2 ਪਰਿਵਾਰ, 6 ਬੱਚੇ...;ਧਰਮਿੰਦਰ ਦੀ 450 ਕਰੋੜ ਦੀ ਜਾਇਦਾਦ ''ਤੇ ਸੰਨੀ ਦਿਓਲ ਨੇ ਲਿਆ ਇਹ ਵੱਡਾ ਫੈਸਲਾ

ਮੁੰਬਈ - ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ ਨੂੰ ਇਸ ਦੁਨੀਆ ਤੋਂ ਗਿਆਂ ਨੂੰ 20 ਦਿਨ ਹੋ ਚੁੱਕੇ ਹਨ, ਪਰ ਉਨ੍ਹਾਂ ਦੇ ਜਾਣ ਦਾ ਦੁੱਖ ਅਜੇ ਵੀ ਪਰਿਵਾਰ ਅਤੇ ਪ੍ਰਸ਼ੰਸਕਾਂ ਲਈ ਭਾਵੁਕ ਕਰਨ ਵਾਲਾ ਹੈ। ਇਸੇ ਦੌਰਾਨ, ਉਨ੍ਹਾਂ ਦੀ ਕਰੀਬ 450 ਕਰੋੜ ਰੁਪਏ ਦੀ ਕੁੱਲ ਜਾਇਦਾਦ ਦੇ ਬਟਵਾਰੇ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਚਰਚਾ ਤੇਜ਼ ਹੋ ਗਈ ਹੈ।

ਇਹ ਵੀ ਪੜ੍ਹੋ: ਅੱਜਕੱਲ੍ਹ ਨੌਜਵਾਨ ਪੀੜ੍ਹੀ ਨੂੰ ਬੱਚਾ ਜੰਮਣ 'ਚ ਕਿਉਂ ਆ ਰਹੀ ਦਿੱਕਤ! ਵਿਆਹ ਤੋਂ ਪਹਿਲਾਂ ਮੁੰਡੇ-ਕੁੜੀਆਂ ਜ਼ਰੂਰ ਕਰਾਉਣ ਇਹ 3 ਟੈਸਟ

ਜਾਇਦਾਦ ਵਿੱਚ ਬਰਾਬਰੀ ਦੀ ਵੰਡ ਦਾ ਐਲਾਨ

ਧਰਮਿੰਦਰ ਦੀ ਮੌਤ ਤੋਂ ਬਾਅਦ ਇਹ ਸਵਾਲ ਉੱਠਣ ਲੱਗੇ ਸਨ ਕਿ ਕੀ ਦੋਵਾਂ ਧੀਆਂ ਈਸ਼ਾ ਅਤੇ ਅਹਾਨਾ ਨੂੰ ਜਾਇਦਾਦ ਵਿੱਚ ਹਿੱਸਾ ਮਿਲੇਗਾ, ਕਿਉਂਕਿ 27 ਨਵੰਬਰ ਨੂੰ ਧਰਮਿੰਦਰ ਦੀ ਪ੍ਰੇਅਰ ਮੀਟ ਵਿੱਚ ਹੇਮਾ ਮਾਲਿਨੀ ਅਤੇ ਉਨ੍ਹਾਂ ਦੀਆਂ ਧੀਆਂ ਦੀ ਗੈਰ-ਹਾਜ਼ਰੀ ਨੇ ਪਰਿਵਾਰ ਵਿੱਚ ਮਤਭੇਦਾਂ ਦੀਆਂ ਚਰਚਾਵਾਂ ਨੂੰ ਹੋਰ ਹਵਾ ਦਿੱਤੀ ਸੀ। ਹਾਲਾਂਕਿ, ਦਿਓਲ ਪਰਿਵਾਰ ਦੇ ਇੱਕ ਕਰੀਬੀ ਸੂਤਰ ਮੁਤਾਬਕ, ਧਰਮਿੰਦਰ ਦੇ ਵੱਡੇ ਪੁੱਤਰ ਸੰਨੀ ਦਿਓਲ ਨੇ ਇੱਕ ਵੱਡਾ ਬਿਆਨ ਦਿੰਦੇ ਹੋਏ ਸਪੱਸ਼ਟ ਕੀਤਾ ਹੈ ਕਿ ਧਰਮਿੰਦਰ ਦੇ ਸਾਰੇ ਬੱਚਿਆਂ ਨੂੰ ਬਰਾਬਰੀ ਨਾਲ ਉਨ੍ਹਾਂ ਦਾ ਹਿੱਸਾ ਮਿਲੇਗਾ। ਸੰਨੀ ਦਿਓਲ ਦੀ ਇਹ ਇੱਛਾ ਹੈ ਕਿ ਈਸ਼ਾ ਅਤੇ ਅਹਾਨਾ ਨੂੰ ਕਿਸੇ ਤਰ੍ਹਾਂ ਦਾ ਨੁਕਸਾਨ ਨਾ ਹੋਵੇ, ਅਤੇ ਇਹ ਖੁਦ ਧਰਮਿੰਦਰ ਦੀ ਵੀ ਇੱਛਾ ਸੀ। ਧਰਮਿੰਦਰ ਆਪਣੇ ਦੋਹਾਂ ਪਰਿਵਾਰਾਂ ਨੂੰ ਬਹੁਤ ਪਿਆਰ ਕਰਦੇ ਸਨ ਅਤੇ ਸਾਰੇ ਬੱਚਿਆਂ ਨੂੰ ਇੱਕੋ ਜਿਹਾ ਦਰਜਾ ਦਿੰਦੇ ਸਨ।

ਇਹ ਵੀ ਪੜ੍ਹੋ: ਅਰਜੁਨ ਰਾਮਪਾਲ ਨੇ 14 ਸਾਲ ਛੋਟੀ ਪ੍ਰੇਮਿਕਾ ਨਾਲ ਕਰਾਈ ਮੰਗਣੀ, ਬਿਨਾਂ ਵਿਆਹ 2 ਬੱਚਿਆਂ ਦੇ ਹਨ ਮਾਪੇ

ਪਰਿਵਾਰਕ ਢਾਂਚਾ ਅਤੇ ਸੰਪੱਤੀ

ਧਰਮਿੰਦਰ ਦੇ 2 ਪਰਿਵਾਰ ਸਨ: ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਤੋਂ ਸੰਨੀ, ਬੌਬੀ, ਅਜੀਤਾ ਅਤੇ ਵਿਜੇਤਾ, ਅਤੇ ਦੂਜੀ ਪਤਨੀ ਹੇਮਾ ਮਾਲਿਨੀ ਤੋਂ ਈਸ਼ਾ ਅਤੇ ਅਹਾਨਾ ਦਿਓਲ। ਇਸ ਤੋਂ ਇਲਾਵਾ, ਉਨ੍ਹਾਂ ਦੇ ਕੁੱਲ 13 ਨਾਤੀ-ਪੋਤੇ ਵੀ ਹਨ। ਜਾਇਦਾਦ ਦੇ ਸਵਾਲ ਉੱਠਣ ਦਾ ਇੱਕ ਹੋਰ ਕਾਰਨ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਹੇਮਾ ਮਾਲਿਨੀ ਆਪਣੀ 45 ਸਾਲਾਂ ਦੇ ਵਿਆਹ ਦੌਰਾਨ ਕਦੇ ਵੀ ਉਸ ਘਰ ਨਹੀਂ ਗਈ, ਜਿੱਥੇ ਧਰਮਿੰਦਰ ਆਪਣੀ ਪਹਿਲੀ ਪਤਨੀ ਅਤੇ ਬੱਚਿਆਂ ਨਾਲ ਰਹਿੰਦੇ ਸਨ। ਇਸ ਕਾਰਨ ਉਹ ਆਖਰੀ ਸਮੇਂ ਵਿੱਚ ਵੀ ਉਨ੍ਹਾਂ ਨੂੰ ਮਿਲਣ ਨਹੀਂ ਜਾ ਸਕੀ।

ਇਹ ਵੀ ਪੜ੍ਹੋ: ਘਰ ਖਰੀਦਣ ਵਾਲਿਆਂ ਲਈ ਖੁਸ਼ਖ਼ਬਰੀ, ਭਲਕੇ ਤੋਂ SBI ਦੇ ਲੋਨ ਹੋਣਗੇ ਸਸਤੇ, ਬੈਂਕ ਨੇ ਘਟਾਈ ਵਿਆਜ ਦਰ

ਧਰਮਿੰਦਰ ਦੀਆਂ ਮੁੱਖ ਜਾਇਦਾਦਾਂ:

ਧਰਮਿੰਦਰ ਕੋਲ ਕਈ ਤਰ੍ਹਾਂ ਦੀਆਂ ਸੰਪੱਤੀਆਂ ਸਨ, ਜਿਸ ਕਾਰਨ ਉਨ੍ਹਾਂ ਦੀ ਵਸੀਅਤ ਅਤੇ ਬਟਵਾਰੇ ਦੀ ਚਰਚਾ ਤੇਜ਼ ਹੈ। ਇਨ੍ਹਾਂ ਵਿੱਚ ਸ਼ਾਮਲ ਹਨ:

•  ਮੁੰਬਈ ਦੇ ਜੂਹੂ ਵਿੱਚ ਇੱਕ ਆਲੀਸ਼ਾਨ ਬੰਗਲਾ।
•  ਮਹਾਰਾਸ਼ਟਰ ਦੇ ਲੋਨਾਵਲਾ ਵਿੱਚ ਇੱਕ ਵੱਡਾ ਫਾਰਮਹਾਊਸ।
•  'ਸੰਨੀ ਸਾਊਂਡਸ' ਨਾਮ ਦਾ ਇੱਕ ਸਟੂਡੀਓ।
•  'ਵਿਜੇਤਾ ਫਿਲਮਜ਼' ਨਾਮ ਦੀ ਪ੍ਰੋਡਕਸ਼ਨ ਕੰਪਨੀ।
•  ਉਨ੍ਹਾਂ ਦੇ ਨਾਮ 'ਤੇ ਕਈ ਰੈਸਟੋਰੈਂਟ।
•  ਕਈ ਜ਼ਮੀਨਾਂ ਅਤੇ ਨਿੱਜੀ ਨਿਵੇਸ਼।

ਲੰਬੇ ਸਮੇਂ ਤੋਂ ਬਿਮਾਰ ਚੱਲ ਰਹੇ ਧਰਮਿੰਦਰ ਨੇ 24 ਨਵੰਬਰ ਨੂੰ ਆਪਣੇ ਘਰ ਵਿੱਚ ਆਖਰੀ ਸਾਹ ਲਿਆ ਸੀ।

ਇਹ ਵੀ ਪੜ੍ਹੋ: ਪੈਰਾਂ 'ਚ ਚੱਪਲ, ਘਟਿਆ ਭਾਰ ! ਮਸ਼ਹੂਰ ਕਾਮੇਡੀਅਨ ਦੀ ਅਜਿਹੀ ਹਾਲਤ ਵੇਖ ਹਰ ਕੋਈ ਹੈਰਾਨ