ਬੱਚਿਆਂ ਦੀ ਨਿੱਜਤਾ ਨੂੰ ਲੈ ਕੇ YouTube ’ਤੇ ਸ਼ੁਰੂ ਹੋਈ ਜਾਂਚ
06/21/2019 11:44:30 AM
ਬੱਚਿਆਂ ਨੂੰ ਸੁਰੱਖਿਆ ਦੇਣ ’ਚ ਅਸਫਲ ਕੰਪਨੀ
ਗੈਜੇਟ ਡੈਸਕ– ਬੱਚਿਆਂ ਦੀ ਨਿੱਜਤਾ ਨੂੰ ਲੈ ਕੇ ਯੂਟਿਊਬ ਦੀ ਸਮੱਸਿਆ ਸਮੇਂ ਦੇ ਨਾਲ-ਨਾਲ ਘਟਣ ਦੀ ਬਜਾਏ ਵਧਦੀ ਜਾ ਰਹੀ ਹੈ। 13 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਨਿੱਜਤਾ ਦੀ ਚਿੰਤਾ ਕਰਦਿਆਂ ਅਮਰਕੀ ਫੈਡਰਲ ਸਰਕਾਰ ਨੇ ਯੂਟਿਊਬ ਦੀ ਜਾਂ ਸ਼ੁਰੂ ਕੀਤੀ ਹੈ। ਇਸ ਦੌਰਾਨ ਅਮਰੀਕੀ ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਯੂਟਿਊਬ ਆਪਣੀਆਂ ਡਾਟਾ ਕੁਲੈਕਸ਼ਨ ਪ੍ਰੈਕਟਿਸਿਜ਼ ਰਾਹੀਂ ਬੱਚਿਆਂ ਨੂੰ ਸੁਰੱਖਿਆ ਦੇਣ ’ਚ ਅਸਫਲ ਰਹੀ ਹੈ, ਜਿਸ ਕਾਰਨ ਹੁਣ ਯੂਟਿਊਬ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਜਾਂਚ ਸ਼ੁਰੂ ਕਰਨ ਦਾ ਸਭ ਤੋਂ ਵੱਡਾ ਕਾਰਨ
ਬੱਚਿਆਂ ਦੀ ਨਿੱਜਤਾ ਨੂੰ ਲੈ ਕੇ ਕੰਜ਼ਿਊਮਰ ਗਰੁੱਪਸ ਤੇ ਪ੍ਰਾਈਵੇਸੀ ਐਡਵੋਕੇਟਸ ਨੇ ਸ਼ਿਕਾਇਤਾਂ ਕੀਤੀਆਂ ਹਨ, ਜਿਸ ਤੋਂ ਬਾਅਦ ਹੁਣ ਇਹ ਜਾਂਚ ਸ਼ੁਰੂ ਕੀਤੀ ਗਈ ਹੈ। ਇਸ ਪਿੱਛੇ ਇਕ ਹੋਰ ਗੱਲ ਹੈ ਕਿ ਪਿਛਲੇ ਕੁਝ ਮਹੀਨਿਆਂ ਤੋਂ ਅਜਿਹੀਆਂ ਰਿਪੋਰਟਾਂ ਮਿਲ ਰਹੀਆਂ ਹਨ, ਜਿਨ੍ਹਾਂ ’ਚ ਕਿਹਾ ਗਿਆ ਹੈ ਕਿ ਯੂਟਿਊਬ ਦਾ ਆਟੋ-ਪਲੇਅ ਅਤੇ ਰਿਕਮੈਂਡੇਸ਼ਨ ਫੀਚਰ ਬੱਚਿਆਂ ਦੀਆਂ ਵੀਡੀਓਜ਼ ਦਿਖਾ ਰਿਹਾ ਹੈ।
ਸਾਹਮਣੇ ਆਈ ਜ਼ਰੂਰੀ ਜਾਣਕਾਰੀ
ਨੀਤੀ ਨਿਰਮਾਤਾਵਾਂ ’ਚੋਂ ਇਕ ਸੇਨ ਐਡਵਰਡ ਮਾਰਕੇ ਨੇ ਪ੍ਰੈੱਸ ਰਿਲੀਜ਼ ’ਚ ਦੱਸਿਆ ਕਿ ਯੂਟਿਊਬ ਬੱਚਿਆਂ ਨੂੰ ਲੈ ਕੇ ਦਿਖਾਈਆਂ ਜਾਣ ਵਾਲੀਆਂ ਵੀਡੀਓਜ਼ ਦਾ ਇਲਾਜ ਕਰ ਰਹੀ ਹੈ। ਕੰਪਨੀ ਨੇ ਅਜੇ ਤਕ ਆਪਣੇ ਸਭ ਤੋਂ ਘੱਟ ਉਮਰ ਦੇ ਯੂਜ਼ਰਜ਼ ਦੀ ਸੁਰੱਖਿਆ ਲਈ ਜ਼ਰੂਰੀ ਕਦਮ ਨਹੀਂ ਚੁੱਕੇ।
ਸਮੱਸਿਆ ਦਾ ਹੱਲ ਲੱਭ ਰਹੀਆਂ ਹਨ ਯੂਟਿਊਬ ਤੇ ਗੂਗਲ
ਯੂਟਿਊਬ ਤੇ ਗੂਗਲ ਐਗਜ਼ੀਕਿਊਟਿਵਸ ਜਿਨ੍ਹਾਂ ’ਚ ਦੋਵਾਂ ਕੰਪਨੀਆਂ ਦੇ ਸੀ.ਈ.ਓਜ਼. ਵੀ ਸ਼ਾਮਲ ਹਨ, ਨੇ ਤੇਜ਼ੀ ਨਾਲ ਵਧ ਰਹੀ ਸਮੱਸਿਆ ਦਾ ਹੱਲ ਲੱਭਣ ਦੀ ਕੋਸ਼ਿਸ਼ ਕੀਤੀ ਹੈ। ਯੂਟਿਊਬ ਅਤੇ ਗੂਗਲ ਦੇ ਸੀ.ਈ.ਓ. ਨੇ ਕਿਹਾ ਕਿ ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਦੋਵੇਂ ਕੰਪਨੀਆਂ ਜੀਅ-ਜਾਨ ਨਾਲ ਲੱਗੀਆਂ ਹੋਈਆਂ ਹਨ।
