ਗੂਗਲ ਦੀ ਤਿਆਰੀ, ਅਗਲੇ ਸਾਲ ਤੋਂ ਲੈਪਟਾਪ ਤੇ PC ’ਤੇ ਖੇਡ ਸਕੋਗੇ ਸਾਰੀਆਂ ਐਂਡਰਾਇਡ ਮੋਬਾਇਲ ਗੇਮਾਂ

ਗੈਜੇਟ ਡੈਸਕ– ਗੇਮਿੰਗ ਦੇ ਸ਼ੌਕੀਆਂ ਲਈ ਇਕ ਚੰਗੀ ਖਬਰ ਹੈ। ਲੈਪਟਾਪ ਅਤੇ ਪੀ.ਸੀ. ਯੂਜ਼ਰਸ ਜਲਦ ਹੀ ਐਂਡਰਾਇਡ ਗੇਮਾਂ ਦਾ ਮਜ਼ਾ ਆਪਣੇ ਵਿੰਡੋਜ਼ ਪੀ.ਸੀ. ’ਤੇ ਲੈ ਸਕਣਗੇ। ਇਸ ਲਈ ਗੂਗਲ ਨੇ ਪੂਰੀ ਤਿਆਰੀ ਕਰ ਲਈ ਹੈ। ਇਕ ਰਿਪੋਰਟ ਦੀ ਮੰਨੀਏ ਤਾਂ ਗੂਗਲ ਅਗਲੇ ਸਾਲ ਵਿੰਡੋਜ਼ ਪੀ.ਸੀ. ’ਤੇ ਐਂਡਰਾਇਡ ਗੇਮਾਂ ਲਿਆਉਣ ਦੀ ਯੋਜਨਾ ਬਣਾ ਰਿਹਾ ਹੈ। ‘ਦਿ ਵਰਜ’ ਦੀ ਰਿਪੋਰਟ ਮੁਤਾਬਕ, ਗੂਗਲ ਪਲੇਅ ਗੇਮਜ਼ ਐਪ 2022 ’ਚ ਉਪਲੱਬਧ ਹੋ ਜਾਵੇਗਾ, ਜਿਸ ਨੂੰ ਵਿੰਡੋਜ਼ ਲੈਪਟਪ, ਡੈਸਕਟਾਪ ਅਤੇ ਟੈਬਲੇਟ ’ਤੇ ਚਲਾਉਣ ਲਈ ਬਣਾਇਆ ਗਿਆ ਹੈ। ਗੇਮ ਪਲੇਅਰ 2022 ਤੋਂ ਕਈ ਡਿਵਾਈਸਾਂ ’ਚ ਆਪਣੀਆਂ ਪਸੰਦੀਦਾ ਐਂਡਰਾਇਡ ਮੋਬਾਇਲ ਗੇਮਾਂ ਖੇਡ ਸਕਣਗੇ। ਹੁਣ ਐਂਡਰਾਇਡ ਗੇਮਾਂ ਦਾ ਮਜ਼ਾ ਫੋਨ ਤੋਂ ਇਲਾਵਾ ਟੈਬਲੇਟ, ਕ੍ਰੋਮਬੁੱਕ ਅਤੇ ਵਿੰਡੋਜ਼ ਪੀ.ਸੀ. ’ਚ ਮਿਲੇਗਾ। 

Get ready to play your favorite @android games on your PC. Pick up where you left off anytime.

Google Play Games on PC, coming soon in 2022. Follow @GooglePlay to stay in the loop. pic.twitter.com/BfovbNSi5C

— The Game Awards (@thegameawards) December 10, 2021

ਐਂਡਰਾਇਡ ਅਤੇ ਗੂਗਲ ਗੇਮ ਦੇ ਗੂਗਲ ਪ੍ਰੋਡਕਟ ਡਾਇਰੈਕਟਰ ਗ੍ਰੇਗ ਹਾਰਟਰੇਲ ਨੇ ਇਕ ਵੈੱਬਸਾਈਟ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਇਸ ਨੂੰ ਗੂਗਲ ਵਲੋਂ ਤਿਆਰ ਕੀਤਾ ਗਿਆ ਹੈ। ਹਾਰਟਰੇਲ ਨੇ ਕਿਹਾ ਕਿ ਅਸੀਂ ਪਲੇਅਰਾਂ ਤਕ ਉਨ੍ਹਾਂ ਦੀਆਂ ਪਸੰਦੀਦਾ ਗੇਮਾਂ ਨੂੰ ਪਹੁੰਚਾਉਣ ਲਈ ਲਗਾਤਾਰ ਕੋਸ਼ਿਸ਼ ਕਰ ਰਹੇ ਹਾਂ। ਅਸੀਂ ਇਸ ਨੂੰ ਕਈ ਹੋਰ ਪਲੇਟਫਾਰਮਾਂ ’ਤੇ ਲਿਆਉਣ ਦੀ ਯੋਜਨਾ ਬਣਾ ਰਹੇ ਹਾਂ। ਗੂਗਲ ਦੇ ਬੁਲਾਰੇ ਐਲੇਕ ਗਾਰਸੀਆ-ਕੁਮਰਟ ਨੇ ‘ਦਿ ਵਰਜ’ ਨੂੰ ਕਿਹਾ ਕਿ ਗੂਗਲ ਨੇ ਇਸ ਨੂੰ ਪੂਰੀ ਤਰ੍ਹਾਂ ਖੁਦ ਤਿਆਰ ਕੀਤਾ ਹੈ। ਇਸ ਵਿਚ ਮਾਈਕ੍ਰੋਸਾਫਟ, ਬਲੂਸਟੇਕ ਜਾਂ ਕੋਈ ਹੋਰ ਸਾਂਝੇਦਾਰ ਨਹੀਂ ਹੈ। ਆਉਣ ਵਾਲਾ ਐਪ ਪਲੇਅਰਾਂ ਨੂੰ ਫੋਨ, ਟੈਬਲੇਟ ਅਤੇ ਕ੍ਰੋਮਬੁੱਕ ਤੋਂਇਲਾਵਾ ਡੈਸਕਟਾਪ ਪੀ.ਸੀ. ’ਤੇ ਵੀ ਗੇਮ ਖੇਡਣ ’ਚ ਮਦਦ ਕਰੇਗਾ।