ਵਿਆਹ ਦੇ 9 ਸਾਲ ਬਾਅਦ ਵੱਖ ਹੋਵੇਗਾ ਮਸ਼ਹੂਰ ਜੋੜਾ! ਵਾਇਰਲ ਵੀਡੀਓ ਨੇ ਤਲਾਕ ਦੀਆਂ ਖ਼ਬਰਾਂ 'ਤੇ ਲਾਈ ਮੋਹਰ

ਐਂਟਰਟੇਨਮੈਂਟ ਡੈਸਕ- ਛੋਟੇ ਪਰਦੇ ਦੇ ਪ੍ਰਸਿੱਧ ਕਲਾਕਾਰ ਹੁਨਰ ਹਾਲੀ ਅਤੇ ਮਯੰਕ ਗਾਂਧੀ ਦੀ ਨੌਂ ਸਾਲਾਂ ਦੀ ਵਿਆਹੁਤਾ ਜ਼ਿੰਦਗੀ ਨੂੰ ਹੁਣ ਖ਼ਤਮ ਕਰਨ ਦਾ ਫੈਸਲਾ ਕਰ ਲਿਆ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਇਸ ਜੋੜੇ ਦੇ ਤਲਾਕ ਦੀ ਕਾਰਵਾਈ ਅੱਜ ਤੋਂ ਸ਼ੁਰੂ ਹੋ ਗਈ ਹੈ। ਇਸ ਜੋੜੇ ਦੇ ਜੁਦਾ ਹੋਣ ਦੀਆਂ ਖ਼ਬਰਾਂ ਉਦੋਂ ਸੱਚ ਸਾਬਤ ਹੋਈਆਂ ਜਦੋਂ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋਇਆ, ਜਿਸ ਵਿੱਚ ਦੋਵੇਂ ਅਦਾਕਾਰ ਕੋਰਟ ਦੇ ਬਾਹਰ ਨਜ਼ਰ ਆ ਰਹੇ ਹਨ।

ਕੋਰਟ ਦੇ ਬਾਹਰ ਵੱਖਰਾ ਨਜ਼ਾਰਾ
ਵਾਇਰਲ ਵੀਡੀਓ ਵਿੱਚ ਦੇਖਿਆ ਗਿਆ ਕਿ ਹੁਨਰ ਹਾਲੀ ਅਤੇ ਮਯੰਕ ਗਾਂਧੀ ਇੱਕ ਕੋਰਟ ਦੇ ਬਾਹਰ ਮੌਜੂਦ ਸਨ। ਹੁਨਰ ਹਾਲੀ ਨੂੰ ਇੱਕ ਵਕੀਲ ਨਾਲ ਗੱਲ ਕਰਨ ਤੋਂ ਬਾਅਦ ਕੋਰਟ ਦੇ ਅੰਦਰ ਜਾਂਦੇ ਹੋਏ ਦੇਖਿਆ ਗਿਆ। ਦੂਜੇ ਪਾਸੇ, ਮਯੰਕ ਗਾਂਧੀ ਜਦੋਂ ਕੋਰਟ ਤੋਂ ਬਾਹਰ ਆਏ ਤਾਂ ਉਹ ਪੈਪਰਾਜ਼ੀ ਨੂੰ ਦੇਖਦੇ ਹੀ ਆਪਣਾ ਮੂੰਹ ਹੱਥ ਨਾਲ ਲੁਕਾਉਣ ਦੀ ਕੋਸ਼ਿਸ਼ ਕਰਦੇ ਨਜ਼ਰ ਆਏ। ਹਾਲਾਂਕਿ ਦੋਵਾਂ ਅਦਾਕਾਰਾਂ ਵੱਲੋਂ ਤਲਾਕ ਦੀ ਕਾਰਵਾਈ ਬਾਰੇ ਅਜੇ ਤੱਕ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ, ਪਰ ਕੋਰਟ ਦੇ ਬਾਹਰ ਦੀ ਇਸ ਫੁਟੇਜ ਨੇ ਉਨ੍ਹਾਂ ਦੇ ਤਲਾਕ ਦੀਆਂ ਖ਼ਬਰਾਂ ਨੂੰ ਪੱਕਾ ਕਰ ਦਿੱਤਾ ਹੈ।

ਹੁਨਰ ਹਾਲੀ ਅਤੇ ਮਯੰਕ ਗਾਂਧੀ ਟੀਵੀ ਦੇ ਇੱਕ ਪ੍ਰਸਿੱਧ ਜੋੜੇ ਵਜੋਂ ਜਾਣੇ ਜਾਂਦੇ ਸਨ ਅਤੇ ਉਨ੍ਹਾਂ ਦੇ ਵੱਖ ਹੋਣ ਦੀ ਖ਼ਬਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਕੀਤਾ ਹੈ।