ ਜਾ ਸਕਦਾ ਹੈ। ਧਿਆਨ ਰਹੇ ਕਿ ਕੰਪਨੀ ਨੇ OnePlus 13T ਬਾਰੇ ਕਿਸੇ ਵੀ ਵੇਰਵਿਆਂ ਦੀ ਅਧਿਕਾਰਤ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਹੈ। ਜੇਕਰ ਗੱਲ ਕੀਤੀ ਜਾਵੇ ਇਸ ਦੇ ਲਾਂਚ ਹੋਣ ਦੀ ਤਾਂ ਇਹ ਫੋਨ 10 ਅਪ੍ਰੈਲ ਨੂੰ Oppo Find X8 ਸੀਰੀਜ਼ ਦੇ ਲਾਂਚ ਤੋਂ ਬਾਅਦ ਬਾਜ਼ਾਰ ’ਚ ਆ ਸਕਦਾ ਹੈ। ਫੋਨ ਦੇ ਗਲੋਬਲ ਲਾਂਚ ਬਾਰੇ ਫਿਲਹਾਲ ਕੁਝ ਵੀ ਯਕੀਨ ਨਾਲ ਨਹੀਂ ਕਿਹਾ ਜਾ ਸਕਦਾ। ਇਸ ਦੇ ਚੀਨ ’ਚ ਸਭ ਤੋਂ ਸਸਤੇ ਸਨੈਪਡ੍ਰੈਗਨ 8 ਏਲੀਟ ਫੋਨ ਵਜੋਂ ਲਾਂਚ ਹੋਣ ਦੀ ਉਮੀਦ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - 3500 ਰੁਪਏ ਸਸਤਾ ਮਿਲ ਰਿਹਾ Samsung Galaxy ਦਾ ਇਹ 5G Smartphone

ਪੜ੍ਹੋ ਇਹ ਅਹਿਮ ਖ਼ਬਰ -  ਸਾਵਧਾਨ! 1 ਅਪ੍ਰੈਲ ਤੋਂ ਬੰਦ ਹੋ ਜਾਵੇਗੀ ਇਨ੍ਹਾਂ ਮੋਬਾਇਲ ਨੰਬਰਾਂ ’ਤੇ ਬੈਂਕਿੰਗ ਤੇ UPI ਸੇਵਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ