IIFA 2025 ਦਾ ਹਿੱਸਾ ਬਣਨ ਲਈ ਸ਼ਾਹਿਦ ਕਪੂਰ ਅਤੇ ਨੋਰਾ ਫਤੇਹੀ ਪਹੁੰਚੇ ਜੈਪੁਰ

ਮੁੰਬਈ (ਏਜੰਸੀ)- ਮਨੋਰੰਜਨ ਉਦਯੋਗ ਦੀਆਂ ਮਸ਼ਹੂਰ ਹਸਤੀਆਂ 8 ਅਤੇ 9 ਮਾਰਚ ਨੂੰ ਹੋਣ ਵਾਲੇ ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ (IIFA) ਅਵਾਰਡ 2025 ਲਈ ਜੈਪੁਰ ਪਹੁੰਚਣਾ ਸ਼ੁਰੂ ਹੋ ਗਈਆਂ ਹਨ। ਸ਼ਾਹਿਦ ਕਪੂਰ ਅਤੇ ਨੋਰਾ ਫਤੇਹੀ IIFA ਸਿਲਵਰ ਜੁਬਲੀ ਸਮਾਰੋਹ ਦਾ ਹਿੱਸਾ ਬਣਨ ਲਈ ਜੈਪੁਰ ਪਹੁੰਚੇ। ਇਸ ਪ੍ਰੋਗਰਾਮ ਦਾ ਹਿੱਸਾ ਬਣਨ ਲਈ ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਨੋਰਾ ਫਤੇਹੀ ਨੇ ਕਿਹਾ ਕੀਤਾ ਕਿ ਉਹ ਸ਼ਹਿਰ ਵਿੱਚ ਆ ਕੇ ਬਹੁਤ ਖੁਸ਼ ਹੈ।

ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਵੀ ਸ਼ੁੱਕਰਵਾਰ ਨੂੰ ਜੈਪੁਰ ਪਹੁੰਚਣ ਵਾਲੇ ਹਨ। ਉਨ੍ਹਾਂ ਦੇ ਤਿੰਨ ਦਿਨ ਰਹਿਣ ਅਤੇ 9 ਮਾਰਚ ਨੂੰ IIFA ਅਵਾਰਡ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਦੀ ਉਮੀਦ ਹੈ। ਬਾਲੀਵੁੱਡ ਦੇ ਹੋਰ ਵੱਡੇ ਨਾਮ ਜਿਵੇਂ ਕਿ ਕਾਰਤਿਕ ਆਰੀਅਨ, ਕਰਨ ਜੌਹਰ, ਕਰੀਨਾ ਕਪੂਰ, ਸ਼੍ਰੇਆ ਘੋਸ਼ਾਲ ਅਤੇ ਸੰਗੀਤਕਾਰ ਜੋੜੀ ਸਚਿਨ-ਜਿਗਰ ਵੀ ਇਸ ਸਮਾਗਮ ਵਿੱਚ ਸ਼ਾਮਲ ਹੋਣਗੇ। ਮੁੱਖ ਪੁਰਸਕਾਰ ਸਮਾਰੋਹ ਤੋਂ ਪਹਿਲਾਂ, 8 ਮਾਰਚ ਨੂੰ IIFA ਡਿਜੀਟਲ ਪੁਰਸਕਾਰ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸਦੀ ਮੇਜ਼ਬਾਨੀ ਅਪਾਰਸ਼ਕਤੀ ਖੁਰਾਨਾ, ਵਿਜੇ ਵਰਮਾ ਅਤੇ ਅਭਿਸ਼ੇਕ ਬੈਨਰਜੀ ਕਰਨਗੇ। ਤਿੰਨੋਂ ਮੇਜ਼ਬਾਨ ਪਹਿਲਾਂ ਹੀ ਜੈਪੁਰ ਪਹੁੰਚ ਚੁੱਕੇ ਹਨ ਅਤੇ JECC ਵਿਖੇ ਪ੍ਰੋਗਰਾਮ ਲਈ ਰਿਹਰਸਲ ਕਰ ਚੁੱਕੇ ਹਨ।

ਇਸ ਤੋਂ ਇਲਾਵਾ, 7 ਮਾਰਚ ਨੂੰ ਮਾਨਸਰੋਵਰ ਦੇ ਹੋਟਲ ਹਯਾਤ ਰੀਜੈਂਸੀ ਵਿਖੇ "ਸਿਨੇਮਾ ਵਿੱਚ ਔਰਤਾਂ ਦੀ ਯਾਤਰਾ" ਸਿਰਲੇਖ ਵਾਲਾ ਇੱਕ ਵਿਸ਼ੇਸ਼ ਮਹਿਲਾ ਦਿਵਸ ਸੰਵਾਦ ਸੈਸ਼ਨ ਆਯੋਜਿਤ ਕੀਤਾ ਜਾਵੇਗਾ। IIFA ਦੇ ਉਪ-ਪ੍ਰਧਾਨ, ਨੂਰੀਨ ਖਾਨ ਦੁਆਰਾ ਸੰਚਾਲਿਤ ਇਸ ਸੈਸ਼ਨ ਵਿੱਚ ਮਾਧੁਰੀ ਦੀਕਸ਼ਿਤ ਅਤੇ ਆਸਕਰ ਜੇਤੂ ਨਿਰਮਾਤਾ ਗੁਨੀਤ ਮੋਂਗਾ ਸ਼ਾਮਲ ਹੋਣਗੇ। ਇਹ ਚਰਚਾ ਫਿਲਮ ਉਦਯੋਗ ਵਿੱਚ ਔਰਤਾਂ ਦੇ ਯੋਗਦਾਨ, ਚੁਣੌਤੀਆਂ ਅਤੇ ਪ੍ਰਾਪਤੀਆਂ ਨੂੰ ਉਜਾਗਰ ਕਰੇਗੀ।

ਇਸ ਸਾਲ ਦੇ IIFA ਅਵਾਰਡਸ ਦੀ ਸ਼ੁਰੂਆਤ ਮੁੰਬਈ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਨਾਲ ਹੋਈ ਜਿਸ ਵਿੱਚ ਸ਼ਾਹਰੁਖ ਖਾਨ, ਕਾਰਤਿਕ ਆਰੀਅਨ ਅਤੇ ਕਰਨ ਜੌਹਰ ਦੀ ਮੌਜੂਦਗੀ ਸੀ। ਪਿਛਲੇ 25 ਸਾਲਾਂ ਤੋਂ IIFA ਵਿਦੇਸ਼ੀ ਅੰਤਰਰਾਸ਼ਟਰੀ ਸਥਾਨਾਂ 'ਤੇ ਆਯੋਜਿਤ ਕੀਤਾ ਜਾਂਦਾ ਰਿਹਾ ਹੈ, ਪਰ ਇਸ ਵਾਰ ਇਹ ਪ੍ਰੋਗਰਾਮ ਦੇਸ਼ ਦੇ ਅੰਦਰ ਹੋ ਰਿਹਾ ਹੈ। 9 ਮਾਰਚ ਨੂੰ ਹੋਣ ਵਾਲੇ IIFA ਵਾਰਡਜ਼ ਦੇ ਗ੍ਰੈਂਡ ਫਿਨਾਲੇ ਦੀ ਮੇਜ਼ਬਾਨੀ ਕਰਨ ਜੌਹਰ ਅਤੇ ਕਾਰਤਿਕ ਆਰੀਅਨ ਕਰਨਗੇ। ਸਿਤਾਰਿਆਂ ਨਾਲ ਭਰੇ ਇਸ ਪ੍ਰੋਗਰਾਮ ਵਿੱਚ ਪ੍ਰਸਿੱਧ ਬਾਲੀਵੁੱਡ ਸਿਤਾਰੇ ਆਪਣੀ ਪੇਸ਼ਕਾਰੀ ਵੀ ਦੇਣਗੇ।