ਗੈਜੇਟ ਡੈਸਕ - ਰੀਅਲਮੀ ਨੇ ਭਾਰਤੀ ਬਾਜ਼ਾਰ 'ਚ ਆਪਣੀ 16 ਸੀਰੀਜ਼ ਦਾ ਨਵਾਂ ਸਮਾਰਟਫੋਨ Realme 16T ਪੇਸ਼ ਕਰ ਦਿੱਤਾ ਹੈ, ਜਿਸ ਦੀ ਪਹਿਲੀ ਸੇਲ ਅੱਜ ਯਾਨੀ 27 ਮਈ ਤੋਂ ਸ਼ੁਰੂ ਹੋ ਰਹੀ ਹੈ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 8000mAh ਦੀ ਵਿਸ਼ਾਲ ਬੈਟਰੀ ਅਤੇ ਪਾਣੀ ਤੋਂ ਬਚਾਅ ਲਈ IP69 ਰੇਟਿੰਗ ਹੈ।

ਕੀਮਤ ਅਤੇ ਮਿਲਣ ਵਾਲੇ ਸ਼ਾਨਦਾਰ ਆਫਰਜ਼
ਇਹ ਸਮਾਰਟਫੋਨ ਤਿੰਨ ਸਟੋਰੇਜ ਵੇਰੀਐਂਟਸ 'ਚ ਉਪਲਬਧ ਕਰਵਾਇਆ ਗਿਆ ਹੈ :-

6GB RAM + 128GB - 29,999 ਰੁਪਏ
8GB RAM + 128GB - 31,999 ਰੁਪਏ
8GB RAM + 256GB - 34,999 ਰੁਪਏ

ਕੰਪਨੀ ਪਹਿਲੀ ਸੇਲ 'ਚ ਫੋਨ ਦੀ ਖਰੀਦ 'ਤੇ 3,000 ਰੁਪਏ ਤੱਕ ਦੀ ਤੁਰੰਤ ਛੋਟ ਦੇ ਰਹੀ ਹੈ। ਇਸ 'ਚ 2,000 ਰੁਪਏ ਦਾ UPI ਬੈਨੀਫਿਟ ਅਤੇ ਪੁਰਾਣੇ ਰੀਅਲਮੀ ਯੂਜ਼ਰਸ ਲਈ 1,000 ਰੁਪਏ ਦਾ ਵਾਧੂ ਫਾਇਦਾ ਸ਼ਾਮਲ ਹੈ। ਗਾਹਕ ਇਸ ਨੂੰ ਫਲਿੱਪਕਾਰਟ ਅਤੇ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਖਰੀਦ ਸਕਦੇ ਹਨ।

Realme 16T ਦੇ ਖਾਸ ਫੀਚਰਜ਼

ਡਿਸਪਲੇਅ
- ਇਸ ਫੋਨ 'ਚ 6.8 ਇੰਚ ਦੀ LCD ਡਿਸਪਲੇਅ ਦਿੱਤੀ ਗਈ ਹੈ, ਜੋ 144Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ।

ਪ੍ਰੋਸੈਸਰ
- ਇਹ ਫੋਨ MediaTek Dimensity 6300 ਚਿਪਸੈੱਟ 'ਤੇ ਕੰਮ ਕਰਦਾ ਹੈ।

ਕੈਮਰਾ
- ਫੋਨ ਦੇ ਪਿਛਲੇ ਹਿੱਸੇ 'ਚ ਡੁਅਲ ਕੈਮਰਾ ਸੈੱਟਅੱਪ ਹੈ, ਜਿਸ 'ਚ 50MP ਦਾ ਮੁੱਖ OIS ਕੈਮਰਾ ਅਤੇ 2MP ਦਾ ਮੋਨੋਕ੍ਰੋਮ ਕੈਮਰਾ ਸ਼ਾਮਲ ਹੈ। ਸੈਲਫੀ ਲਈ 16MP ਦਾ ਕੈਮਰਾ ਦਿੱਤਾ ਗਿਆ ਹੈ।

ਬੈਟਰੀ ਅਤੇ ਚਾਰਜਿੰਗ
- 8000mAh ਦੀ ਦਮਦਾਰ ਬੈਟਰੀ ਦੇ ਨਾਲ 45W ਫਾਸਟ ਚਾਰਜਿੰਗ ਦੀ ਸਹੂਲਤ ਹੈ। ਇਸ 'ਚ ਰਿਵਰਸ ਚਾਰਜਿੰਗ ਅਤੇ ਬਾਈਪਾਸ ਚਾਰਜਿੰਗ ਵਰਗੇ ਫੀਚਰਜ਼ ਵੀ ਮਿਲਦੇ ਹਨ।

ਡਿਜ਼ਾਈਨ
- ਇਹ ਫੋਨ ਸਟਾਰਲਾਈਟ ਬਲੈਕ, ਸਟਾਰਲਾਈਟ ਬਲੂ ਅਤੇ ਸਟਾਰਲਾਈਟ ਰੈੱਡ ਰੰਗਾਂ 'ਚ ਉਪਲਬਧ ਹੈ।

ਇਹ ਸਮਾਰਟਫੋਨ Android 16 'ਤੇ ਅਧਾਰਤ Realme UI 'ਤੇ ਚੱਲਦਾ ਹੈ ਅਤੇ ਕਈ ਆਧੁਨਿਕ AI ਫੀਚਰਜ਼ ਨਾਲ ਲੈਸ ਹੈ।