ਗਲਤ ਮੈਸੇਜ਼ ਭੇਜਣ 'ਤੇ ਉਰਫੀ ਜਾਵੇਦ ਨੇ ਫੈਸ਼ਨ Influencer ਨੂੰ ਲਗਾਈ ਫਟਕਾਰ

ਮੁੰਬਈ- ਉਰਫੀ ਜਾਵੇਦ ਆਪਣੇ ਅਸਾਧਾਰਨ ਕੱਪੜਿਆਂ ਅਤੇ ਸਟਾਈਲ ਲਈ ਜਾਣੀ ਜਾਂਦੀ ਹੈ। ਕਈ ਲੋਕ ਉਰਫੀ ਨੂੰ ਉਸ ਦੇ ਸਟਾਈਲ ਲਈ ਟ੍ਰੋਲ ਕਰਦੇ ਹਨ, ਜਿਸ ਤੋਂ ਬਾਅਦ ਉਸ ਨੇ ਕਈਆਂ ਨੂੰ ਫਟਕਾਰ ਲਗਾਈ ਹੈ। ਇਸ ਦੌਰਾਨ ਉਰਫੀ ਨੇ ਫੈਸ਼ਨ ਇਨਫਲੂੰਸਰ ਸੂਫੀ ਨੂੰ ਫਟਕਾਰ ਲਗਾਈ ਹੈ। ਸੂਫੀ ਨੇ ਉਰਫੀ ਨੂੰ ਅਸ਼ਲੀਲ ਸੰਦੇਸ਼ ਭੇਜੇ ਹਨ ਜਿਸ ਕਾਰਨ ਉਸ ਨੇ ਉਸ ਦੀ ਕਲਾਸ ਲਗਾਈ ਹੈ। ਉਰਫੀ ਨੇ ਆਪਣੀ ਇੰਸਟਾਗ੍ਰਾਮ 'ਤੇ ਚੈਟ ਦਾ ਸਕਰੀਨ ਸ਼ਾਟ ਸ਼ੇਅਰ ਕੀਤਾ ਹੈ ਅਤੇ ਸੂਫੀ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਪ੍ਰਸਿੱਧ ਖ਼ੂਬਸੂਰਤ ਬਾਲਾ ਨੂੰ ਮੌਤ ਨੇ ਇੰਝ ਪਾਇਆ ਘੇਰਾ, ਸੜਕ ਹਾਦਸੇ 'ਚ ਹੋਈ ਦਰਦਨਾਕ ਮੌਤ

ਉਰਫੀ ਜਾਵੇਦ ਦੇ ਦੋਸਤ ਓਰੀ ਨੇ ਇੱਕ ਵੀਡੀਓ 'ਤੇ ਟਿੱਪਣੀ ਕੁਮੈਂਟ ਕੀਤਾ ਸੀ। ਉਰਫੀ ਨੂੰ ਓਰੀ ਦਾ ਕੁਮੈਂਟ ਇੰਨਾ ਪਸੰਦ ਆਇਆ ਕਿ ਉਸ ਨੇ ਓਰੀ ਦੇ ਕੁਮੈਂਟ ਦਾ ਸਕ੍ਰੀਨਸ਼ੌਟ ਲਿਆ ਅਤੇ ਇਸ ਨੂੰ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਸਾਂਝਾ ਕੀਤਾ। ਜਿਵੇਂ ਹੀ ਉਰਫੀ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਓਰੀ ਦਾ ਕੁਮੈਂਟ ਪੋਸਟ ਕੀਤਾ, ਕੁਝ ਸਮੇਂ ਬਾਅਦ ਉਰਫੀ ਦੀ ਚੈਟ 'ਤੇ ਸੂਫੀ ਮੋਤੀਵਾਲਾ ਦਾ ਇੱਕ ਅਸ਼ਲੀਲ ਕੁਮੈਂਟ ਆਇਆ। ਉਰਫੀ ਨੇ ਸੂਫੀ ਮੋਤੀਵਾਲਾ ਦੀ ਚੈਟ ਦਾ ਸਕਰੀਨ ਸ਼ਾਟ ਲਿਆ ਅਤੇ ਉਸ ਦੇ ਖਾਤੇ ਦੀ ਰਿਪੋਰਟ ਕੀਤੀ। ਇਸ ਤੋਂ ਬਾਅਦ ਉਸ ਨੇ ਇੱਕ ਹੋਰ ਪੋਸਟ ਕੀਤੀ ਜਿਸ 'ਚ ਉਰਫੀ ਨੇ ਲਿਖਿਆ, “ਇਸ ਲਈ ਸ਼ਾਇਦ ਉਹ ਇਹ ਜਵਾਬ ਆਪਣੇ ਕਿਸੇ ਦੋਸਤ ਨੂੰ ਭੇਜ ਰਿਹਾ ਸੀ, ਪਰ ਗਲਤੀ ਨਾਲ ਉਸ ਨੇ ਮੈਨੂੰ ਭੇਜ ਦਿੱਤਾ! ਬਦਕਿਸਮਤੀ ਨਾਲ ਮੈਂ ਉਸ ਸਮੇਂ ਔਨਲਾਈਨ ਸੀ ਅਤੇ ਤੁਰੰਤ ਇੱਕ ਸਕ੍ਰੀਨਸ਼ੌਟ ਲਿਆ 🙂 ਕੋਈ ਆਈਡੀ ਹੈਕ ਨਹੀਂ ਹੋਈ ਹੈ, 2 ਮਿੰਟਾਂ 'ਚ ਆਈਡੀ ਵਾਪਸ ਮਿਲ ਗਈ ਹੈ। ਹਾਲਾਂਕਿ, ਉਰਫੀ ਜਾਵੇਦ ਨੇ ਬਾਅਦ 'ਚ ਆਪਣੀਆਂ ਦੋਵੇਂ ਇੰਸਟਾਗ੍ਰਾਮ ਸਟੋਰੀਜ਼ ਨੂੰ ਡਿਲੀਟ ਕਰ ਦਿੱਤਾ।

ਇਹ ਖ਼ਬਰ ਵੀ ਪੜ੍ਹੋ - ਇਸ ਅਮਰੀਕੀ ਰੈਪਰ ਨਾਲ ਧਮਾਕਾ ਕਰਨਗੇ ਪੰਜਾਬੀਆਂ ਦੀ ਸ਼ਾਨ ਦਿਲਜੀਤ ਦੋਸਾਂਝ, ਜਾਣੋ ਕਦੋਂ ਰਿਲੀਜ਼ ਹੋਵੇਗਾ ਗੀਤ

ਸੂਫੀ ਮੋਤੀਵਾਲਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇਕ ਪੋਸਟ ਵੀ ਪਾਈ ਹੈ। ਇਸ ਪੋਸਟ 'ਚ ਸੂਫੀ ਨੇ ਉਰਫੀ ਨਾਲ ਚੈਟ ਦਾ ਇੱਕ ਸਕਰੀਨ ਸ਼ਾਟ ਪੋਸਟ ਕੀਤਾ ਹੈ। ਉਸ ਸਕ੍ਰੀਨਸ਼ੌਟ ਦੇ ਨਾਲ, ਉਸਨੇ ਲਿਖਿਆ, "ਮੈਂ ਉਸ ਨੂੰ ਮੈਸੇਜ ਕੀਤਾ, ਮੇਰਾ ਅਜਿਹਾ ਕੋਈ ਇਰਾਦਾ ਨਹੀਂ ਸੀ, ਮੈਂ ਕਿਸੇ ਨੂੰ ਵੀ ਅਜਿਹਾ ਸੰਦੇਸ਼ ਨਹੀਂ ਭੇਜਾਂਗਾ।"ਸੂਫੀ ਦੁਆਰਾ ਸਾਂਝੀ ਕੀਤੀ ਗਈ ਚੈਟ 'ਚ ਉਹ ਉਰਫੀ ਨੂੰ ਦੱਸ ਰਿਹਾ ਹੈ ਕਿ ਉਸ ਨੇ ਉਸਨੂੰ (ਉਰਫੀ) ਨੂੰ ਉਹ ਅਸ਼ਲੀਲ ਸੰਦੇਸ਼ ਨਹੀਂ ਭੇਜਿਆ ਹੈ। ਉਹ ਆਪਣਾ ਸਪੱਸ਼ਟੀਕਰਨ ਦਿੰਦੇ ਨਜ਼ਰ ਆ ਰਹੇ ਹਨ। ਉਸ ਦੇ ਮੈਸੇਜ ਤੋਂ ਲੱਗਦਾ ਹੈ ਕਿ ਉਹ ਕਹਿ ਰਿਹਾ ਹੈ ਕਿ ਇਹ ਮੈਸੇਜ ਉਸ ਦੇ ਅਕਾਊਂਟ ਤੋਂ ਕਿਸੇ ਹੋਰ ਨੇ ਭੇਜਿਆ ਹੈ।