ਸਲਮਾਨ ਖਾਨ ਨੇ ਬਿੱਗ ਬੌਸ ਦੇ ਫਾਈਨਲ ''ਚ ਕਾਰਤਿਕ ਆਰੀਅਨ ਦੀ ਕੀਤੀ ਪ੍ਰਸ਼ੰਸਾ

ਮੁੰਬਈ (ਏਜੰਸੀ)- ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਨੇ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦੇ ਫਾਈਨਲ ਵਿੱਚ ਕਾਰਤਿਕ ਆਰੀਅਨ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਹਰ ਫਿਲਮ ਦਾ ਹੁੱਕ ਸਟੈਪ ਵਾਇਰਲ ਹੋ ਹੀ ਜਾਂਦਾ ਹੈ। ਕਾਰਤਿਕ ਆਰੀਅਨ ਆਪਣੀ ਆਉਣ ਵਾਲੀ ਕ੍ਰਿਸਮਸ ਰਿਲੀਜ਼, "ਤੂੰ ਮੇਰੀ, ਮੈਂ ਤੇਰਾ, ਮੈਂ ਤੇਰਾ, ਤੂੰ ਮੇਰੀ" ਦਾ ਪ੍ਰਚਾਰ ਕਰਨ ਲਈ ਅਨੰਨਿਆ ਪਾਂਡੇ ਨਾਲ ਬਿੱਗ ਬੌਸ ਦੇ ਗ੍ਰੈਂਡ ਫਿਨਾਲੇ ਵਿੱਚ ਸ਼ਾਮਲ ਹੋਏ। ਜਿਵੇਂ ਹੀ ਉਨ੍ਹਾਂ ਨੇ ਸਟੇਜ ਸੰਭਾਲੀ, ਮਾਹੌਲ ਹੋਰ ਵੀ ਜੋਸ਼ ਭਰਿਆ ਹੋ ਗਿਆ।

ਸਲਮਾਨ ਖਾਨ ਨੇ ਕਾਰਤਿਕ ਦੇ ਲਗਾਤਾਰ ਡਾਂਸ ਹਿੱਟ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ, "ਤੁਹਾਡੀ ਹਰ ਫਿਲਮ ਵਿੱਚ ਇੱਕ ਹੁੱਕ ਸਟੈਪ ਹੁੰਦਾ ਹੈ ਜੋ ਵਾਇਰਲ ਹੋ ਹੀ ਜਾਂਦਾ ਹੈ।" ਸਲਮਾਨ ਦੇ ਬਿਆਨ ਨਾਸ ਪੂਰਾ ਸਟੇਜ ਤਾੜੀਆਂ ਨਾਲ ਗੂੰਜ ਉਠਿਆ। ਫਿਰ, ਇਕੱਠੇ, ਦੋਵਾਂ ਨੇ ਕਾਰਤਿਕ ਦੀ ਆਉਣ ਵਾਲੀ ਫਿਲਮ, "ਹਮ ਦੋਨੋਂ" ਦਾ ਹੁੱਕ ਸਟੈਪ ਕੀਤਾ। ਇਸ ਨੂੰ ਦੇਖ ਕੇ ਦਰਸ਼ਕ ਬਹੁਤ ਖੁਸ਼ ਹੋਏ ਅਤੇ ਡਾਂਸ ਕਲਿੱਪ ਤੇਜ਼ੀ ਨਾਲ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ। ਕਾਰਤਿਕ ਆਰੀਅਨ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਲਗਾਤਾਰ ਅਜਿਹੇ ਹੁੱਕ ਸਟੈਪ ਦਿੱਤੇ ਹਨ ਜਿਨ੍ਹਾਂ ਨੂੰ ਇੰਟਰਨੈੱਟ ਦੁਆਰਾ ਆਸਾਨੀ ਨਾਲ ਅਪਣਾਇਆ ਗਿਆ ਹੈ। ਉਨ੍ਹਾਂ ਦੇ ਲਗਭਗ ਹਰ ਗੀਤ ਨੇ ਇੱਕ ਨਵਾਂ ਟਰੈਂਡ ਬਣਾਇਆ ਹੈ।