''''ਤਾਊ ਕੰਟਰੋਲ ਕਰ... ਮੈਂ ਤੇਰੀ ਕੁੜੀ !'''', ਪੰਜਾਬੀ ਅਦਾਕਾਰਾ ਸਟੇਜ ''ਤੇ ਹੀ ਹੋ ਗਈ ਸਿੱਧੀ

ਮੁੰਬਈ- ਹਰਿਆਣਵੀ ਮਿਊਜ਼ਿਕ ਇੰਡਸਟਰੀ ਦੀ ਮਸ਼ਹੂਰ ਕਲਾਕਾਰ ਪ੍ਰਾਂਜਲ ਦਾਹੀਆ ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਸੁਰਖੀਆਂ ਵਿੱਚ ਹੈ। ਉਸ ਦਾ ਇੱਕ ਲਾਈਵ ਪਰਫਾਰਮੈਂਸ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਸ ਨੇ ਸਟੇਜ 'ਤੇ ਬਦਤਮੀਜ਼ੀ ਕਰਨ ਵਾਲੇ ਇੱਕ ਸ਼ਖਸ ਨੂੰ ਕਰਾਰਾ ਜਵਾਬ ਦੇ ਕੇ ਸਭ ਦਾ ਦਿਲ ਜਿੱਤ ਲਿਆ ਹੈ।
ਵਿਚਾਲੇ ਰੋਕਿਆ ਸ਼ੋਅ, ਲਗਾਈ ਫੱਟਕਾਰ
ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਪ੍ਰਾਂਜਲ ਸਟੇਜ 'ਤੇ ਪਰਫਾਰਮ ਕਰ ਰਹੀ ਸੀ, ਜਦੋਂ ਭੀੜ ਵਿੱਚ ਮੌਜੂਦ ਇੱਕ ਵਿਅਕਤੀ ਦੇ ਅਣਉਚਿਤ ਵਿਵਹਾਰ ਕਾਰਨ ਉਸ ਨੇ ਵਿਚਾਲੇ ਹੀ ਆਪਣਾ ਸ਼ੋਅ ਰੋਕ ਦਿੱਤਾ। ਆਮ ਤੌਰ 'ਤੇ ਕਲਾਕਾਰ ਅਜਿਹੀਆਂ ਗੱਲਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ, ਪਰ ਪ੍ਰਾਂਜਲ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਸਿੱਧਾ ਉਸ ਵਿਅਕਤੀ ਨੂੰ ਮੁਖਾਤਿਬ ਹੁੰਦੇ ਹੋਏ ਆਪਣੀ ਨਾਰਾਜ਼ਗੀ ਜ਼ਾਹਿਰ ਕੀਤੀ।

'ਤਾਊ, ਖੁਦ 'ਤੇ ਕੰਟਰੋਲ ਕਰੋ'
ਪ੍ਰਾਂਜਲ ਨੇ ਬੇਹੱਦ ਦ੍ਰਿੜ ਅੰਦਾਜ਼ ਵਿੱਚ ਉਸ ਵਿਅਕਤੀ ਨੂੰ ਕਿਹਾ, "ਤਾਊ, ਤੇਰੀ ਛੋਰੀ (ਧੀ) ਦੀ ਉਮਰ ਦੀ ਹਾਂ ਮੈਂ। ਥੋੜ੍ਹਾ ਖੁਦ 'ਤੇ ਕੰਟਰੋਲ ਕਰੋ"। ਉਸ ਨੇ ਭਾਵੁਕ ਹੁੰਦਿਆਂ ਦਰਸ਼ਕਾਂ ਨੂੰ ਸਮਝਾਇਆ ਕਿ ਸਟੇਜ 'ਤੇ ਖੜ੍ਹੀ ਕਲਾਕਾਰ ਵੀ ਕਿਸੇ ਦੀ ਭੈਣ ਜਾਂ ਧੀ ਹੋ ਸਕਦੀ ਹੈ, ਇਸ ਲਈ ਸਭ ਨੂੰ ਮਰਿਆਦਾ ਅਤੇ ਸ਼ਾਲੀਨਤਾ ਬਣਾਈ ਰੱਖਣੀ ਚਾਹੀਦੀ ਹੈ।
ਸੋਸ਼ਲ ਮੀਡੀਆ 'ਤੇ ਤਾਰੀਫ਼ਾਂ ਦੇ ਪੁਲ
ਪ੍ਰਾਂਜਲ ਦੇ ਇਸ ਕਦਮ ਤੋਂ ਬਾਅਦ ਪ੍ਰਸ਼ੰਸਕ ਉਸ ਦੀ ਹਿੰਮਤ ਅਤੇ ਆਤਮ-ਸਨਮਾਨ ਦੀ ਖੂਬ ਤਾਰੀਫ਼ ਕਰ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਅਸਲ ਮਾਇਨੇ ਵਿੱਚ 'ਧਾਕੜ' ਹੈ। ਹਾਲਾਂਕਿ, ਇਸ ਘਟਨਾ ਨੇ ਲਾਈਵ ਸ਼ੋਅ ਦੌਰਾਨ ਕਲਾਕਾਰਾਂ ਦੀ ਸੁਰੱਖਿਆ ਅਤੇ ਆਯੋਜਕਾਂ ਦੀ ਜ਼ਿੰਮੇਵਾਰੀ 'ਤੇ ਵੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।