ਐਕਟਰ ਸਨੀ ਦਿਓਲ ਦੀ ''SDGM'' ’ਚ ਰਣਦੀਪ ਹੁੱਡਾ ਦੀ ਐਂਟਰੀ,  ਮੇਕਰਜ਼ ਨੇ ਕੀਤਾ ਐਲਾਨ

ਮੁੰਬਈ- ਬਾਲੀਵੁੱਡ ਐਕਟਰ ਰਣਦੀਪ ਹੁੱਡਾ ਅੱਜ, 20 ਅਗਸਤ ਨੂੰ ਆਪਣਾ 48ਵਾਂ ਜਨਮਦਿਨ ਮਣਾ ਰਹੇ ਹਨ ਅਤੇ ਇਸ ਖਾਸ ਮੌਕੇ 'ਤੇ ਉਨ੍ਹਾਂ ਨੇ ਆਪਣੀ ਆਉਣ ਵਾਲੀ ਫਿਲਮ ਨਾਲ ਸਬੰਧਤ ਇਕ ਮਹੱਤਵਪੂਰਣ ਅਪਡੇਟ ਦਿੱਤੀ ਹੈ। ਉਨ੍ਹਾਂ ਨੇ ਐਲਾਨ ਕੀਤਾ ਕਿ ਉਹ ਸਨੀ ਦਿਓਲ ਦੀ ਐਕਸ਼ਨ ਫਿਲਮ 'SDGM' ਦਾ ਹਿੱਸਾ ਬਣਨ ਜਾ ਰਹੇ ਹਨ। ਹਾਲ ਹੀ ’ਚ, ਉਨ੍ਹਾਂ ਨੇ ਆਪਣੇ ਜਨਮਦਿਨ ਦੇ ਮੌਕੇ 'ਤੇ ਫਿਲਮ 'SDGM' ਦਾ ਪੋਸਟਰ ਸਾਂਝਾ ਕਰਦੇ ਹੋਏ ਇਸ ਨਵੇਂ ਪ੍ਰੋਜੈਕਟ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਖੁਸ਼ੀ ਪ੍ਰਗਟਾਉਂਦਿਆਂ ਲਿਖਿਆ, "ਇਸ ਐਕਸ਼ਨ ਫੀਸਟ- SDGM ਦਾ ਹਿੱਸਾ ਬਣਨ ਲਈ ਮੈਂ ਬੇਹੱਦ ਉਤਸ਼ਾਹਿਤ ਹਾਂ। ਸਨੀ ਦਿਓਲ ਪਾਜੀ ਅਤੇ ਪੂਰੀ ਟੀਮ ਨਾਲ ਸੈਟ 'ਤੇ ਜਾਣ ਦੀ ਉਡੀਕ ਕਰਦਾ ਹਾਂ। ਜਿਵੇਂ ਵਾਅਦਾ ਕੀਤਾ ਗਿਆ ਸੀ, ਇਹ ਇਕ ਐਕਸ਼ਨ ਫਿਲਮ ਹੋਵੇਗੀ।"

ਐਕਟਰ ਸਨੀ ਦਿਓਲ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਉਨ੍ਹਾਂ ਦਾ ਸਵਾਗਤ ਕੀਤਾ ਅਤੇ ਫਿਲਮ ਦੇ ਮੈਕਰਜ਼ ’ਚੋਂ ਗੋਪੀਚੰਦ ਮਾਲੀਨੇਨੀ ਨੇ ਸੋਸ਼ਲ ਮੀਡੀਆ 'ਤੇ ਤਸਵੀਰ ਪੋਸਟ ਕਰਦੇ ਹੋਏ ਰਣਦੀਪ ਨੂੰ ਜਨਮਦਿਨ ਦੀਆਂ ਵਧਾਈਆਂ ਦਿੱਤੀਆਂ। ਉਨ੍ਹਾਂ ਨੇ ਲਿਖਿਆ, "ਵਰਸੇਟਾਈਲ ਐਕਟਰ ਰਣਦੀਪ ਹੁੱਡਾ ਸਰ ਦਾ ਸਵਾਗਤ ਹੈ। ਟੀਮ SDGM ਦੀਆਂ ਵੱਲੋਂ ਤੁਹਾਨੂੰ ਜਨਮਦਿਨ ਦੀਆਂ ਬਹੁਤ ਸਾਰੀਆਂ ਵਧਾਈਆਂ।"  ਵਰਨਣਯੋਗ ਗੱਲ ਹੈ ਕਿ 'SDGM' ਨਾਲ ਸਨੀ ਦਿਓਲ ਦੱਖਣੀ ਭਾਰਤੀ ਸਿਨੇਮਾ ’ਚ ਡੈਬਿਊ ਕਰ ਰਹੇ ਹਨ। ਇਸ ਫਿਲਮ ਦਾ ਐਲਾਨ 20 ਜੂਨ 2024 ਨੂੰ ਕੀਤਾ ਗਿਆ ਸੀ। ਫਿਲਮ ਦਾ ਡਾਇਰੈਕਸ਼ਨ ਸਾਊਥ ਦੇ ਮਸ਼ਹੂਰ  ਡਾਇਰੈਕਟਰ ਗੋਪੀਚੰਦ ਮਾਲੀਨੇਨੀ ਕਰ ਰਹੇ ਹਨ, ਜੋ 'ਵੀਰਾ ਸਿਮ੍ਹਾ ਰੈੱਡੀ' ਅਤੇ 'ਕ੍ਰੈਕ' ਵਰਗੀਆਂ ਤੇਲੁਗੂ ਫਿਲਮਾਂ ਲਈ ਪ੍ਰਸਿੱਧ ਹਨ।

ਫਿਲਮ ਦੀ ਸਟਾਰ ਕਾਸਟ ’ਚ ਸਨੀ ਦਿਓਲ ਅਤੇ ਰਣਦੀਪ ਹੁੱਡਾ ਦੇ ਨਾਲ ਰੇਜੀਨਾ ਕਸੰਦਰ ਅਤੇ ਸਿਆਮੀ ਖੇਰ ਵੀ ਸ਼ਾਮਲ ਹਨ।  ਫਿਲਮ ਦਾ ਨਿਰਮਾਣ ਨੀਵਨ ਯਰਣੇਨੀ, ਵਾਈ ਰਵਿਸ਼ੰਕਰ ਅਤੇ ਟੀਜੀ ਵਿਸ਼ਵ ਪ੍ਰਸਾਦ ਰਾਹੀਂ ਮਾਇਥਰੀ ਮੂਵੀ ਮੇਕਰਜ਼ ਅਤੇ ਪੀਪਲ ਮੀਡੀਆ ਫੈਕਟਰੀ ਦੇ ਬੈਨਰ ਤਲਾਂ ਕੀਤਾ ਜਾ ਰਿਹਾ ਹੈ। ਸਿਨੇਮੈਟੋਗ੍ਰਾਫਰ ਰਿਸ਼ੀ ਪੰਜਾਬੀ ਹਨ ਅਤੇ ਸੰਗੀਤ ਥਮਨ ਐੱਸ ਨੇ ਦਿੱਤਾ ਹੈ। ਫਿਲਮ ਦੀ ਸ਼ੂਟਿੰਗ ਹਾਲ ਹੀ ’ਚ ਹੈਦਰਾਬਾਦ ’ਚ ਸ਼ੁਰੂ ਹੋ ਚੁਕੀ ਹੈ ਅਤੇ ਜਲਦ ਹੀ ਫਲੋਰ 'ਤੇ ਆਏਗੀ।  ਦੱਸ ਦਈਏ ਕਿ 'SDGM' ਦੇ ਨਾਲ, ਸਨੀ ਦਿਓਲ ਰਾਜਕੁਮਾਰ ਸੰਤੋਸ਼ੀ ਦੀ ਆਉਣ ਵਾਲੀ ਫਿਲਮ 'ਲਾਹੌਰ 1947' ’ਚ ਪ੍ਰੀਤੀ ਜਿੰਟਾ ਨਾਲ ਨਜ਼ਰ ਆਉਣਗੇ।

'ਲਾਹੌਰ 1947' ਦਾ ਨਿਰਮਾਣ ਆਮਿਰ ਖਾਨ ਪ੍ਰੋਡਕਸ਼ਨਜ਼ ਦੇ ਬੈਨਰ ਹੇਠ ਹੋ ਰਿਹਾ ਹੈ ਅਤੇ ਇਹ ਸਨੀ ਦਿਓਲ ਅਤੇ ਪ੍ਰੀਤੀ ਜਿੰਟਾ ਦਾ ਪਹਿਲਾ ਸਾਥ ਪ੍ਰੋਜੈਕਟ ਹੋਵੇਗਾ। ਦੂਜੇ ਪਾਸੇ, ਰਣਦੀਪ ਹੁੱਡਾ ਆਖਰੀ ਵਾਰ 'ਸਵਤੰਤ੍ਰ ਯੂਰ ਸਾਵਰਕਰ' ’ਚ ਨਜ਼ਰ ਆਏ ਸਨ, ਜਿਸਦਾ ਡਾਇਰੈਕਸ਼ਨ, ਪ੍ਰੋਡਕਸ਼ਨ ਅਤੇ ਰਾਈਟਿੰਗ ਉਨ੍ਹਾਂ ਨੇ ਖੁਦ ਕੀਤੀ ਸੀ।