ਗੈਜੇਟ ਡੈਸਕ - ਜੇਕਰ ਤੁਸੀਂ ਆਈਫੋਨ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਕਿਸੇ ਖੁਸ਼ਖਬਰੀ ਤੋਂ ਘੱਟ ਨਹੀਂ ਹੋਵੇਗੀ। ਦੱਸਣਯੋਗ ਹੈ ਕਿ ਐਪਲ ਆਪਣੇ ਨਵੇਂ iOS 26.5 ਅਪਡੇਟ ਨੂੰ ਲਾਂਚ ਕਰਨ ਦੀ ਪੂਰੀ ਤਿਆਰੀ ਕਰ ਚੁੱਕਾ ਹੈ। ਇਹ ਅਪਡੇਟ 8 ਜੂਨ ਤੋਂ ਸ਼ੁਰੂ ਹੋਣ ਵਾਲੀ WWDC 2026 ਕਾਨਫਰੰਸ ਤੋਂ ਪਹਿਲਾਂ ਹੀ ਜਾਰੀ ਕੀਤਾ ਜਾ ਸਕਦਾ ਹੈ। ਇਸ ਨਵੇਂ ਸੌਫਟਵੇਅਰ ਅਪਡੇਟ 'ਚ ਮੈਸੇਜਿੰਗ, ਵਾਲਪੇਪਰ ਅਤੇ ਐਪਲ ਮੈਪਸ 'ਚ ਕਈ ਵੱਡੇ ਬਦਲਾਅ ਦੇਖਣ ਨੂੰ ਮਿਲਣਗੇ।

ਮੈਸੇਜਿੰਗ ਹੋਵੇਗੀ ਪਹਿਲਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ

ਇਸ ਅਪਡੇਟ ਦਾ ਸਭ ਤੋਂ ਵੱਡਾ ਫੀਚਰ RCS (Rich Communication Services) ਮੈਸੇਜਿੰਗ ਹੈ। ਐਪਲ ਹੁਣ RCS ਚੈਟਸ ਲਈ 'ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ' ਜੋੜਨ ਜਾ ਰਿਹਾ ਹੈ, ਜਿਸ ਨਾਲ ਯੂਜ਼ਰਸ ਦੀ ਨਿੱਜੀ ਗੱਲਬਾਤ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਸੁਰੱਖਿਅਤ ਹੋ ਜਾਵੇਗੀ। ਹਾਲਾਂਕਿ, ਇਹ ਸਹੂਲਤ ਸ਼ੁਰੂਆਤ 'ਚ ਬੀਟਾ ਵਰਜ਼ਨ 'ਚ ਆਵੇਗੀ ਅਤੇ ਹੌਲੀ-ਹੌਲੀ ਸਾਰੇ ਯੂਜ਼ਰਸ ਲਈ ਰੋਲ ਆਊਟ ਕੀਤੀ ਜਾਵੇਗੀ।

ਐਪਲ ਮੈਪਸ 'ਚ ਜੁੜੇਗਾ 'ਸਮਾਰਟ' ਫੀਚਰ

ਹੁਣ ਰਾਹ ਲੱਭਣਾ ਹੋਰ ਵੀ ਆਸਾਨ ਹੋ ਜਾਵੇਗਾ। ਨਵੇਂ ਅਪਡੇਟ ਨਾਲ ਮੈਪਸ ਐਪ 'ਚ 'Suggested Places' ਫੀਚਰ ਆ ਰਿਹਾ ਹੈ। ਇਹ ਫੀਚਰ ਤੁਹਾਡੀ ਸਰਚ ਹਿਸਟਰੀ ਅਤੇ ਰੋਜ਼ਾਨਾ ਦੀਆਂ ਆਦਤਾਂ ਨੂੰ ਸਮਝ ਕੇ ਤੁਹਾਨੂੰ ਨੇੜਲੀਆਂ ਮਸ਼ਹੂਰ ਥਾਵਾਂ ਅਤੇ ਬਿਹਤਰ ਰਸਤਿਆਂ ਬਾਰੇ ਸੁਝਾਅ ਦੇਵੇਗਾ।

ਹੋਰ ਕੀ ਹੋਵੇਗਾ ਖਾਸ?

ਨਵੇਂ ਵਾਲਪੇਪਰ
- ਯੂਜ਼ਰਸ ਨੂੰ ਫੋਨ ਦੀ ਦਿੱਖ ਬਦਲਣ ਲਈ ਨਵੇਂ 'Pride Luminance' ਵਾਲਪੇਪਰ ਮਿਲਣਗੇ।

ਡਿਸਕਵਰੀ 'ਤੇ ਫੋਕਸ
- ਜਿੱਥੇ ਪਹਿਲਾਂ iOS 26 'ਚ ਐਪਲ ਇੰਟੈਲੀਜੈਂਸ ਅਤੇ Genmoji ਵਰਗੇ ਫੀਚਰ ਆਏ ਸਨ, ਉੱਥੇ ਹੁਣ 26.5 ਅਪਡੇਟ ਦਾ ਮੁੱਖ ਫੋਕਸ ਮੈਸੇਜਿੰਗ ਅਤੇ ਚੀਜ਼ਾਂ ਨੂੰ ਲੱਭਣ (Discovery) 'ਤੇ ਹੋਵੇਗਾ।

ਕਦੋਂ ਤੱਕ ਮਿਲੇਗਾ ਅਪਡੇਟ?
ਰਿਪੋਰਟਾਂ ਮੁਤਾਬਕ, ਇਹ ਅਪਡੇਟ ਅਗਲੇ ਹਫਤੇ ਤੋਂ ਹੀ ਕੰਪੈਟੀਬਲ ਆਈਫੋਨ ਡਿਵਾਈਸਾਂ 'ਤੇ ਮਿਲਣਾ ਸ਼ੁਰੂ ਹੋ ਸਕਦਾ ਹੈ। ਸੋ, ਜੇਕਰ ਤੁਸੀਂ ਵੀ ਆਈਫੋਨ ਯੂਜ਼ਰ ਹੋ, ਤਾਂ ਆਪਣੇ ਫੋਨ ਦੀ ਸੈਟਿੰਗ 'ਤੇ ਨਜ਼ਰ ਬਣਾਈ ਰੱਖੋ!