22 ਸਾਲ ਬਾਅਦ ਟਰੇਨ ''ਤੇ ਚੜ੍ਹ ਮਲਾਇਕਾ ਅਰੋੜਾ ਨੇ ਕੀਤਾ ਅਜਿਹਾ ਕੰਮ, ਛਿੜੀ ਹਰ ਪਾਸੇ ਚਰਚਾ
11/26/2020 11:58:46 AM
ਮੁੰਬਈ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਮਲਾਇਕਾ ਅਰੋੜਾ ਆਪਣੀ ਫਿਟਨੈੱਸ ਨੂੰ ਲੈ ਕੇ ਜਾਣੀ ਜਾਂਦੀ ਹੈ। ਮਲਾਇਕਾ ਅਰੋੜਾ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਲੈ ਕੇ ਅਕਸਰ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਹਾਲ ਹੀ 'ਚ ਮਲਾਇਕਾ ਅਰੋੜਾ ਦਾ ਇਕ ਡਾਂਸ ਵੀਡੀਓ ਖ਼ੂਬ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ 22 ਸਾਲ ਤੋਂ ਬਾਅਦ ਇਕ ਵਾਰ ਫਿਰ ਟ੍ਰੇਨ 'ਤੇ ਚੜ੍ਹ ਕੇ 'ਛਈਆਂ-ਛਈਆਂ' 'ਤੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਸਟੇਜ 'ਤੇ ਆਪਣੇ ਹੁਸਨ ਦਾ ਜਲਵਾ ਦਾ ਬਿਖੇਰਦਿਆਂ ਮਲਾਇਕਾ ਅਰੋੜਾ ਨੇ ਸਭ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ।
ਦੱਸ ਦਈਏ ਕਿ ਮਲਾਇਕਾ ਦੀ ਇਹ ਵੀਡੀਓ ਟੀ. ਵੀ. ਸ਼ੋਅ 'ਇੰਡੀਆਜ ਬੈਸਟ ਡਾਂਸਰ' ਦੇ ਫਿਨਾਲੇ ਦਾ ਹੈ। ਅਦਾਕਾਰਾ ਨੇ ਵਾਈਟ ਕਲਰ ਦੀ ਡਰੈਸ ਪਾਈ ਹੋਈ ਹੈ, ਜਿਸ 'ਚ ਉਹ ਬੇਹੱਦ ਖ਼ੂਬਸੂਰਤ ਨਜ਼ਰ ਆ ਰਹੀ ਹੈ।
ਮਲਾਇਕਾ ਨੇ ਇੰਜਣ ਦੇ ਫਰੰਟ 'ਤੇ ਖੜ੍ਹੇ ਹੋ ਕੇ ਡਾਂਸ ਨਾਲ ਇਕ ਧਮਾਕੇਦਾਰ ਐਂਟਰੀ ਮਾਰੀ ਸੀ। ਇਸ ਵੀਡੀਓ 'ਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਲੋਂ ਕਾਫ਼ੀ ਪਸੰਦ ਕੀਤੀ ਜਾ ਰਹੀ ਹੈ।
ਦੱਸਣਯੋਗ ਹੈ ਕਿ ਮਲਾਇਕਾ ਅਰੋੜਾ ਆਏ ਦਿਨ ਸੋਸ਼ਲ ਮੀਡੀਆ ਜ਼ਰੀਏ ਆਪਣੀ ਫਿਟਨੈੱਸ ਨੂੰ ਲੈ ਕੇ ਜਾਂ ਆਪਣੇ ਸਟਾਇਲ ਨਾਲ ਸਭ ਦਾ ਧਿਆਨ ਖਿੱਚਦੀ ਦਿਖਾਈ ਦਿੰਦੀ ਹੈ।
ਮਲਾਇਕਾ ਅਰੋੜਾ ਟੀ. ਵੀ. ਸ਼ੋਅ 'ਇੰਡੀਆਜ਼ ਬੈਸਟ ਡਾਂਸਰ' 'ਚ ਬਤੌਰ ਜੱਜ ਦਿਖਾਈ ਦਿੱਤੀ ਸੀ। ਸ਼ੋਅ 'ਚ ਕਈ ਵਾਰ ਮਲਾਇਕਾ ਆਪਣੇ ਸਟਾਇਲ ਅਤੇ ਡਾਂਸ ਨੂੰ ਲੈ ਕੇ ਸੁਰਖੀਆਂ 'ਚ ਬਣੀ ਰਹੀ।
