ਭਾਰਤ ''ਚ ਲਾਂਚ ਹੋਈ Audi ਦੀ ਧਾਕੜ ਕਾਰ ! ਸਿਰਫ 4 ਸਕਿੰਟਾਂ ''ਚ ਫੜੇਗੀ 100 ਦੀ ਸਪੀਡ, ਕੀਮਤ...

ਗੈਜੇਟ ਡੈਸਕ : ਜਰਮਨ ਦੀ ਲਗਜ਼ਰੀ ਕਾਰ ਨਿਰਮਾਤਾ ਕੰਪਨੀ ਆਡੀ (Audi) ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ ਪਾਵਰਫੁੱਲ SUV Audi SQ8 ਨੂੰ ਲਾਂਚ ਕਰ ਦਿੱਤਾ ਹੈ। ਇਹ ਕਾਰ ਕੰਪਨੀ ਦੇ ਪੋਰਟਫੋਲੀਓ ਵਿੱਚ ਸਟੈਂਡਰਡ Q8 ਅਤੇ ਟਾਪ ਮਾਡਲ RS Q8 ਦੇ ਵਿਚਕਾਰਲੇ ਫਰਕ ਨੂੰ ਦੂਰ ਕਰਨ ਲਈ ਉਤਾਰੀ ਗਈ ਹੈ।

ਬਿਜਲੀ ਵਰਗੀ ਰਫ਼ਤਾਰ ਤੇ ਦਮਦਾਰ ਇੰਜਣ 
ਆਡੀ SQ8 ਵਿੱਚ 4.0 ਲੀਟਰ ਦਾ ਟਵਿਨ-ਟਰਬੋ V8 ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 507 bhp ਦੀ ਪਾਵਰ ਅਤੇ 770 Nm ਦਾ ਟਾਰਕ ਪੈਦਾ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ SUV ਮਹਿਜ਼ 4.1 ਸੈਕਿੰਡ 'ਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਫੜ ਲੈਂਦੀ ਹੈ ਅਤੇ ਇਸ ਦੀ ਟਾਪ ਸਪੀਡ 250 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਇਸ 'ਚ 8-ਸਪੀਡ ਆਟੋਮੈਟਿਕ ਗੇਅਰਬਾਕਸ ਅਤੇ ਆਡੀ ਦਾ ਮਸ਼ਹੂਰ 'ਕਵਾਟਰੋ' (quattro) ਆਲ-ਵ੍ਹੀਲ ਡਰਾਈਵ ਸਿਸਟਮ ਮਿਲਦਾ ਹੈ।

ਇਹ ਹੋਵੇਗੀ ਕਾਰ ਦੀ ਕੀਮਤ 
ਕੰਪਨੀ ਨੇ ਇਸ ਕਾਰ ਨੂੰ 1.78 ਕਰੋੜ ਰੁਪਏ (ਐਕਸ-ਸ਼ੋਰੂਮ) ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਹੈ। ਜੇਕਰ ਤੁਲਨਾ ਕੀਤੀ ਜਾਵੇ ਤਾਂ ਇਹ ਸਟੈਂਡਰਡ Q8 (1.13 ਕਰੋੜ) ਨਾਲੋਂ ਲਗਭਗ 65 ਲੱਖ ਰੁਪਏ ਮਹਿੰਗੀ ਹੈ, ਪਰ RS Q8 (2.34 ਕਰੋੜ) ਨਾਲੋਂ 56 ਲੱਖ ਰੁਪਏ ਸਸਤੀ ਹੈ।

ਲਗਜ਼ਰੀ ਇੰਟੀਰੀਅਰ ਅਤੇ ਆਧੁਨਿਕ ਫੀਚਰਸ 
ਕਾਰ ਦਾ ਇੰਟੀਰੀਅਰ ਸਪੋਰਟੀ ਅਤੇ ਲਗਜ਼ਰੀ ਦਾ ਸੁਮੇਲ ਹੈ, ਜਿਸ ਵਿੱਚ ਪ੍ਰੀਮੀਅਮ ਲੈਦਰ ਅਤੇ ਅਲਕੈਂਟਰਾ (Alcantara) ਦੀ ਵਰਤੋਂ ਕੀਤੀ ਗਈ ਹੈ। ਇਸ ਵਿੱਚ 10.1-ਇੰਚ ਦਾ ਟਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, 12.3-ਇੰਚ ਦਾ ਡਿਜੀਟਲ ਡਰਾਈਵਰ ਡਿਸਪਲੇਅ ਅਤੇ 8.6-ਇੰਚ ਦੀ ਇੱਕ ਹੋਰ ਟਚਸਕ੍ਰੀਨ ਮਿਲਦੀ ਹੈ ਜੋ ਕਲਾਈਮੇਟ ਕੰਟਰੋਲ ਲਈ ਵਰਤੀ ਜਾਂਦੀ ਹੈ। ਹੋਰ ਖਾਸ ਫੀਚਰਸ ਵਿੱਚ:
•17-ਸਪੀਕਰ ਵਾਲਾ ਆਡੀਓ ਸਿਸਟਮ।
•ਪੈਨੋਰਾਮਿਕ ਸਨਰੂਫ ਅਤੇ ਵਾਇਰਲੈੱਸ ਫੋਨ ਚਾਰਜਿੰਗ।
•ਮੈਟ੍ਰਿਕਸ LED ਹੈੱਡਲਾਈਟਸ ਅਤੇ OLED ਟੇਲ-ਲਾਈਟਸ।
•ਵੈਂਟੀਲੇਟਿਡ ਅਤੇ ਮਸਾਜ ਫੀਚਰ ਵਾਲੀਆਂ ਪਾਵਰਡ ਸੀਟਾਂ।
ਸੁਰੱਖਿਆ ਦੇ ਪੁਖ਼ਤਾ ਇੰਤਜ਼ਾਮ ਸੁਰੱਖਿਆ ਦੇ ਪੱਖੋਂ ਇਸ SUV ਨੂੰ 8 ਏਅਰਬੈਗਸ, 360 ਡਿਗਰੀ ਕੈਮਰਾ ਅਤੇ ਲੈਵਲ-2 ADAS (ਐਡਵਾਂਸਡ ਡਰਾਈਵਰ ਅਸਿਸਟੈਂਸ ਸਿਸਟਮ) ਵਰਗੇ ਆਧੁਨਿਕ ਫੀਚਰਸ ਨਾਲ ਲੈਸ ਕੀਤਾ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e