25 ਹਜ਼ਾਰ ਰੁਪਏ ਤੋਂ ਸਸਤਾ ਹੋਵੇਗਾ Oneplus Z, ਆਈਫੋਨ SE ਨੂੰ ਮਿਲੇਗੀ ਟੱਕਰ

06/22/2020 11:54:27 AM

ਗੈਜੇਟ ਡੈਸਕ– ਵਨਪਲੱਸ ਘੱਟ ਕੀਮਤ ਵਾਲਾ ਸਮਾਰਟਫੋਨ ਲਿਆਉਣ ਜਾ ਰਹੀ ਹੈ। ਇਸ ਦਾ ਨਾਂ Oneplus Z ਹੋ ਸਕਦਾ ਹੈ। ਕੰਪਨੀ ਨੇ ਇਸ ਫੋਨ ਦੀ ਅਧਿਕਾਰਤ ਪੁਸ਼ਟੀ ਤਾਂ ਨਹੀਂ ਕੀਤੀ, ਹਾਲਾਂਕਿ ਵਨਪਲੱਸ ਦੇ ਕੋ-ਫਾਊਂਡਰ ਕਾਰਲ ਪੇ ਦੇ ਟਵੀਟ ਤੋਂ ਇਸ ਡਿਵਾਈਸ ਦੀ ਕੀਮਤ ਦਾ ਅੰਦਾਜ਼ਾ ਜ਼ਰੂਰ ਹੋ ਜਾਂਦਾ ਹੈ। ਟਵੀਟ ਮੁਤਾਬਕ, ਫੋਨ ਦੀ ਸ਼ੁਰੂਆਤੀ ਕੀਮਤ 299 ਡਾਲਰ (ਕਰੀਬ 22,799 ਰੁਪਏ) ਹੋ ਸਕਦੀ ਹੈ। ਫੋਨ ਨੂੰ ਜੁਲਾਈ ’ਚ ਲਾਂਚ ਕੀਤਾ ਜਾ ਸਕਦਾ ਹੈ। 

ਕੀ ਹੈ ਟਵੀਟ ’ਚ
ਕਾਰਲ ਪੇ ਦੇ ਇਸ ਟਵੀਟ ’ਚ 2014 ’ਚ ਕੀਤਾ ਗਿਆ ਕੰਪਨੀ ਦਾ ਇਕ ਪੁਰਾਣਾ ਟਵੀਟ ਲਿੰਕ ਹੈ। ਇਹ ਟਵੀਟ ਉਦੋਂ ਦਾ ਹੈ ਜਦੋਂ ਵਨਪਲੱਸ ਨੇ ਆਪਣਾ ਪਹਿਲਾ ਸਮਾਰਟਫੋਨ ‘ਵਨਪਲੱਸ ਵਨ’ ਪੇਸ਼ ਕੀਤਾ ਸੀ। ਇਸ ਟਵੀਟ ’ਚ ਨਵੇਂ ਫੋਨ ਦਾ ਨਾਂ ਤਾਂ ਨਹੀਂ ਲਿਆ ਗਿਆ, ਹਾਲਾਂਕਿ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਨਵੇਂ ਫੋਨ ਦੀ ਕੀਮਤ ਵਨਪਲੱਸ ਵਨ ਜਿੰਨੀ ਹੋ ਸਕਦੀ ਹੈ। ਦੱਸ ਦੇਈਏ ਕਿ ਵਨਪਲੱਸ ਵਨ ਫੋਨ ਨੂੰ ਕੰਪਨੀ ਨੇ 299 ਡਾਲਰ ਦੀ ਸ਼ੁਰੂਆਤੀ ਕੀਮਤ ’ਚ ਲਾਂਚ ਕੀਤਾ ਸੀ। ਇਹ ਕੀਮਤ ਫੋਨ ਦੇ 16 ਜੀ.ਬੀ. ਮਾਡਲ ਦੀ ਸੀ। 

PunjabKesari

ਆਈਫੋਨ SE ਨੂੰ ਮਿਲੇਗੀ ਟੱਕਰ
ਅਫਵਾਹਾਂ ਦੀ ਮੰਨੀਏ ਤਾਂ ਐਪਲ ਆਈਫੋਨ SE ਅਤੇ ਗੂਗਲ ਪਿਕਸਲ 4A ਨੂੰ ਟੱਕਰ ਦੇਣ ਲਈ ਵਨਪਲੱਸ ਇਹ ਸਸਤਾ ਐਂਡਰਾਇਡ ਫੋਨ ਲਿਆ ਰਹੀ ਹੈ। ਜੇਕਰ ਫੋਨ ਦੀ ਕੀਮਤ 299 ਡਾਲਰ ਤਕ ਰਹਿੰਦੀ ਹੈ ਤਾਂ ਇਹ ਆਈਫੋਨ ਐੱਸ.ਈ. ਤੋਂ 100 ਡਾਲਰ ਅਤੇ ਪਿਕਸਲ 4ਏ ਤੋਂ 50 ਡਾਲਰ ਸਸਤਾ ਹੋਵੇਗਾ। ਅਜੇ ਵਨਪਲੱਸ ਦਾ ਕੋਈ ਵੀ ਫੋਨ ਕੀਮਤ ਦੇ ਮਾਮਲੇ ’ਚ ਆਈਫੋਨ ਐੱਸ.ਈ. ਨੂੰ ਟੱਕਰ ਨਹੀਂ ਦਿੰਦਾ। ਵਨਪਲੱਸ ਨੇ ਹਾਲ ਹੀ ’ਚ ਵਨਪਲੱਸ 8 ਅਤੇ ਵਨਪਲੱਸ 8 ਪ੍ਰੋ ਫੋਨ ਲਾਂਚ ਕੀਤੇ ਸਨ, ਉਹ ਆਈਫੋਨ 11 ਅਤੇ ਗਲੈਕਸੀ ਐੱਸ20 ਦੇ ਵਿਰੋਧੀ ਹਨ। 


Rakesh

Content Editor

Related News