ਹਸਪਤਾਲ ਦੇ ਸਟਾਫ਼ ਦਾ ਦਾਅਵਾ, ਸੁਸ਼ਾਂਤ ਦੇ ਗਲੇ ''ਤੇ ਸੀ ਸੂਈ ਦੇ ਨਿਸ਼ਾਨ ਅਤੇ ਟੁੱਟੇ ਹੋਏ ਸਨ ਪੈਰ (ਵੀਡੀਓ)

ਮੁੰਬਈ (ਵੈੱਬ ਡੈਸਕ) - ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਨੂੰ ਕਰੀਬ ਢਾਈ ਮਹੀਨੇ ਹੋ ਚੁੱਕੇ ਹਨ। ਅਦਾਕਾਰ ਦਾ ਪਰਿਵਾਰ, ਪ੍ਰਸ਼ੰਸਕ, ਦੋਸਤ ਸਾਰੇ ਉਸ ਨੂੰ ਇਨਸਾਫ਼ (ਨਿਆਂ) ਦਿਵਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸੀ. ਬੀ. ਆਈ. ਜਾਂਚ ਤੋਂ ਬਾਅਦ ਇਸ ਮਾਮਲੇ ਵਿਚ ਕਈ ਮੋੜ ਆਏ, ਜੋ ਹੈਰਾਨ ਕਰਨ ਵਾਲੇ ਹਨ। ਹਾਲ ਹੀ ਵਿਚ, ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਪਿਤਾ ਕੇ ਕੇ ਸਿੰਘ ਨੇ ਇੱਕ ਵੀਡੀਓ ਜਾਰੀ ਕਰਕੇ ਦਾਅਵਾ ਕੀਤਾ ਹੈ ਕਿ ਰੀਆ ਚੱਕਰਵਰਤੀ ਉਸ ਦੇ ਪੁੱਤਰ ਦੀ ਕਾਤਲ ਹੈ। ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਮੁੰਬਈ ਪੁਲਸ ਨੇ ਕਿਹਾ ਕਿ ਇਹ ਖ਼ੁਦਕੁਸ਼ੀ ਦਾ ਮਾਮਲਾ ਹੈ ਪਰ ਹੁਣ ਕੂਪਰ ਹਸਪਤਾਲ ਦੇ ਇਕ ਕਰਮਚਾਰੀ ਨੇ ਹੈਰਾਨ ਕਰਨ ਵਾਲਾ ਬਿਆਨ ਦਿੱਤਾ ਹੈ, ਜੋ ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਉਸ ਦੀ ਲਾਸ਼ ਨੂੰ ਪੋਸਟ ਮਾਰਟਮ ਤੋਂ ਬਾਅਦ ਹਸਪਤਾਲ ਅਤੇ ਫਿਰ ਸ਼ਮਸ਼ਾਨਘਾਟ ਲੈ ਕੇ ਗਿਆ ਸੀ। ਉਸ ਸਖਸ਼ ਨੇ ਦਾਅਵਾ ਕੀਤਾ ਕਿ ਸੁਸ਼ਾਂਤ ਨੂੰ ਮਾਰਿਆ ਗਿਆ ਹੈ।

ਸੁਸ਼ਾਂਤ ਦੀ ਭੈਣ ਸ਼ਵੇਤਾ ਸਿੰਘ ਕ੍ਰਿਤੀ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿਚ ਹਸਪਤਾਲ ਦਾ ਕਰਮਚਾਰੀ ਦਾਅਵਾ ਕਰ ਰਿਹਾ ਹੈ ਕਿ ਸੁਸ਼ਾਂਤ ਦਾ ਕਤਲ ਹੋਇਆ ਹੈ। ਸ਼ਵੇਤਾ ਨੇ ਇੱਕ ਨਿੱਜੀ ਟੀ. ਵੀ. ਨੂੰ ਦਿੱਤੀ ਇੰਟਰਵਿਊ ਦੀ ਕਲਿੱਪ ਸਾਂਝੀ ਕੀਤੀ ਹੈ, ਜਿਸ ਵਿਚ ਉਸ ਵਿਅਕਤੀ ਨੇ ਸੁਸ਼ਾਂਤ ਦੀ ਲਾਸ਼ ਬਾਰੇ ਬਹੁਤ ਸਾਰੀਆਂ ਗੱਲਾਂ ਦੱਸੀਆਂ ਹਨ।

My God!! Listening to news like this breaks my heart a million times...what all they did with my brother. Please, please arrest them!! #ArrestCulpritsOfSSR pic.twitter.com/2fdU0n3lyj

— shweta singh kirti (@shwetasinghkirt) August 29, 2020

ਵੀਡੀਓ ਵਿਚ ਹਸਪਤਾਲ ਦਾ ਕਰਮਚਾਰੀ ਕਹਿ ਰਿਹਾ ਹੈ- ‘ਸਾਨੂੰ ਸਿਰਫ਼ ਇਹਨਾਂ ਪਤਾ ਸੀ ਕਿ ਇਹ ਕਤਲ ਹੈ। ਇਹ ਕਤਲ ਸੀ ਅਤੇ ਜੋ ਵੀ ਨਿਸ਼ਾਨ ਸਨ, ਉਹ ਸੂਈ ਦੇ ਸੀ। ਕਰਮਚਾਰੀ ਨੇ ਦੱਸਿਆ ਕਿ ਗਲੇ ਵਿਚ 15 ਜਾਂ 20 ਨਿਸ਼ਾਨ ਸਨ ਅਤੇ ਗਲੇ ਦੇ ਦੁਆਲੇ ਕੁਝ ਸੇਲੋ ਟੇਪ ਚਿਪਕਿਆ ਹੋਇਆ ਸੀ। ਵੀਡੀਓ ਵਿਚ ਉਹ ਵਿਅਕਤੀ ਦਾਅਵਾ ਕਰ ਰਿਹਾ ਹੈ ਕਿ ਮੈਂ ਲਾਸ਼ ਨੂੰ ਕੂਪਰ ਹਸਪਤਾਲ ਅਤੇ ਫਿਰ ਸ਼ਮਸ਼ਾਨਘਾਟ ਲੈ ਕੇ ਗਿਆ ਸੀ। ਹਸਪਤਾਲ ਵਿਚ ਰੀਆ ਚੱਕਰਵਰਤੀ ਦੇ ਆਉਣ ਦੀ ਗੱਲ ਉਸ ਵਿਅਕਤੀ ਨੇ ਕਬੂਲ ਕੀਤੀ। ਕਰਮਚਾਰੀ ਨੇ ਕਿਹਾ ਕਿ ਦੋ ਲੋਕਾਂ ਨੇ ਮੈਨੂੰ ਕਿਹਾ ਸੀ ਕਿ ਤੁਸੀਂ ਬਾਡੀ (ਲਾਸ਼) ਵਿਖਾ ਸਕਦੇ ਹੋ? ਉਹ ਆਈ ਉਸ ਨੇ ਲਾਸ਼ ਵੇਖੀ ਅਤੇ ਮੁਆਫੀ ਮੰਗੀ।

Thanks Indonesia 🇮🇩🙏❤️ #MyBrotherTheBest #JusticeForSushantSinghRajput #GlobalPrayersForSSR pic.twitter.com/6ng4eX5Uit

— shweta singh kirti (@shwetasinghkirt) August 31, 2020

ਹਸਪਤਾਲ ਦੇ ਕਰਮਚਾਰੀ ਦਾ ਦਾਅਵਾ ਹੈ ਕਿ ਵੱਡੇ ਡਾਕਟਰ ਵੀ ਕਹਿ ਰਹੇ ਸਨ ਕਿ ਇਹ ਕਤਲ ਹੈ। ਇਸ ਨੇ ਫਾਹਾ ਨਹੀਂ ਲਿਆ ਹੈ। ਕਰਮਚਾਰੀ ਨੇ ਇਸ ਇੰਟਰਵਿਊ ਵਿਚ ਕਿਹਾ ਕਿ ਅਸੀਂ ਲਾਸ਼ ਨੂੰ ਵੇਖ ਕੇ ਪਛਾਣਦੇ ਹਾਂ, ਲਟਕਦਾ ਸਰੀਰ ਕਦੇ ਵੀ ਪੀਲਾ ਨਹੀਂ ਹੋਵੇਗਾ। ਸਰੀਰ ਵਿਚ ਕਈ ਥਾਵਾਂ ਉੱਪਰ ਨਿਸ਼ਾਨ ਸਨ ਅਤੇ ਪੈਰਾਂ ਦੇ ਤਲਵਿਆਂ ਵਿਚ ਸੂਈਆਂ ਚੁਭਾਉਣ ਦੇ ਨਿਸ਼ਾਨ ਸਨ।