ਪਵਿੱਤਰਾ ਪੁਨੀਆ ਨੇ ਆਪਣੇ ਬੁਆਏਫਰੈਂਡ ਨਾਲ ਕਰਾਈ ਮੰਗਣੀ, ਤਸਵੀਰਾਂ ਕੀਤੀਆਂ ਸਾਂਝੀਆਂ
Wednesday, Oct 22, 2025 - 11:34 AM (IST)
ਮੁੰਬਈ (ਏਜੰਸੀ)- ਟੈਲੀਵਿਜ਼ਨ ਦੀ ਪ੍ਰਸਿੱਧ ਅਦਾਕਾਰਾ ਪਵਿੱਤਰਾ ਪੂਨੀਆ ਨੇ ਬੁੱਧਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਆਪਣੇ ਮੰਗੇਤਰ ਨਾਲ ਕੁਝ ਪਿਆਰ ਭਰੀਆਂ ਫੋਟੋਆਂ ਪੋਸਟ ਕਰਕੇ ਆਪਣੀ ਮੰਗਣੀ ਦਾ ਐਲਾਨ ਕੀਤਾ। ਹਾਲਾਂਕਿ, ਉਸਨੇ ਉਸ ਵਿਅਕਤੀ ਦਾ ਚਿਹਰਾ ਨਹੀਂ ਦਿਖਾਇਆ, ਜਿਸ ਨਾਲ ਉਹ ਜਲਦੀ ਹੀ ਵਿਆਹ ਕਰਨ ਵਾਲੀ ਹੈ, ਅਤੇ ਨਾ ਹੀ ਉਸਨੇ ਉਸਦਾ ਨਾਮ ਦੱਸਿਆ। ਇੰਸਟਾਗ੍ਰਾਮ 'ਤੇ ਪਵਿੱਤਰਾ ਨੇ ਆਪਣੇ ਮੰਗੇਤਰ ਨਾਲ ਤਸਵੀਰਾਂ ਪੋਸਟ ਕਰਦਿਆਂ ਲਿਖਿਆ, “ਲਵ ਨੇ ਇਹ ਰਿਸ਼ਤਾ ਅਧਿਕਾਰਿਕ ਕਰ ਦਿੱਤਾ। ਪਵਿੱਤਰਾ ਪੂਨੀਆ ਜਲਦੀ ਹੀ ਸ਼੍ਰੀਮਤੀ ਬਣਨ ਵਾਲੀ ਹੈ।”
ਪਵਿੱਤਰਾ ਦੇ ਫੈਨਜ਼ ਅਤੇ ਸਾਥੀ ਅਦਾਕਾਰਾਂ ਨੇ ਇੰਸਟਾਗ੍ਰਾਮ 'ਤੇ ਜੋੜੇ ਨੂੰ ਵਧਾਈਆਂ ਦਿੱਤੀਆਂ। ਪਵਿੱਤਰਾ ਨੇ ਮੰਗਣੀ ਦਾ ਐਲਾਨ ਏਜਾਜ਼ ਖਾਨ ਤੋਂ ਵੱਖ ਹੋਣ ਤੋਂ ਇੱਕ ਸਾਲ ਬਾਅਦ ਕੀਤਾ ਹੈ। ਬਿਗ ਬੌਸ 14 ਦੌਰਾਨ ਇਹ ਜੋੜਾ ਮਿਲਿਆ ਸੀ ਅਤੇ 2020 ਵਿੱਚ ਮੰਗਣੀ ਹੋਈ ਸੀ। ਫਿਰ 2024 ਵਿੱਚ 4 ਸਾਲ ਦੇ ਰਿਸ਼ਤੇ ਤੋਂ ਬਾਅਦ ਦੋਹਾਂ ਨੇ ਵੱਖ ਹੋਣ ਦਾ ਫੈਸਲਾ ਕੀਤਾ।
