ਜਦੋਂ ਫ਼ਿਲਮ ਦੇ ਸੈੱਟ 'ਤੇ ਹੋਇਆ ਆਮਿਰ ਖ਼ਾਨ ਅਤੇ ਪੂਜਾ ਭੱਟ ਨੂੰ ਪਿਆਰ, ਜਾਣੋ ਪੂਰਾ ਕਿੱਸਾ
Tuesday, Jun 01, 2021 - 10:21 AM (IST)
ਮੁੰਬਈ- ਫ਼ਿਲਮ ਇੰਡਸਟਰੀ 'ਚ ਕਈ ਸਿਤਾਰਿਆਂ ਦੇ ਵਿਚ ਲਵ ਅਫੇਅਰ ਬਣਦੇ ਰਹਿੰਦੇ ਹਨ। ਕੁਝ ਅਜਿਹਾ ਹੀ ਆਮਿਰ ਖ਼ਾਨ ਅਤੇ ਪੂਜਾ ਭੱਟ ਦੇ ਵਿਚ ਦੇਖਣ ਨੂੰ ਮਿਲਿਆ। ਇਨ੍ਹਾਂ ਦੋਵਾਂ ਦੇ ਵਿਚ ਪਿਆਰ ਵੀ ਹੋਇਆ ਅਤੇ ਉਹ ਲੁਕਾ ਵੀ ਨਾ ਸਕੇ। ਜਦੋਂ ਦੋਵੇਂ ਲਵ ਰਿਲੇਸ਼ਨਸ਼ਿਪ 'ਚ ਸਨ ਤਾਂ ਇਸ ਗੱਲ ਨੂੰ ਲੋਕ ਬਹੁਤ ਘੱਟ ਜਾਣਦੇ ਸਨ।
ਅਦਾਕਾਰ ਆਮਿਰ ਖ਼ਾਨ ਅਤੇ ਅਦਾਕਾਰਾ ਪੂਜਾ ਭੱਟ ਨੂੰ ਪਿਆਰ ਫ਼ਿਲਮ 'ਦਿਲ ਹੈ ਕਿ ਮਾਨਤਾ ਨਹੀਂ' ਦੇ ਸੈਟ ਤੋਂ ਹੋਇਆ ਸੀ। ਹਾਲਾਂਕਿ ਆਮਿਰ ਖ਼ਾਨ ਪਹਿਲਾਂ ਤੋਂ ਵਿਆਹੇ ਹੋਏ ਸਨ।
ਜਦੋਂ ਇਹ ਫ਼ਿਲਮ ਰਿਲੀਜ਼ ਹੋਈ ਤਾਂ ਲੋਕਾਂ ਨੇ ਆਮਿਰ ਖ਼ਾਨ ਤੇ ਪੂਜਾ ਭੱਟ ਦੀ ਜੋੜੀ ਨੂੰ ਖ਼ੂਬ ਪਸੰਦ ਕੀਤਾ। ਦੋਵਾਂ ਦਾ ਰਿਸ਼ਤਾ ਜ਼ਿਆਦਾ ਲੰਬਾ ਨਹੀਂ ਚੱਲਿਆ ਤੇ ਦੋਵਾਂ ਦੇ ਰਾਹ ਵੱਖ ਹੋ ਗਏ।
ਕੁਝ ਸਮਾਂ ਪਹਿਲਾਂ ਹੀ ਇਸ ਫ਼ਿਲਮ ਨੇ 27 ਸਾਲ ਪੂਰੇ ਕੀਤੇ ਸਨ। ਇਸ ਮੌਕੇ ਪੂਜਾ ਭੱਟ ਨੇ ਆਮਿਰ ਨੂੰ ਲੈ ਕੇ ਆਪਣੀਆਂ ਪੁਰਾਣੀਆਂ ਯਾਦਾਂ ਤਾਜ਼ਾ ਕਰਦਿਆਂ ਕਿਹਾ ਸੀ ਸੈੱਟ 'ਤੇ ਆਮਿਰ ਦੇ ਨਾਲ ਪਿਆਰ ਤਕਰਾਰ ਵਾਲਾ ਰਿਸ਼ਤਾ ਸੀ। ਦੱਸ ਦੇਈਏ ਕਿ ਫ਼ਿਲਮ ਦੇ ਸੈੱਟ 'ਤੇ ਆਮਿਰ ਪੂਜਾ ਨੂੰ ਤੰਗ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਦੇ ਸਨ।
ਆਮਿਰ ਪੂਜਾ ਦੀ ਜੋੜੀ ਸਿਲਵਰ ਸਕ੍ਰੀਨ ਤੇ ਬਿਹਤਰੀਨ ਜੋੜੀਆਂ 'ਚੋਂ ਇਕ ਸੀ। ਪਰ ਰਿਅਲ ਲਾਈਫ 'ਚ ਦੋਵੇਂ ਇਕ ਦੂਜੇ ਨਾਲ ਖ਼ੂਬ ਲੜਦੇ ਸਨ। ਪੂਜਾ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਅਸੀਂ ਸੈੱਟ 'ਤੇ ਇਕ ਦੂਜੇ ਨਾਲ ਕੁੱਤੇ-ਬਿੱਲੀ ਵਾਂਗ ਲੜਦੇ ਸੀ। ਅਸੀਂ ਦੋਵੇਂ ਇਕ ਦੂਜੇ ਨੂੰ ਪਸੰਦ ਕਰਦੇ ਸੀ ਪਰ ਦੋਵਾਂ ਦਾ ਸੁਭਾਅ ਇਕ ਦੂਜੇ ਤੋਂ ਬਿਲਕੁਲ ਵੱਖ ਸੀ।
