ਪੁਰਾਣੀ ਕਾਰ ਖਰੀਦਣ ਤੋਂ ਪਹਿਲਾਂ ਸਾਵਧਾਨ ! ਇਹ ਚੀਜ਼ਾਂ ਜ਼ਰੂਰ ਕਰੋ ਚੈੱਕ, ਨਹੀਂ ਤਾਂ ਪੈ ਜਾਵੇਗਾ ਘਾਟਾ

ਗੈਜਟ ਡੈਸਕ : ਸਾਲ 2026 'ਚ ਪੁਰਾਣੀ ਕਾਰ ਖਰੀਦਣਾ ਇੱਕ ਫਾਇਦੇਮੰਦ ਸੌਦਾ ਹੋ ਸਕਦਾ ਹੈ, ਪਰ ਜੇਕਰ ਸਹੀ ਤਰੀਕੇ ਨਾਲ ਜਾਂਚ ਨਾ ਕੀਤੀ ਜਾਵੇ ਤਾਂ ਇਹ ਵੱਡੇ ਨੁਕਸਾਨ ਦਾ ਕਾਰਨ ਵੀ ਬਣ ਸਕਦਾ ਹੈ। ਸੈਕੰਡ ਹੈਂਡ ਕਾਰ ਲੈਣ ਤੋਂ ਪਹਿਲਾਂ ਕੁਝ ਅਹਿਮ ਪਹਿਲੂਆਂ 'ਤੇ ਗੌਰ ਕਰਨਾ ਬਹੁਤ ਜ਼ਰੂਰੀ ਹੈ ਤਾਂ ਜੋ ਤੁਸੀਂ ਕਿਸੇ ਵੀ ਧੋਖਾਧੜੀ ਜਾਂ ਖਰਾਬ ਗੱਡੀ ਦੇ ਝਾਂਸੇ ਵਿੱਚ ਨਾ ਆਓ।

ਸਭ ਤੋਂ ਪਹਿਲਾਂ ਬਜਟ ਕਰੋ ਤੈਅ 
ਕਾਰ ਖਰੀਦਣ ਦੀ ਯੋਜਨਾ ਬਣਾਉਂਦੇ ਸਮੇਂ ਸਿਰਫ ਉਸਦੀ ਕੀਮਤ ਹੀ ਨਹੀਂ, ਸਗੋਂ ਰੀ-ਰਜਿਸਟ੍ਰੇਸ਼ਨ, ਬੀਮਾ ਅਤੇ ਸਰਵਿਸਿੰਗ ਵਰਗੇ ਵਾਧੂ ਖਰਚਿਆਂ ਨੂੰ ਵੀ ਬਜਟ ਵਿੱਚ ਸ਼ਾਮਲ ਕਰੋ। ਲੋਕ ਅਕਸਰ ਸੀਟ ਕਵਰ ਜਾਂ ਅਲੌਏ ਵ੍ਹੀਲਜ਼ ਵਰਗੀਆਂ ਸਹਾਇਕ ਚੀਜ਼ਾਂ ਦੇ ਖਰਚੇ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ, ਜੋ ਬਾਅਦ ਵਿੱਚ ਜੇਬ 'ਤੇ ਭਾਰੀ ਪੈਂਦੇ ਹਨ।

ਆਪਣੀਆਂ ਲੋੜਾਂ ਦੀ ਪਛਾਣ ਕਰੋ 
ਗੱਡੀ ਲੈਣ ਤੋਂ ਪਹਿਲਾਂ ਇਹ ਤੈਅ ਕਰੋ ਕਿ ਤੁਸੀਂ ਇਸ ਦੀ ਵਰਤੋਂ ਸ਼ਹਿਰ ਦੇ ਅੰਦਰ ਕਰਨੀ ਹੈ ਜਾਂ ਲੰਬੇ ਸਫ਼ਰ ਲਈ। ਭਾਰਤ ਵਿੱਚ ਵਧਦੀਆਂ ਤੇਲ ਦੀਆਂ ਕੀਮਤਾਂ ਅਤੇ ਇਲੈਕਟ੍ਰਿਕ ਵਾਹਨਾਂ ਦੇ ਵਧਦੇ ਰੁਝਾਨ ਨੂੰ ਦੇਖਦੇ ਹੋਏ ਪੈਟਰੋਲ, ਡੀਜ਼ਲ, ਸੀਐਨਜੀ ਜਾਂ ਇਲੈਕਟ੍ਰਿਕ ਇੰਜਣ ਵਿੱਚੋਂ ਸਹੀ ਚੋਣ ਕਰਨਾ ਮਹੱਤਵਪੂਰਨ ਹੈ। ਇਸ ਤੋਂ ਇਲਾਵਾ ਮੈਨੂਅਲ ਜਾਂ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦਾ ਫੈਸਲਾ ਵੀ ਆਪਣੀ ਸਹੂਲਤ ਅਨੁਸਾਰ ਕਰੋ।

ਮਕੈਨਿਕ ਤੋਂ ਜਾਂਚ ਅਤੇ ਟੈਸਟ ਡਰਾਈਵ 
ਆਨਲਾਈਨ ਤਸਵੀਰਾਂ ਦੇਖ ਕੇ ਹੀ ਫੈਸਲਾ ਨਾ ਲਓ। ਗੱਡੀ ਨੂੰ ਖੁਦ ਜਾ ਕੇ ਚੈੱਕ ਕਰੋ ਅਤੇ ਜੰਗ (Rust), ਡੈਂਟ ਅਤੇ ਟਾਇਰਾਂ ਦੀ ਘਿਸਾਵਟ ਦੀ ਜਾਂਚ ਕਰੋ। ਕਿਸੇ ਭਰੋਸੇਮੰਦ ਮਕੈਨਿਕ ਤੋਂ ਇੰਜਣ, ਬ੍ਰੇਕ ਅਤੇ ਸਸਪੈਂਸ਼ਨ ਦੀ ਜਾਂਚ ਕਰਵਾਉਣਾ ਬਿਹਤਰ ਹੈ। ਸਭ ਕੁਝ ਠੀਕ ਹੋਣ 'ਤੇ ਘੱਟੋ-ਘੱਟ 5-10 ਕਿਲੋਮੀਟਰ ਦੀ ਟੈਸਟ ਡਰਾਈਵ ਜ਼ਰੂਰ ਲਓ ਤਾਂ ਜੋ ਗੇਅਰ ਅਤੇ ਸਟੀਅਰਿੰਗ ਦੀ ਸਹੀ ਸਥਿਤੀ ਦਾ ਪਤਾ ਲੱਗ ਸਕੇ।

ਵਾਹਨ ਦਾ ਇਤਿਹਾਸ ਅਤੇ ਕੀਮਤ ਦੀ ਤੁਲਨਾ
 ਕਾਰ ਖਰੀਦਣ ਤੋਂ ਪਹਿਲਾਂ ਉਸਦੇ ਐਕਸੀਡੈਂਟ ਰਿਕਾਰਡ ਅਤੇ ਬੀਮਾ ਕਲੇਮ ਦੀ ਜਾਣਕਾਰੀ ਹਾਸਲ ਕਰੋ। ਮੌਜੂਦਾ ਬਾਜ਼ਾਰ ਕੀਮਤ ਜਾਣਨ ਲਈ ਆਨਲਾਈਨ ਟੂਲਸ ਦੀ ਵਰਤੋਂ ਕਰੋ ਅਤੇ ਸਥਾਨਕ ਡੀਲਰਾਂ ਨਾਲ ਤੁਲਨਾ ਕਰੋ। ਅਜਿਹੇ ਸੌਦਿਆਂ ਤੋਂ ਸਾਵਧਾਨ ਰਹੋ ਜੋ ਦੇਖਣ ਵਿੱਚ ਬਹੁਤ ਜ਼ਿਆਦਾ ਆਕਰਸ਼ਕ ਜਾਂ ਸਸਤੇ ਲੱਗਦੇ ਹਨ, ਕਿਉਂਕਿ ਉਨ੍ਹਾਂ ਵਿੱਚ ਕੁਝ ਕਮੀਆਂ ਲੁਕੀਆਂ ਹੋ ਸਕਦੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e