Mercedes Benz ਨੇ ਗਾਹਕਾਂ ਨਾਲ ਕੀਤਾ ਵੱਡਾ ਧੋਖਾ! FTC ਨੇ ਕੰਪਨੀ ਨੂੰ ਠੋਕ''ਤਾ ਕਰੋੜਾਂ ਦਾ ਜੁਰਮਾਨਾ

ਗੈਜੇਟ ਡੈਸਕ : ਦੁਨੀਆ ਦੀ ਦਿੱਗਜ ਕਾਰ ਨਿਰਮਾਤਾ ਕੰਪਨੀ ਮਰਸਡੀਜ਼-ਬੈਂਜ਼ (Mercedes Benz) ਦੱਖਣੀ ਕੋਰੀਆ ਵਿੱਚ ਵੱਡੀ ਮੁਸੀਬਤ ਵਿੱਚ ਫਸ ਗਈ ਹੈ। ਕੰਪਨੀ 'ਤੇ ਆਪਣੀਆਂ ਇਲੈਕਟ੍ਰਿਕ ਕਾਰਾਂ (EVs) ਵਿੱਚ ਲੱਗੀ ਬੈਟਰੀ ਬਾਰੇ ਗਾਹਕਾਂ ਨੂੰ ਗੁਮਰਾਹ ਕਰਨ ਅਤੇ ਗਲਤ ਜਾਣਕਾਰੀ ਦੇਣ ਦੇ ਦੋਸ਼ ਹੇਠ ਕਰੋੜਾਂ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਦੱਖਣੀ ਕੋਰੀਆ ਦੇ ਐਂਟੀ-ਟਰੱਸਟ ਰੈਗੂਲੇਟਰ 'ਫੇਅਰ ਟ੍ਰੇਡ ਕਮਿਸ਼ਨ' (FTC) ਨੇ ਮਰਸਡੀਜ਼-ਬੈਂਜ਼ ਕੋਰੀਆ 'ਤੇ 12.23 ਅਰਬ ਵਾਨ (ਲਗਭਗ 63 ਕਰੋੜ ਭਾਰਤੀ ਰੁਪਏ) ਦਾ ਜੁਰਮਾਨਾ ਲਗਾਇਆ ਹੈ। ਇਹ ਕਾਰਵਾਈ ਕੰਪਨੀ ਦੁਆਰਾ ਬੈਟਰੀ ਸਪਲਾਇਰ ਬਾਰੇ ਦਿੱਤੀ ਗਈ ਗਲਤ ਜਾਣਕਾਰੀ ਕਾਰਨ ਕੀਤੀ ਗਈ ਹੈ।

ਕੀ ਹੈ ਪੂਰਾ ਮਾਮਲਾ?
 ਜਾਂਚ ਮੁਤਾਬਕ, ਮਰਸਡੀਜ਼-ਬੈਂਜ਼ ਕੋਰੀਆ ਨੇ ਦਾਅਵਾ ਕੀਤਾ ਸੀ ਕਿ ਉਸਦੇ ਕੁਝ ਮਾਡਲਾਂ ਵਿੱਚ ਦੁਨੀਆ ਦੀ ਸਭ ਤੋਂ ਵੱਡੀ EV ਬੈਟਰੀ ਨਿਰਮਾਤਾ ਕੰਪਨੀ CATL ਦੀਆਂ ਬੈਟਰੀਆਂ ਲੱਗੀਆਂ ਹਨ। ਹਾਲਾਂਕਿ, ਜਾਂਚ ਵਿੱਚ ਪਾਇਆ ਗਿਆ ਕਿ ਕੰਪਨੀ ਦੀਆਂ ਕਈ ਪ੍ਰੀਮੀਅਮ ਗੱਡੀਆਂ, ਜਿਵੇਂ ਕਿ Mercedes Benz EQE ਅਤੇ EQS ਵਿੱਚ 'Farasis Energy' ਦੇ ਬੈਟਰੀ ਸੈੱਲ ਲੱਗੇ ਹੋਏ ਸਨ, ਜੋ ਕਿ CATL ਜਿੰਨੀ ਪ੍ਰਸਿੱਧ ਕੰਪਨੀ ਨਹੀਂ ਹੈ। ਕੰਪਨੀ ਨੇ ਆਪਣੇ ਡੀਲਰਾਂ ਨੂੰ ਦਿੱਤੇ ਇੰਟਰਨਲ ਸੇਲਜ਼ ਮੈਨੂਅਲ ਵਿੱਚ ਵੀ ਸਿਰਫ CATL ਬੈਟਰੀਆਂ ਦੇ ਫਾਇਦੇ ਦੱਸੇ ਸਨ ਅਤੇ ਫੈਰਾਸਿਸ (Farasis) ਬੈਟਰੀਆਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।
 ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ 2024 ਵਿੱਚ ਦੱਖਣੀ ਕੋਰੀਆ ਦੇ ਇੰਚਾਨ (Incheon) ਵਿੱਚ ਇੱਕ ਅੰਡਰਗਰਾਊਂਡ ਪਾਰਕਿੰਗ ਵਿੱਚ ਖੜ੍ਹੀ Mercedes Benz EQE ਇਲੈਕਟ੍ਰਿਕ ਸੇਡਾਨ ਨੂੰ ਅਚਾਨਕ ਅੱਗ ਲੱਗ ਗਈ। ਇਸ ਅੱਗ ਕਾਰਨ ਨੇੜੇ ਖੜ੍ਹੀਆਂ ਲਗਭਗ 100 ਹੋਰ ਗੱਡੀਆਂ ਵੀ ਸੜ ਗਈਆਂ ਸਨ। ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਉਸ ਕਾਰ ਵਿੱਚ ਫੈਰਾਸਿਸ ਐਨਰਜੀ ਦੀ ਬੈਟਰੀ ਵਰਤੀ ਗਈ ਸੀ, ਜਿਸ ਤੋਂ ਬਾਅਦ ਰੈਗੂਲੇਟਰੀ ਏਜੰਸੀਆਂ ਨੇ ਕੰਪਨੀ ਦੇ ਦਾਅਵਿਆਂ ਦੀ ਪੜਤਾਲ ਸ਼ੁਰੂ ਕੀਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e