6 ਏਅਰਬੈਗਸ ਤੇ 45 ਸੈਫਟੀ ਫੀਚਰਸ ਨਾਲ ਲਾਂਚ ਹੋਈ ਹੁੰਡਈ ਦੀ ਸਸਤੀ SUV, ਟਾਟਾ ਪੰਚ ਨੂੰ ਦੇਵੇਗੀ ਟੱਕਰ

ਨਵੀਂ ਦਿੱਲੀ : ਹੁੰਡਈ ਮੋਟਰ ਇੰਡੀਆ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਪ੍ਰਸਿੱਧ ਕੰਪੈਕਟ SUV ਐਕਸਟਰ (Exter) ਦਾ ਨਵਾਂ 2026 ਮਾਡਲ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਕਾਰ ਨੂੰ 25 ਨਵੇਂ ਬਦਲਾਅ ਦੇ ਨਾਲ ਪੇਸ਼ ਕੀਤਾ ਹੈ, ਜਿਸ ਦਾ ਸਿੱਧਾ ਮੁਕਾਬਲਾ ਟਾਟਾ ਪੰਚ (Tata Punch) ਨਾਲ ਮੰਨਿਆ ਜਾ ਰਿਹਾ ਹੈ। ਇਹ ਕੰਪਨੀ ਦੀ ਸਭ ਤੋਂ ਸਸਤੀ SUV ਹੈ, ਜੋ ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਪ੍ਰੀਮੀਅਮ ਅਤੇ ਸੁਰੱਖਿਅਤ ਹੋ ਗਈ ਹੈ।

ਬੋਲਡ ਡਿਜ਼ਾਈਨ ਅਤੇ ਆਧੁਨਿਕ ਇੰਟੀਰੀਅਰ 
ਨਵੀਂ ਐਕਸਟਰ ਦੇ ਡਿਜ਼ਾਈਨ ਵਿੱਚ ਕਈ ਅਹਿਮ ਬਦਲਾਅ ਕੀਤੇ ਗਏ ਹਨ ਤਾਂ ਜੋ ਇਸ ਨੂੰ ਇੱਕ ਬੋਲਡ SUV ਲੁੱਕ ਦਿੱਤੀ ਜਾ ਸਕੇ। ਇਸ ਵਿੱਚ ਰਿਡੀਜ਼ਾਈਨ ਕੀਤਾ ਹੋਇਆ ਫਰੰਟ ਫੇਸ, ਅੱਪਡੇਟਡ ਗਰਿੱਲ, ਨਵਾਂ ਬੰਪਰ ਅਤੇ ਡਾਇਮੰਡ ਕੱਟ ਅਲੌਏ ਵ੍ਹੀਲ ਦਿੱਤੇ ਗਏ ਹਨ। ਕਾਰ ਦੇ ਅੰਦਰਲੇ ਪਾਸੇ ਡਿਊਲ ਟੋਨ ਨੇਵੀ ਅਤੇ ਗ੍ਰੇ ਇੰਟੀਰੀਅਰ ਦੇ ਨਾਲ D-ਕੱਟ ਸਟੀਅਰਿੰਗ ਵ੍ਹੀਲ ਅਤੇ ਸਪੋਰਟੀ ਮੈਟਲ ਪੈਡਲ ਮਿਲਣਗੇ, ਜੋ ਇਸ ਸੈਗਮੈਂਟ ਵਿੱਚ ਪਹਿਲੀ ਵਾਰ ਦਿੱਤੇ ਗਏ ਹਨ।

ਸੁਰੱਖਿਆ ਵਿੱਚ ਵੀ ਨੰਬਰ 1 
ਹੁੰਡਈ ਨੇ ਇਸ ਕਾਰ ਵਿੱਚ ਸੁਰੱਖਿਆ ਦਾ ਖਾਸ ਖਿਆਲ ਰੱਖਿਆ ਹੈ। ਨਵੀਂ ਐਕਸਟਰ 45 ਸੇਫਟੀ ਫੀਚਰਸ ਨਾਲ ਲੈਸ ਹੈ, ਜਿਨ੍ਹਾਂ ਵਿੱਚੋਂ 30 ਫੀਚਰਸ ਬੇਸ ਵੇਰੀਐਂਟ ਵਿੱਚ ਹੀ ਮਿਲਣਗੇ। ਇਸ ਵਿੱਚ 6 ਏਅਰਬੈਗ ਸਟੈਂਡਰਡ ਵਜੋਂ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਇਲੈਕਟ੍ਰਾਨਿਕ ਸਟੇਬਿਲਟੀ ਕੰਟਰੋਲ ਅਤੇ ਹਿੱਲ ਸਟਾਰਟ ਅਸਿਸਟ ਵਰਗੇ ਆਧੁਨਿਕ ਫੀਚਰਸ ਵੀ ਸ਼ਾਮਲ ਹਨ।

ਇੰਜਣ ਅਤੇ ਵੇਰੀਐਂਟਸ 
ਕਾਰ ਵਿੱਚ 1.2 ਲੀਟਰ ਦਾ ਕਾਪਾ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ। ਇਹ ਕਾਰ ਤਿੰਨ ਵਿਕਲਪਾਂ ਵਿੱਚ ਉਪਲਬਧ ਹੈ:
ਮੈਨੂਅਲ ਪੈਟਰੋਲ
ਆਟੋਮੈਟਿਕ (AMT)
CNG (ਡਿਊਲ ਸਿਲੰਡਰ ਸੈੱਟਅੱਪ)

ਕੀਮਤਾਂ 'ਤੇ ਇੱਕ ਨਜ਼ਰ (ਐਕਸ-ਸ਼ੋਅਰੂਮ)
ਬੇਸ ਵੇਰੀਐਂਟ (HX2): 5,79,900 ਰੁਪਏ
ਪੈਟਰੋਲ ਟਾਪ ਵੇਰੀਐਂਟ: 8,35,900 ਰੁਪਏ
AMT ਵੇਰੀਐਂਟ: 6,90,900 ਰੁਪਏ ਤੋਂ ਸ਼ੁਰੂ
CNG ਵੇਰੀਐਂਟ: 6,99,900 ਰੁਪਏ ਤੋਂ ਸ਼ੁਰੂ

ਜ਼ਿਕਰਯੋਗ ਹੈ ਕਿ 2023 ਵਿੱਚ ਲਾਂਚ ਹੋਣ ਤੋਂ ਬਾਅਦ ਹੁਣ ਤੱਕ ਐਕਸਟਰ ਦੀਆਂ 2 ਲੱਖ ਯੂਨਿਟਾਂ ਵਿਕ ਚੁੱਕੀਆਂ ਹਨ। ਨਵੇਂ ਬਦਲਾਅ ਦੇ ਨਾਲ ਕੰਪਨੀ ਉਨ੍ਹਾਂ ਗਾਹਕਾਂ ਨੂੰ ਖਿੱਚਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਜੋ ਘੱਟ ਬਜਟ ਵਿੱਚ ਸ਼ਾਨਦਾਰ ਗਰਾਊਂਡ ਕਲੀਅਰੈਂਸ ਅਤੇ ਹਾਈ-ਟੈਕ ਫੀਚਰਸ ਵਾਲੀ ਕਾਰ ਲੱਭ ਰਹੇ ਹਨ।