ਗਰਭਵਤੀ ਹੋਣ ਦੇ ਸਵਾਲ ’ਤੇ ਪਹਿਲੀ ਵਾਰ ਖੁੱਲ੍ਹ ਕੇ ਬੋਲੀ ਨੇਹਾ ਕੱਕੜ, ਪਰਿਵਾਰ ਨਾਲ ਵੀਡੀਓ ਕੀਤੀ ਸਾਂਝੀ

ਮੁੰਬਈ (ਬਿਊਰੋ)– ਕੀ ਨੇਹਾ ਕੱਕੜ ਤੇ ਰੋਹਨਪ੍ਰੀਤ ਸਿੰਘ ਮਾਤਾ-ਪਿਤਾ ਬਣਨ ਜਾ ਰਹੇ ਹਨ? ਇਹ ਸਵਾਲ ਇਕ ਵਾਰ ਫਿਰ ਲੋਕਾਂ ਦੇ ਮਨਾਂ ’ਚ ਚਿੰਤਾਵਾਂ ਪੈਦਾ ਕਰ ਰਿਹਾ ਹੈ। ਨੇਹਾ ਕੱਕੜ ਦੀਆਂ ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਦੇਖ ਕੇ ਲੋਕ ਵਾਰ-ਵਾਰ ਇਸ ਗੱਲ ਦਾ ਇਸ਼ਾਰਾ ਕਰ ਰਹੇ ਹਨ ਕਿ ਉਹ ਗਰਭਵਤੀ ਹੈ ਤੇ ਜਲਦ ਹੀ ਉਸ ਦੇ ਘਰ ’ਚ ਕਿਲਕਾਰੀਆਂ ਗੂੰਜਣ ਵਾਲੀਆਂ ਹਨ। ਅਕਤੂਬਰ, 2020 ’ਚ ਰੋਹਨਪ੍ਰੀਤ ਸਿੰਘ ਨਾਲ ਵਿਆਹ ਤੋਂ ਬਾਅਦ ਦਸੰਬਰ, 2020 ਤੋਂ ਲਗਾਤਾਰ ਅਫਵਾਹਾਂ ਉੱਡ ਰਹੀਆਂ ਹਨ ਕਿ ਨੇਹਾ ਗਰਭਵਤੀ ਹੈ। ਪਿਛਲੇ ਦਿਨੀਂ ‘ਇੰਡੀਅਨ ਆਈਡਲ’ ਦਾ ਸੈੱਟ ਛੱਡਣ ਤੋਂ ਬਾਅਦ ਇਨ੍ਹਾਂ ਅਫਵਾਹਾਂ ਨੇ ਫਿਰ ਜ਼ੋਰ ਫੜ ਲਿਆ ਸੀ। ਹੁਣ ਸਿਰਫ ਨੇਹਾ ਤੇ ਰੋਹਨਪ੍ਰੀਤ ਹੀ ਨਹੀਂ, ਪੂਰੇ ਕੱਕੜ ਪਰਿਵਾਰ ਨੇ ਇਸ ਰਾਜ਼ ਦਾ ਪਰਦਾਫਾਸ਼ ਕਰ ਦਿੱਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਖੇਤੀ ਕਾਨੂੰਨ ਵਾਪਸ ਲੈਣ ਦੇ ਫ਼ੈਸਲੇ ’ਤੇ ਭੜਕੀ ਕੰਗਨਾ ਰਣੌਤ, ਭਾਰਤ ਨੂੰ ਆਖਿਆ ‘ਜਿਹਾਦੀ ਮੁਲਕ’

ਨੇਹਾ ਕੱਕੜ ਦੀ ਪ੍ਰੈਗਨੈਂਸੀ ਦੀ ਸੱਚਾਈ ਦਾ ਪਰਦਾਫਾਸ਼ ਕਰਨ ਲਈ ਪਤੀ ਰੋਹਨਪ੍ਰੀਤ ਸਿੰਘ, ਭਰਾ ਟੋਨੀ ਕੱਕੜ, ਭੈਣ ਸੋਨੂੰ ਕੱਕੜ ਨੇ ਆਪਣੇ ਮਾਤਾ-ਪਿਤਾ ਨਾਲ ਮਿਲ ਕੇ ਇਸ ਦੀ ਸੱਚਾਈ ਨੂੰ ਯੂਟਿਊਬ ’ਤੇ ਇਕ ਵੀਡੀਓ ਰਾਹੀਂ ਦੁਨੀਆ ਨੂੰ ਦੱਸਿਆ। ਨੇਹਾ ਕੱਕੜ ਨੇ ਆਪਣੇ ਯੂਟਿਊਬ ਚੈਨਲ ’ਤੇ ਇਕ ਨਵੀਂ ਸੀਰੀਜ਼ ਸ਼ੁਰੂ ਕੀਤੀ ਹੈ, ਜਿਸ ਦਾ ਨਾਂ ‘ਲਾਈਫ ਆਫ ਕੱਕੜਸ’ ਹੈ। ਇਸ ਸੀਰੀਜ਼ ਦੇ ਪਹਿਲੇ ਐਪੀਸੋਡ ਦਾ ਵਿਸ਼ਾ ਹੈ ‘ਕੀ ਨੇਹਾ ਕੱਕੜ ਗਰਭਵਤੀ ਹੈ?’

ਵੀਡੀਓ ਸ਼ੁਰੂ ਕਰਦਿਆਂ ਨੇਹਾ ਨੇ ਆਪਣੇ ਹੱਥ ’ਚ ਪ੍ਰੈਗਨੈਂਸੀ ਕਿੱਟ ਫੜੀ ਹੋਈ ਹੈ, ਜਿਸ ਦਾ ਨਤੀਜਾ ਦੇਖ ਕੇ ਉਹ ਖ਼ੁਸ਼ੀ ਨਾਲ ਰੋਹਨਪ੍ਰੀਤ ਨੂੰ ਇਸ ਬਾਰੇ ਸੂਚਿਤ ਕਰਦੀ ਹੈ। ਇਸ ਤੋਂ ਬਾਅਦ ਰੋਹਨਪ੍ਰੀਤ ਨੂੰ ਉਸ ਦੀ ਮਾਂ ਨੇ ਨੇਹਾ ਦਾ ਖ਼ਾਸ ਖਿਆਲ ਰੱਖਣ ਲਈ ਕਿਹਾ। ਨੇਹਾ, ਟੋਨੀ, ਸੋਨੂੰ, ਰੋਹਨਪ੍ਰੀਤ ਤੇ ਨੇਹਾ ਦੇ ਮਾਤਾ-ਪਿਤਾ ਨੇ ਇਸ ਖ਼ਬਰ ਦੀ ਸੱਚਾਈ ਦਾ ਖ਼ੁਲਾਸਾ ਕੀਤਾ।

ਇਹ ਖ਼ਬਰ ਵੀ ਪੜ੍ਹੋ : ਸੋਨੂੰ ਸੂਦ ਨੇ ਖੇਤੀ ਕਾਨੂੰਨਾਂ ਦੀ ਵਾਪਸੀ ਨੂੰ ਦੱਸਿਆ ਇਤਿਹਾਸਕ ਫ਼ੈਸਲਾ, ਕੀਤਾ ਇਹ ਟਵੀਟ

ਵੀਡੀਓ ਦੀ ਸ਼ੁਰੂਆਤ ’ਚ ਗਾਇਕ ਟੋਨੀ ਕੱਕੜ ਇਕ ਖਿਡੌਣਿਆਂ ਦੀ ਦੁਕਾਨ ’ਤੇ ਜਾਂਦਾ ਹੈ ਤੇ ਇਕ ਤੋਹਫ਼ਾ ਖਰੀਦਦਾ ਹੈ। ਰੋਹਨਪ੍ਰੀਤ ਦੀ ਮਾਂ ਉਸ ਨੂੰ ਇਹ ਯਕੀਨੀ ਬਣਾਉਣ ਲਈ ਕਹਿੰਦੀ ਹੈ ਕਿ ਨੇਹਾ ਚੰਗੀ ਤਰ੍ਹਾਂ ਖਾ ਰਹੀ ਹੈ ਤੇ ਉਸ ਨੂੰ ਗਰਭ ਅਵਸਥਾ ਦੇ ਮੂਡ ਸਵਿੰਗ ਬਾਰੇ ਚਿਤਾਵਨੀ ਦਿੰਦੀ ਹੈ, ਭਾਵੇਂ ਉਸ ਨੇ ਉਸ ਨੂੰ ਕੁਝ ਦੱਸਣ ਦੀ ਕੋਸ਼ਿਸ਼ ਕੀਤੀ ਸੀ।

ਟੋਨੀ ਇਹ ਕਹਿ ਕੇ ਸ਼ੁਰੂਆਤ ਕਰਦਾ ਹੈ ਕਿ ਉਹ ਪਰਿਵਾਰ ’ਚ ਸਭ ਤੋਂ ਛੋਟਾ ਹੈ ਤੇ ਹੁਣ ਉਸ ਤੋਂ ਛੋਟਾ ਕੋਈ ਚਾਹੁੰਦਾ ਹੈ। ਉਸ ਨੂੰ ਨੇਹਾ ਦੁਆਰਾ ਰੋਕਿਆ ਜਾਂਦਾ ਹੈ, ਜੋ ਉਸ ਨੂੰ ਝੂਠਾ ਆਖਦੀ ਹੈ ਤੇ ਦਾਅਵਾ ਕਰਦੀ ਹੈ ਕਿ ਉਹ ਉਸ ਤੋਂ ਵੱਡੀ ਹੈ। ਫਿਰ ਉਸ ਦੀ ਮਾਂ ਫਰੇਮ ’ਚ ਆਈ ਤੇ ਪੁਸ਼ਟੀ ਕੀਤੀ ਕਿ ਨੇਹਾ ਅਸਲ ’ਚ ਪਰਿਵਾਰ ’ਚ ਸਭ ਤੋਂ ਛੋਟੀ ਹੈ। ਨੇਹਾ ਨੇ ਖ਼ੁਲਾਸਾ ਕੀਤਾ ਕਿ ਜਦੋਂ ਉਹ ਹਾਲ ਹੀ ’ਚ ਯਾਤਰਾ ਕਰ ਰਹੀ ਸੀ ਤਾਂ ਇਕ ਫਲਾਈਟ ਅਟੈਂਡੈਂਟ ਨੇ ਉਸ ਨੂੰ ਪੁੱਛਿਆ ਕਿ ਕੀ ਉਹ ਗਰਭਵਤੀ ਹੈ। ਟੋਨੀ ਨੇ ਇਹ ਵੀ ਕਿਹਾ ਕਿ ਉਹ ਇਕ ਕੈਫੇ ’ਚ ਗਿਆ ਸੀ ਤੇ ਉਥੇ ਵੇਟਰ ਤੋਂ ਆਰਡਰ ਮੰਗਣ ਦੀ ਬਜਾਏ ਵੇਟਰ ਨੇ ਜਾਣਨਾ ਚਾਹਿਆ, ‘ਸਰ, ਕੀ ਤੁਸੀਂ ਮਾਮਾ ਬਣਨ ਜਾ ਰਹੇ ਹੋ?’

ਰੋਹਨਪ੍ਰੀਤ ਨੇ ਦੱਸਿਆ ਕਿ ਉਸ ਨੂੰ ਆਪਣੇ ਦੋਸਤਾਂ ਦੇ ਕਈ ਫੋਨ ਆਏ, ਜੋ ਉਸ ਤੋਂ ਇਹ ਖ਼ਬਰ ਛੁਪਾਉਣ ’ਤੇ ਗੁੱਸੇ ’ਚ ਸਨ। ਨੇਹਾ ਨੇ ਕਿਹਾ ਕਿ ਉਹ ਟੈਲੀਵਿਜ਼ਨ ਤੋਂ ਰਾਹਤ ਚਾਹੁੰਦੀ ਹੈ। ਨੇਹਾ ਦੀ ਵੱਡੀ ਭੈਣ ਸੋਨੂੰ ਕੱਕੜ ਨੇ ਕਿਹਾ ਕਿ ਨੇਹਾ ਹੁਣੇ-ਹੁਣੇ ਵਿਆਹੁਤਾ ਜੀਵਨ ਦਾ ਆਨੰਦ ਲੈ ਰਹੀ ਸੀ ਤੇ ਘਰ ’ਚ ਕੁਝ ਸਮਾਂ ਬਿਤਾ ਰਹੀ ਸੀ। ਮੈਨੂੰ ਲੱਗਦਾ ਹੈ ਕਿ ਇਸੇ ਕਾਰਨ ਉਸ ਦਾ ਭਾਰ ਥੋੜ੍ਹਾ ਵੱਧ ਗਿਆ ਹੈ।

ਨੇਹਾ ਨੇ ਉਸ ’ਤੇ ਆਈਆਂ ਸ਼ਰਾਰਤੀ ਟਿੱਪਣੀਆਂ ਬਾਰੇ ਗੱਲ ਕੀਤੀ ਕਿਉਂਕਿ ਲੋਕ ਸੋਚਦੇ ਸਨ ਕਿ ਉਹ ਵਿਆਹ ਦੇ 2 ਮਹੀਨਿਆਂ ਦੇ ਅੰਦਰ ਗਰਭਵਤੀ ਸੀ। ਦੇਖੋ, ਇੰਡਸਟਰੀ ਦੇ ਲੋਕ ਅਜਿਹੇ ਹਨ। ਵਿਆਹ ਤੋਂ ਪਹਿਲਾਂ ਸਭ ਕੁਝ ਹੋਇਆ। ਉਸ ਨੇ ਕਿਹਾ ਕਿ ਉਹ ਤੇ ਰੋਹਨਪ੍ਰੀਤ ਹੱਸਦੇ ਹਨ ਜਦੋਂ ਉਹ ਰਿਪੋਰਟਾਂ ਪੜ੍ਹਦੇ ਹਨ ਕਿ ਉਨ੍ਹਾਂ ਦਾ ਵਿਆਹ ਹੋਇਆ ਹੈ ਕਿਉਂਕਿ ਉਹ ਗਰਭਵਤੀ ਹੋ ਗਈ ਸੀ। ਨੇਹਾ ਨੇ ਅੱਗੇ ਕਿਹਾ ਕਿ ਮੈਂ ਮੰਨਦੀ ਹਾਂ ਕਿ ਮੇਰਾ ਪੇਟ ਮੋਟਾ ਹੋ ਗਿਆ ਹੈ ਪਰ ਇੰਨਾ ਨਹੀਂ ਕਿ ਮੈਂ ਗਰਭਵਤੀ ਮਹਿਸੂਸ ਕਰਾਂ। ਮਤਲਬ ਨੇਹਾ ਕੱਕੜ ਥੋੜੀ ਮੋਟੀ, ਗੋਲੂ-ਮੋਲੂ ਵੀ ਹੋ ਸਕਦੀ ਹੈ। ਇਸ ਲਈ ਮੈਂ ਇਸ ਸਮੇਂ ਸਿਰਫ ਗੋਲੂ-ਮੋਲੂ ਹਾਂ, ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਮੈਂ ਗਰਭਵਤੀ ਹਾਂ। ਰੋਹਨਪ੍ਰੀਤ ਦੇ ਨਾਲ ਸਾਰਿਆਂ ਨੇ ਕਿਹਾ ਕਿ ਨੇਹਾ ਗਰਭਵਤੀ ਨਹੀਂ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।