ਹੌਂਡਾ ਨੇ ਸ਼ੁਰੂ ਕੀਤੀ ਇਸ ਕਾਰ ਦੀ ਬੁਕਿੰਗ, 25 ਅਕਤੂਬਰ ਨੂੰ ਭਾਰਤ ''ਚ ਹੋਵੇਗੀ ਲਾਂਚ
Wednesday, Oct 19, 2016 - 04:45 PM (IST)
ਜਲੰਧਰ- ਜਪਾਨ ਦੀ ਵਾਹਨ ਨਿਰਮਾਤਾ ਕੰਪਨੀ ਹੌਂਡਾ ਆਪਣੀ ਨਵੀਂ ਹਾਈਬ੍ਰਿਡ ਕਾਰ ਨੂੰ 25 ਅਕਤੂਬਰ ਨੂੰ ਲਾਂਚ ਕਰਨ ਵਾਲੀ ਹੈ। ਕੰਪਨੀ ਨੇ ਅਕਾਰਡ ਦੀ ਬੁਕਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਭਾਰਤ ''ਚ ਪਹਿਲੀ ਵਾਰ ਹੌਂਡਾ ਅਕਾਰਡ ਨੂੰ ਸਾਲ 2008 ''ਚ ਲਾਂਚ ਕੀਤਾ ਗਿਆ ਸੀ ਪਰ ਕੀਮਤ ਜ਼ਿਆਦਾ ਹੋਣ ਕਾਰਨ ਇਹ ਕਾਰ ਉਸ ਸਮੇਂ ਵਧੀਆ ਕਾਰੋਬਾਰ ਨਹੀਂ ਕਰ ਸਕੀ ਸੀ ਅਤੇ ਇਸ਼ ਦੀ ਵਿਕਰੀ 5 ਸਾਲ ਬਾਅਦ ਬੰਦ ਕਰ ਦਿੱਤੀ ਗਈ ਸੀ।
ਇੰਜਣ
ਇਸ ਨਵੀਂ ਅਕਾਰਡ ਹਾਈਬ੍ਰਿਡ ਕਾਰ ''ਚ 2.0-ਲੀਟਰ iVTEC ਪੈਟਰੋਲ ਇੰਜਣ ਦੇ ਨਾਲ ਟਵਿਨ ਇਲੈਕਟ੍ਰੋਨਿਕ ਮੋਟਰ ਲਗਾਈ ਗਈ ਹੈ ਜੋ ਇਕ ਈ-ਸੀ.ਵੀ.ਟੀ. ਯੂਨਿਟ ਅਤੇ ਇਕ 1.3 kw ਲਿਥੀਅਮ ਬੈਟਰੀ ਨਾਲ ਲੈਸ ਹੈ। ਕਾਰ ''ਚ ਲੱਗਾ ਪੈਟਰੋਲ ਇੰਜਣ 145 ਬੀ.ਐੱਚ.ਪੀ. ਦੀ ਪਾਵਰ ਅਤੇ 175 ਐੱਨ.ਐੱਮ. ਦਾ ਟਾਰਕ ਪੈਦਾ ਕਰਦਾ ਹੈ ਉਥੇ ਹੀ ਇਸ ਵਿਚ ਲੱਗੀ ਇਲੈਕਟ੍ਰੋਨਿਕ ਮੋਟਰ 184 ਬੀ.ਐੱਚ.ਪੀ. ਦੀ ਪਾਵਰ ਅਤੇ 315 ਐੱਨ.ਐੱਮ. ਦਾ ਟਾਰਕ ਪੈਦਾ ਕਰਦੀ ਹੈ। ਪੈਟਰੋਲ ਅਤੇ ਇਲੈਕਟ੍ਰੋਨਿਕ ਮੋਟਰ ਨੂੰ ਮਿਲਾ ਕੇ ਕੁਲ 215 ਬੀ.ਐੱਚ.ਪੀ. ਦੀ ਪਾਵਰ ਪੈਦਾ ਹੁੰਦੀ ਹੈ।
ਕਾਰ ਫੀਚਰਸ
ਹੌਂਡਾ ਦੀ ਇਸ ਨੌਂਵੀ ਜਨਰੇਸ਼ਨ ਦੀ ਅਕਾਰਟ ''ਚ ਕਈ ਨਵੇਂ ਬਦਲਾਅ ਕੀਤੇ ਗਏ ਹਨ ਜੋ ਗਾਹਕਾਂ ਨੂੰ ਕਾਫੀ ਪਸੰਦ ਆਉਣਗੇ। ਨਵੀਂ ਹੌਂਡਾ ਅਕਾਰਡ ''ਚ ਕ੍ਰੋਮ ਨਾਲ ਬਣੀ ਫਰੰਟ ਗ੍ਰਿੱਲ, ਨਵਾਂ ਬੰਪਰ, ਸ਼ਾਰਪ ਹੈੱਡਲੈਂਪ, ਐੱਲ.ਈ.ਡੀ. ਸਟ੍ਰਿਪ ਤੋਂ ਇਲਾਵਾ ਕਾਰ ਦੇ ਅੰਦਰ 7-ਇੰਚ ਟਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਰਿਵਰਸ ਪਾਰਕਿੰਗ ਕੈਮਰਾ, ਐਪਲ ਕਾਰਪਲੇਅ ਸਪੋਰਟ ਅਤੇ 6 ਏਅਰਬੈਕ ਵਰਗੇ ਫੀਚਰਸ ਦਿੱਤੇ ਗਏ ਹਨ।
