ਯਸ਼ ਦਾਸਗੁਪਤਾ ਹੈ ਨੁਸਰਤ ਜਹਾਂ ਦੇ ਬੱਚੇ ਦਾ ਪਿਤਾ, ਬਰਥ ਰਜਿਸਟ੍ਰੇਸ਼ਨ ਡੀਟੇਲ ’ਚ ਹੋਇਆ ਖ਼ੁਲਾਸਾ

ਮੁੰਬਈ- ਬੰਗਾਲੀ ਅਦਾਕਾਰਾ ਅਤੇ ਟੀਐੱਮਸੀ ਸਾਂਸਦ ਨੁਸਰਤ ਜਹਾਂ ਹਮੇਸ਼ਾ ਹੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ। ਨੁਸਰਤ ਜਹਾਂ 26 ਅਗਸਤ 2021 ਨੂੰ ਪੁੱਤਰ ਦੀ ਮਾਂ ਬਣੀ ਹੈ। ਪੁੱਤਰ ਦੇ ਜਨਮ ਤੋਂ ਬਾਅਦ ਹੀ ਨੁਸਰਤ ਖਬਰਾਂ 'ਚ ਹੈ। ਦਰਅਸਲ ਜਦੋਂ ਨੁਸਰਤ ਦੀ ਪ੍ਰੈਗਨੈਂਸੀ ਦੀ ਖਬਰ ਸਾਹਮਣੇ ਆਈ ਸੀ ਤਾਂ ਉਹ ਪਤੀ ਨਿਖਿਲ ਜੈਨ ਤੋਂ ਵੱਖ ਰਹਿ ਰਹੀ ਸੀ। ਇੰਨਾ ਹੀ ਨਹੀਂ ਨੁਸਰਤ ਦੀ ਪ੍ਰੈਗਨੈਂਸੀ ਦੀ ਖਬਰ ਆਉਣ ਤੋਂ ਬਾਅਦ ਪਤੀ ਨਿਖਿਲ ਨੇ ਕਿਹਾ ਸੀ ਕਿ ਉਹ ਬੱਚੇ ਦੇ ਪਿਤਾ ਨਹੀਂ ਹਨ।

ਤਮਾਮ ਵਿਵਾਦਾਂ ਦੇ ਵਿਚਾਲੇ ਨੁਸਰਤ ਜਹਾਂ ਨੇ 26 ਅਗਸਤ 2021 ਨੂੰ ਪੁੱਤਰ ਨੂੰ ਜਨਮ ਦਿੱਤਾ। ਇਸ ਤੋਂ ਬਾਅਦ ਇਹ ਸਵਾਲ ਉਠ ਰਿਹਾ ਹੈ ਕਿ ਆਖਿਰ ਬੱਚੇ ਦੇ ਪਿਤਾ ਕੌਣ ਹਨ। ਇਸ ਦੌਰਾਨ ਇਹ ਵੀ ਕਿਹਾ ਗਿਆ ਹੈ ਕਿ ਨੁਸਰਤ ਦੇ ਬੱਚੇ ਦੇ ਪਿਤਾ ਅਦਾਕਾਰ ਯਸ਼ ਦਾਸਗੁਪਤਾ ਹਨ। ਉਧਰ ਹੁਣ ਇਹ ਕੰਫਰਮ ਹੋ ਗਿਆ ਹੈ ਕਿ ਨੁਸਰਤ ਜਹਾਂ ਦੇ ਬੱਚੇ ਦੇ ਪਿਤਾ ਅਦਾਕਾਰ ਯਸ਼ ਦਾਸਗੁਪਤਾ ਹਨ। ਨੁਸਰਤ ਦੇ ਬੱਚੇ ਦੇ ਬਰਥ ਰਜਿਸਟ੍ਰੇਸ਼ਨ ਦੀ ਡਿਟੇਲ ਪਬਲਿਕ ਡੋਮੇਨ 'ਤੇ ਸਾਹਮਣੇ ਆ ਗਈ ਹੈ। 

ਇਸ 'ਚ ਬੱਚੇ ਦਾ ਪੂਰਾ ਨਾਂ ਈਸ਼ਾਨ ਜੇ ਦਾਸਗੁਪਤਾ ਲਿਖਿਆ ਗਿਆ ਹੈ। ਕੋਲਕਾਤਾ ਨਗਰ ਨਿਗਮ 'ਚ ਦਰਜ ਡਾਕੂਮੈਂਟਸ ਮੁਤਾਬਕ ਪਿਤਾ ਦਾ ਨਾਂ ਦੇਬਾਸ਼ੀਸ਼ ਦਾਸਗੁਪਤਾ ਲਿਖਿਆ ਗਿਆ ਹੈ ਜੋ ਅਦਾਕਾਰ ਯਸ਼ ਦਾਸਗੁਪਤਾ ਦਾ ਆਫੀਸ਼ੀਅਲ ਨਾਂ ਹੈ। ਇਸ ਤੋਂ ਇਹ ਸਾਫ ਹੋ ਗਿਆ ਹੈ ਕਿ ਨੁਸਰਤ ਜਹਾਂ ਦੇ ਪੁੱਤਰ ਦੇ ਪਿਤਾ ਦਾ ਨਾਂ ਯਸ਼ ਦਾਸਗੁਪਤਾ ਹੈ।

ਨੁਸਰਤ ਨੂੰ ਡਿਲਿਵਰੀ ਲਈ ਹਸਪਤਾਲ ਵੀ ਯਸ਼ ਦਾਸਗੁਪਤਾ ਹੀ ਲੈ ਕੇ ਗਏ ਸਨ। ਪੁੱਤਰ ਦੇ ਜਨਮ ਤੋਂ ਬਾਅਦ ਯਸ਼ ਨੇ ਹੀ ਪਬਲਿਕ ਨੂੰ ਖੁਸ਼ਖਬਰੀ ਦਿੱਤੀ ਸੀ। ਇੰਨਾ ਹੀ ਨਹੀਂ ਜਦੋਂ ਨੁਸਰਤ ਡਿਸਚਾਰਜ ਹੋਈ ਸੀ ਤਾਂ ਵੀ ਯਸ਼ ਉਸ ਦੇ ਨਾਲ ਸਨ। ਇਸ ਦੌਰਾਨ ਯਸ਼ ਨੇ ਵੀ ਨਵਜੰਮੇ ਬੱਚੇ ਨੂੰ ਬਾਹਾਂ 'ਚ ਚੁੱਕਿਆ ਹੋਇਆ ਸੀ।

ਨੁਸਰਤ ਨੇ ਜੂਨ 2019 'ਚ ਨਿਖਿਲ ਜੈਨ ਨਾਲ ਨੁਸਰਤ ਜਹਾਂ ਦਾ ਵਿਆਹ ਹੋਇਆ ਸੀ। ਨੁਸਰਤ ਨੇ ਹਾਲ ਹੀ 'ਚ ਇਕ ਬਿਆਨ ਜਾਰੀ ਕਰਕੇ ਕਿਹਾ ਸੀ ਕਿ ਦੋਵੇਂ ਕਾਫੀ ਪਹਿਲੇ ਇਕ ਦੂਜੇ ਤੋਂ ਵੱਖ ਹੋ ਗਏ ਸਨ। ਨੁਸਰਤ ਨੇ ਬਿਆਨ 'ਚ ਕਿਹਾ ਭਾਰਤੀ ਕਾਨੂੰਨ ਦੇ ਹਿਸਾਬ ਨਾਲ ਉਨ੍ਹਾਂ ਦਾ ਵਿਆਹ ਨਹੀਂ ਹੋਇਆ ਇਸ ਲਈ ਇਹ ਇਕ ਲਿਵ-ਇਨ ਰਿਲੇਸ਼ਨਸ਼ਿਪ ਸੀ।

ਉਧਰ ਨੁਸਰਤ ਜਹਾਂ ਅਤੇ ਯਸ਼ ਦੇ ਅਫੇਅਰ ਦੀਆਂ ਅਟਕਲਾਂ ਉਦੋਂ ਤੋਂ ਚੱਲ ਰਹੀਆਂ ਸਨ ਜਦੋਂ ਅਦਾਕਾਰਾ ਨਿਖਿਲ ਜੈਨ ਨਾਲ ਵਿਅਹ ਦੇ ਰਿਸ਼ਤੇ 'ਚ ਸੀ। ਨਿਖਿਲ ਨੇ ਆਪਣੇ ਬਿਆਨ 'ਚ ਨੁਸਰਤ ਅਤੇ ਯਸ਼ ਦੇ ਅਫੇਅਰ ਦਾ ਹਿੰਟ ਦਿੱਤਾ ਸੀ। ਉਨ੍ਹਾਂ ਮੁਤਾਬਕ ਨੁਸਰਤ ਅਤੇ ਉਨ੍ਹਾਂ ਦਾ ਵਿਆਹ ਟੁੱਟਣ ਦੀ ਵਜ੍ਹਾ ਯਸ਼ ਦਾਸਗੁਪਤਾ ਸਨ।