ਕ੍ਰਿਕਟ ਹੋਸਟ ਨਾਲ ਭਲਕੇ ਫੇਰੇ ਲਵੇਗੀ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ, ਸਾਹਮਣੇ ਆਇਆ ਖਾਸ Wedding Invitation

ਮੁੰਬਈ (ਏਜੰਸੀ) : ਬਾਲੀਵੁੱਡ ਅਦਾਕਾਰਾ ਕ੍ਰਿਤਿਕਾ ਕਾਮਰਾ ਅਤੇ ਮਸ਼ਹੂਰ ਕ੍ਰਿਕਟ ਹੋਸਟ ਗੌਰਵ ਕਪੂਰ ਜਲਦ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਇਸ ਜੋੜੇ ਦੇ ਵਿਆਹ ਦੇ ਜਸ਼ਨਾਂ ਦੀ ਪਹਿਲੀ ਝਲਕ ਸਾਹਮਣੇ ਆ ਚੁੱਕੀ ਹੈ, ਜਿਸ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਇਸ ਸੀਜ਼ਨ ਦੇ ਸਭ ਤੋਂ ਸਟਾਈਲਿਸ਼ ਵਿਆਹਾਂ ਵਿੱਚੋਂ ਇੱਕ ਹੋਵੇਗਾ।

ਇਹ ਵੀ ਪੜ੍ਹੋ: 'ਸ਼ਾਕਾ ਲਾਕਾ ਬੂਮ ਬੂਮ' ਫੇਮ ਅਦਾਕਾਰ ਦੇ ਘਰ ਗੂੰਜੀਆਂ ਕਿਲਕਾਰੀਆਂ, ਪਤਨੀ ਨੇ ਦਿੱਤਾ ਪੁੱਤ ਨੂੰ ਜਨਮ

11 ਮਾਰਚ ਨੂੰ ਮੁੰਬਈ 'ਚ ਹੋਵੇਗਾ ਸਮਾਗਮ

ਕ੍ਰਿਤਿਕਾ ਅਤੇ ਗੌਰਵ ਭਲਕੇ ਯਾਨੀ 11 ਮਾਰਚ ਨੂੰ ਮੁੰਬਈ ਵਿੱਚ ਇੱਕ ਨਿੱਜੀ ਪਰ ਗਲੈਮਰਸ ਸਮਾਰੋਹ ਦੌਰਾਨ ਇੱਕ-ਦੂਜੇ ਦੇ ਹੋ ਜਾਣਗੇ। ਇਸ ਖ਼ਾਸ ਮੌਕੇ 'ਤੇ ਫ਼ਿਲਮ ਇੰਡਸਟਰੀ ਅਤੇ ਖੇਡ ਜਗਤ ਦੀਆਂ ਕਈ ਦਿੱਗਜ ਹਸਤੀਆਂ ਦੇ ਪਹੁੰਚਣ ਦੀ ਉਮੀਦ ਹੈ। ਇਸ ਵਿਆਹ ਦੀ ਸਭ ਤੋਂ ਚਰਚਿਤ ਚੀਜ਼ ਉਨ੍ਹਾਂ ਦਾ ਵੇਡਿੰਗ ਇਨਵਾਈਟ (ਸੱਦਾ ਪੱਤਰ) ਹੈ। ਰਵਾਇਤੀ ਰਿਸੀਪਸ਼ਨ ਦੀ ਬਜਾਏ, ਜੋੜੇ ਨੇ ‘ਦਿ ਪਾਰਟੀ, ਆਫਟਰ’ ਨਾਮਕ ਇੱਕ ਖ਼ਾਸ ਲੇਟ-ਈਵਨਿੰਗ ਜਸ਼ਨ ਰੱਖਿਆ ਹੈ। ਦੱਖਣੀ ਮੁੰਬਈ ਦੇ ਇੱਕ ਵੇਨਿਊ 'ਤੇ ਹੋਣ ਵਾਲੀ ਇਸ ਪਾਰਟੀ ਦਾ ਮਾਹੌਲ 'ਜੈਜ਼ ਨਾਈਟ' ਅਤੇ 'ਸਪੀਕਈਜ਼ੀ ਬਾਰ' ਵਰਗਾ ਹੋਵੇਗਾ। ਇਨਵਾਈਟ ਨੂੰ ਮੋਨੋਕ੍ਰੋਮ ਲੁੱਕ ਵਿੱਚ ਬੇਹੱਦ ਖ਼ੂਬਸੂਰਤ ਅਤੇ ਹਲਕੇ-ਫੁਲਕੇ ਅੰਦਾਜ਼ ਵਿੱਚ ਡਿਜ਼ਾਈਨ ਕੀਤਾ ਗਿਆ ਹੈ। ਮਹਿਮਾਨਾਂ ਨੂੰ ਜਲਦੀ ਆਉਣ, ਆਰਾਮ ਨਾਲ ਬੈਠਣ ਅਤੇ ਸਾਰੀ ਰਾਤ ਜਸ਼ਨ ਦਾ ਆਨੰਦ ਲੈਣ ਲਈ ਸੱਦਾ ਦਿੱਤਾ ਗਿਆ ਹੈ, ਜੋ ਇਸ ਵਿਆਹ ਨੂੰ ਬਾਕੀਆਂ ਨਾਲੋਂ ਵੱਖਰਾ ਬਣਾਉਂਦਾ ਹੈ। ਇਹ ਜਸ਼ਨ ਨਿੱਜੀ ਹੋਣ ਦੇ ਨਾਲ-ਨਾਲ ਬੇਹੱਦ ਸਟਾਈਲਿਸ਼ ਹੋਣ ਵਾਲਾ ਹੈ, ਜਿਸ ਵਿੱਚ ਦੋਵਾਂ ਦੇ ਕਰੀਬੀ ਦੋਸਤ ਅਤੇ ਪਰਿਵਾਰਕ ਮੈਂਬਰ ਸ਼ਾਮਲ ਹੋਣਗੇ।

ਇਹ ਵੀ ਪੜ੍ਹੋ: ਦਿੱਗਜ ਅਦਾਕਾਰ ਨੇ ਛੱਡੀ ਦੁਨੀਆ, ਸੁੱਤੇ ਪਏ ਨੂੰ ਪਾਇਆ ਮੌਤ ਨੇ ਘੇਰਾ, ਬੰਗਾਲੀ ਫਿਲਮ ਇੰਡਸਟਰੀ ਤੋਂ ਮੰਦਭਾਗੀ ਖ਼ਬਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e