ਭਿਆਨਕ ਗਰਮੀ ''ਚ ਕੀ ਤੁਹਾਡਾ AC ਵੀ ਹੋ ਰਿਹਾ ਹੈ ਵਾਰ-ਵਾਰ ਬੰਦ? ਜਾਣੋ ਇਹ 5 ਵੱਡੇ ਕਾਰਨ

ਗੈਜੇਟ ਡੈਸਕ - ਅੱਜ-ਕੱਲ੍ਹ ਪੈ ਰਹੀ ਭਿਆਨਕ ਗਰਮੀ ਦੇ ਸੀਜ਼ਨ 'ਚ ਜੇਕਰ ਏਅਰ ਕੰਡੀਸ਼ਨਰ ਚੱਲਦੇ-ਚੱਲਦੇ ਅਚਾਨਕ ਆਪਣੇ ਆਪ ਬੰਦ ਹੋ ਜਾਵੇ, ਤਾਂ ਇਸ ਤੋਂ ਜ਼ਿਆਦਾ ਪਰੇਸ਼ਾਨ ਕਰਨ ਵਾਲੀ ਕੋਈ ਹੋਰ ਗੱਲ ਨਹੀਂ ਹੋ ਸਕਦੀ। ਅਕਸਰ ਲੋਕਾਂ ਦੇ ਮਨ 'ਚ ਇਹ ਸਵਾਲ ਉੱਠਦੇ ਹਨ ਕਿ ਸਮੱਸਿਆ AC ਯੂਨਿਟ 'ਚ ਹੈ, ਪਾਵਰ ਸਪਲਾਈ 'ਚ ਹੈ ਜਾਂ ਕੋਈ ਹੋਰ ਗੰਭੀਰ ਦਿੱਕਤ ਹੈ। ਮਾਹਿਰਾਂ ਅਨੁਸਾਰ, AC ਦਾ ਅਚਾਨਕ ਬੰਦ ਹੋਣਾ ਆਮ ਗੱਲ ਨਹੀਂ ਹੈ ਅਤੇ ਇਸ ਦੇ ਪਿੱਛੇ ਕਈ ਕਾਰਨ ਹੋ ਸਕਦੇ ਹਨ।

ਆਓ ਜਾਣਦੇ ਹਾਂ ਉਹ 5 ਮੁੱਖ ਕਾਰਨ ਜਿਨ੍ਹਾਂ ਕਰਕੇ ਤੁਹਾਡਾ AC ਆਟੋਮੈਟਿਕਲੀ ਬੰਦ ਹੋ ਸਕਦਾ ਹੈ:

ਗੰਦੇ ਫਿਲਟਰ
- ਜੇਕਰ AC ਦੇ ਫਿਲਟਰ ਗੰਦੇ ਹਨ, ਤਾਂ ਇਹ ਹਵਾ ਦੇ ਪ੍ਰਵਾਹ (airflow) ਨੂੰ ਰੋਕ ਦਿੰਦੇ ਹਨ। ਇਸ ਨਾਲ AC ਓਵਰਹੀਟ ਹੋ ਸਕਦਾ ਹੈ ਅਤੇ ਸੁਰੱਖਿਆ ਦੇ ਲਿਹਾਜ਼ ਨਾਲ ਸਿਸਟਮ ਆਪਣੇ ਆਪ ਬੰਦ ਹੋ ਜਾਂਦਾ ਹੈ।

ਥਰਮੋਸਟੈਟ 'ਚ ਖਰਾਬੀ
-ਥਰਮੋਸਟੈਟ ਨੂੰ AC ਦਾ ਦਿਮਾਗ ਮੰਨਿਆ ਜਾਂਦਾ ਹੈ, ਜੋ ਤਾਪਮਾਨ ਅਨੁਸਾਰ ਕੂਲਿੰਗ ਨੂੰ ਕੰਟਰੋਲ ਕਰਦਾ ਹੈ। ਜੇਕਰ ਇਹ ਖਰਾਬ ਹੋ ਜਾਵੇ ਜਾਂ ਗਲਤ ਰੀਡਿੰਗ ਦੇਵੇ, ਤਾਂ ਇਹ ਸਿਸਟਮ ਨੂੰ ਸਮੇਂ ਤੋਂ ਪਹਿਲਾਂ ਹੀ ਬੰਦ ਕਰਨ ਦਾ ਸਿਗਨਲ ਭੇਜ ਸਕਦਾ ਹੈ।

ਇਲੈਕਟ੍ਰੀਕਲ ਸਮੱਸਿਆਵਾਂ
- ਖਰਾਬ ਵਾਇਰਿੰਗ ਜਾਂ ਵੋਲਟੇਜ 'ਚ ਉਤਾਰ-ਚੜ੍ਹਾਅ ਹੋਣ 'ਤੇ AC ਦਾ ਅੰਦਰੂਨੀ ਸੇਫਟੀ ਸਿਸਟਮ ਉਸ ਨੂੰ ਬੰਦ ਕਰ ਦਿੰਦਾ ਹੈ ਤਾਂ ਜੋ ਕਿਸੇ ਵੱਡੇ ਨੁਕਸਾਨ ਤੋਂ ਬਚਿਆ ਜਾ ਸਕੇ। ਕਈ ਵਾਰ ਕੈਪੇਸੀਟਰ ਜਾਂ ਕੰਟੈਕਟਰ 'ਚ ਦਿੱਕਤ ਵੀ ਇਸ ਦਾ ਕਾਰਨ ਬਣਦੀ ਹੈ।

ਓਵਰਹੀਟਿੰਗ 
- ਬਹੁਤ ਜ਼ਿਆਦਾ ਗਰਮੀ ਜਾਂ ਕਿਸੇ ਤਕਨੀਕੀ ਨੁਕਸ ਕਾਰਨ ਜੇਕਰ AC ਜ਼ਿਆਦਾ ਗਰਮ ਹੋ ਜਾਂਦਾ ਹੈ, ਤਾਂ ਇਹ ਖੁਦ ਨੂੰ ਸੁਰੱਖਿਅਤ ਰੱਖਣ ਲਈ ਆਪਣੇ ਆਪ ਬੰਦ ਹੋ ਜਾਂਦਾ ਹੈ।

ਵਾਇਰਿੰਗ 'ਚ ਨੁਕਸ
- ਢਿੱਲੀ ਜਾਂ ਜੰਗਾਲ ਲੱਗੀ ਹੋਈ ਤਾਰ ਥਰਮੋਸਟੈਟ ਅਤੇ AC ਯੂਨਿਟ ਵਿਚਕਾਰ ਸੰਪਰਕ 'ਚ ਰੁਕਾਵਟ ਪੈਦਾ ਕਰ ਸਕਦੀ ਹੈ, ਜਿਸ ਕਾਰਨ AC ਵਾਰ-ਵਾਰ ਬੰਦ ਹੋ ਸਕਦਾ ਹੈ।

ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਈ ਵਾਰ ਇਹ ਛੋਟੀਆਂ ਦਿੱਕਤਾਂ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਆਸਾਨੀ ਨਾਲ ਠੀਕ ਕੀਤਾ ਜਾ ਸਕਦਾ ਹੈ, ਪਰ ਕਈ ਵਾਰ ਮਾਹਿਰ ਮਕੈਨਿਕ ਦੀ ਮਦਦ ਲੈਣੀ ਵੀ ਜ਼ਰੂਰੀ ਹੋ ਜਾਂਦੀ ਹੈ।