ਪ੍ਰੀਤੀ ਜ਼ਿੰਟਾ ਲਈ ਇਸ ਵਾਰ ਹੋਲੀ ਰਹੀ ਖਾਸ, ਬੱਚਿਆਂ ਨਾਲ ਮਸਤੀ ਕਰਦੀ ਦਿਖੀ ਅਦਾਕਾਰਾ
Monday, Mar 17, 2025 - 06:30 PM (IST)
ਮੁੰਬਈ (ਏਜੰਸੀ)- ਇਸ ਸਾਲ ਹੋਲੀ ਅਦਾਕਾਰਾ ਪ੍ਰੀਤੀ ਜ਼ਿੰਟਾ ਲਈ ਥੋੜ੍ਹੀ ਜ਼ਿਆਦਾ ਰੰਗੀਨ ਸੀ, ਕਿਉਂਕਿ ਉਨ੍ਹਾਂ ਨੇ ਆਪਣੇ ਬੱਚਿਆਂ ਜੈ ਅਤੇ ਜੀਆ ਨਾਲ ਤਿਉਹਾਰ ਮਨਾਇਆ।
ਪ੍ਰੀਤੀ ਨੇ ਇੰਸਟਾਗ੍ਰਾਮ 'ਤੇ ਹੋਲੀ ਸੈਲੀਬ੍ਰੇਸ਼ਨ ਦੀਆਂ ਕੁੱਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਪਹਿਲੀ ਤਸਵੀਰ ਵਿਚ ਉਹ ਪਤੀ ਜੀਨ ਗੁਡਇਨਫ ਨਾਲ ਨਜ਼ਰ ਆ ਰਹੀ ਹੈ। ਦੂਜੀ ਤਸਵੀਰ ਵਿਚ ਉਹ ਆਪਣੇ ਪਤੀ ਅਤੇ ਛੋਟੇ ਬੱਚਿਆਂ ਨਾਲ ਨਜ਼ਰ ਆ ਰਹੀ ਹੈ, ਜੋ ਕਿ ਇੱਕ ਸੰਪੂਰਨ ਪਰਿਵਾਰਕ ਤਸਵੀਰ ਸੀ। ਹਾਲਾਂਕਿ, 'ਕਲ ਹੋ ਨਾ ਹੋ' ਅਦਾਕਾਰਾ ਨੇ ਆਪਣੇ ਬੱਚਿਆਂ ਦੇ ਚਿਹਰਿਆਂ ਨੂੰ ਚਿੱਟੇ ਦਿਲ ਵਾਲੇ ਇਮੋਜੀ ਨਾਲ ਢੱਕਿਆ ਹੋਇਆ ਸੀ। ਪ੍ਰੀਤੀ ਦੀ ਪੋਸਟ ਵਿੱਚ ਹੋਲੀ ਦੇ ਜਸ਼ਨ ਤੋਂ ਉਸਦੇ ਦੋਸਤਾਂ ਨਾਲ ਕੁਝ ਸਮੂਹ ਤਸਵੀਰਾਂ ਵੀ ਸ਼ਾਮਲ ਸਨ।
ਪ੍ਰੀਤੀ ਨੇ ਪੋਸਟ ਦੀ ਕੈਪਸ਼ਨ ਵਿਚ ਲਿਖਿਆ, "ਇਸ ਸਾਲ ਹੋਲੀ ਬਹੁਤ ਖਾਸ ਰਹੀ, ਕਿਉਂਕਿ ਸਾਨੂੰ ਬੱਚਿਆਂ ਨਾਲ ਜਸ਼ਨ ਮਨਾਉਣ ਦਾ ਮੌਕਾ ਮਿਲਿਆ... ਇੱਥੇ ਇੱਕ ਝਲਕ ਹੈ"। ਬਲੂ ਡੈਨਿਮ ਨਾਲ ਸਫੇਦ ਟੀ-ਸ਼ਰਟ ਵਿਚ ਪ੍ਰੀਤੀ ਹਮੇਸ਼ਾ ਵਾਂਗ ਖੂਬਸੂਰਤ ਲੱਗ ਰਹੀ ਸੀ।
